නවතම පුවත්

දිවයින පුරා පිහිටි පිරවුම්හල් වෙත ඩිසල් හා පෙට්‍රල් බෙදා හැරිම දැන් සිදු කෙරේ. ඉන්ධන අර්බුදය ඉදිරි දින කිහිපයේදි අවසන් වනු ඇත. ඉන්ධන හා විදුලි ගාස්තු වැඩිකිරිම සම්බන්ධයෙන් මෙතෙක් තිරණයක් ගෙන නැතැයි අමාත්‍ය ගාමිණි ලොකුගේ මහතා පවසයි. මේ අතර ලංකා ඛනිජ තෙල් නීතිගත සංස්ථාවේ සභාපති සුමිත් විජේසිංහ මහතා සඳහන් කරන්නේ නැව් දෙකකින් ඉන්ධන බෑම සිදුකරන බවයි. දිගු පෝලිම් වල රැදී සිට ඉන්ධන ලබාගැනිමේ අවශ්‍යතාවක් දැන් නැතැයි ඔහු අවධාරණය කරයි.

කැළණිතිස්ස විදුලි බලාගාරය ඇතුලු බලාගාර කිහිපයක් සදහා ඩිසල් ලබාදිම ඊයේ ආරම්භ විය. ඒ අනුව සැපයිමට නියමිත ඩිසල් ප්‍රමාණය මෙට්‍රික් ටොන් අටදහසකි. විදුලි බලාගාර සදහා අවශ්‍ය දැවි තෙල් මෙට්‍රික් ටොන් තිස්දහසක් රැගත් නෞකාවක් අද දිවයිනට ලගාවෙයි. එම ඉන්ධන ද කැළණිතිස්ස ඇතුලු තාප බලාගාර වෙත ලබාදිමට සැලසුම් කර තිබේ. මේ අතර අමාත්‍ය පවිත්‍රා වන්නිආරච්චි මහත්මියගේ ප්‍රධානත්වයෙන් විදුලි බල මණ්ඩලය මහජන උපයෝගිීතා කොමිසම සහ ලංකා ඛනිජ තෙල් නිීතිගත සංස්ථාව අතර විශේෂ සාකච්ඡාවක් ඊයේ පැවැත්විණි. විදුලිබල අර්බුදය විසදිමට කෙටි කාලින හා දිර්ග කාලින සැලසුම් ඉදිරිපත් කරන ලෙසට අමාත්‍යවරිය එහිදි උපදෙස් ලබා දි තිබේ.

මේ අතර පෞද්ගලික මගී ප්‍රවාහන බස්රථ සදහා ලංගම ඩිපෝ් වලින් ඉන්ධන ලබාදිමේ වැඩසටහන මේ වන විට දවයින පුරා තෝරාගත් ඩිපෝ 45 ක ක්‍රියාත්මකයි. ඉදිරියේදි ඉන්ධන පිරවුම්හල් ඇති සියලුම ඩිපෝ මගින් පෞද්ගලික බස්රථ සදහා ඉන්ධන ලබා දීමට කටයුතු කරන බව ලංකා ගමනාගමන මණ්ඩලයේ සභාපති කිංස්ලි රණවක මහතා පවසයි.

 

 
කිරින්ද- පුහුල්වැල්ල, ප්‍රාදේශීය සම්බන්ධීකරණ කමිටුව මාර්තු 04වෙනිදා ජනමාධ්‍ය අමාත්‍ය ඩලස් අලහප්පෙරුම මහතාගේ ප්‍රධානත්වයෙන්  කිරින්ද- පුහුල්වැල්ල ප්‍රාදේශීය ලේකම් ශ්‍රවණාගාරයේ දී රැස්විණි.
මහජන නියෝජිතයින්ට රාජ්‍ය නිලධාරීන්ට තම ප්‍රදේශයේ ගැටළු පිළිබඳ සාකච්ඡා කළ හැකි ගෞරවනීය ස්ථානය ප්‍රාදේශීය සම්බන්ධීකරණ කමිටු රැස්වීම බවත් මෙම කමිටුව තුළින් වඩාත් අවධානය යොමුවිය යුත්තේ ප්‍රාදේශීය හා ග්‍රාමීය මට්ටමින් ඉස්මතු වන යෝජනා හා අදහස් බවත් අමාත්‍යවරයා එහිදී පෙන්වා දුන්නේය.
එහිදී ප්‍රාදේශීය සභා මන්ත්‍රී, ග්‍රාම නිලධාරී, සමෘද්ධි සංවර්ධන නිලධාරී, ආර්ථික සංවර්ධන නිලධාරී, කෘෂි පරීක්ෂණ නිලධාරී හා පවුල් සෞඛ්‍ය නිලධාරී යන නිලධාරීන්ගේ  සාමූහික කැපවීම සහභාගීත්වය ග්‍රාම සංවර්ධනයේ පදනම බවත් එහීදී ඔවුන්ගේ විධිමත් සේවය දැඩි ලෙස අපේක්ෂා කරන බවත් අමාත්‍යවරයා එහිදී කියා සිටියේය.
මෙම අවස්ථාවට කිරින්ද පුහුල්වැල්ල ප්‍රාදේශීය සභා සභාපති සනත් හෙට්ටිආරච්චි, කිරින්ද පුහුල්වැල්ල ප්‍රාදේශීය ලේකම් ඒ.පී.ඩබ්.ටී. රාජපක්ෂ මහත්මිය ඇතුළු රාජ්‍ය නිලධාරීන් පිරිසක් සහභාගී වූහ .

දේශයේ නිදහස වෙනුවෙන් තම ජිවිත කැප කළ හා ආබාධිත තත්ත්වයට ප.ත් රණවිරුවන්ට උපහාර පිණිස අනුරාධපුරයේ ඉදිකළ සඳහිරුසෑ පුදබිමේ තැන්පත් කිරීමට නියමිත අටවිසි බුද්ධ ප්‍රතිමා වහන්සේ රථය රැගත් රථ පෙරහර මැල්සිරිපුර නාඋයන ආරණ්‍ය සේනාන්සනයෙන් අද පෙරවරු 9.00 ට ගමන් අරඹයි. දඹුල්ල හා මිහින්තලය ඔස්සේ රථ පෙරහර අනුරාධපුරයට ලගාවනු ඇත. ප්‍රතිමා වහන්සේ තැන්පත් කිරීමේ පුණෝත්සවය සඳහිරුසෑ පුදබිමේදී හෙට පෙරවරුවේ පැවැත්වෙයි. ආරක්ෂක ලේකම්වරයා ප්‍රධාන ආරාධිතයායි.

දැන් පැවැත්වෙන අපොස උසස් පෙළ විභාගයේ උත්තරපත්‍ර ඇගයීම ද මේ වනවිට ආරම්භ කර ඇතැයි විභාග කොමසාරිස් ජනරාල් එල්. එම්. ඩී. ධර්මසේන මහතා කියයි. පසුගියදා පැවති පහ වසර ශිෂ්‍යත්ව විභාගයේ ප්‍රතිඵල ද කඩිනමින් නිකුත් කිරීම අරමුණයි. අපොස සාමාන්‍ය පෙළ විභාගයේ සංවිධාන කටයුතු ද මේ වනවිට සිදු කෙරෙමින් පවතින බව ඔහු සදහන් කරයි.

අපොස සාමාන්‍ය පෙළ විභාගයේ ප්‍රායෝගික පරීක්ෂණ සහිත ප්‍රතිඵල ඊයේ නිකුත් කෙරින. නව ප්‍රතිඵල ලැබුනු සිසුන්ට පමණක් ප්‍රතිඵල නැවත සමීක්ෂණය සදහා අයදුම් කළ හැකි බව විභාග කොමසාරිස් ජනරාල්වරයා කියයි.

ජනමාධ්‍ය අමාත්‍ය ඩලස් අලහප්පෙරුම මහතා සහ ඉන්දුනීසියානු තානාපතිනී දේවි ගුස්ටිනා ටොබින්ග් මහත්මිය අතර හමුවක් මාර්තු 02වෙනිදා ජනමාධ්‍ය අමාත්‍යාංශයේ දී සිදුවිය.

පසුගිය දා ඉන්දුනීසියාවට බලපෑ භූමිකම්පාවෙන් විපතට පත්වූවන්ගේ පවුල්වලට සහ ජනතාව වෙත  අමාත්‍යවරයා  තානාපතිනිය හමුවේ ප්‍රථමයෙන් සිය හෘදයාංගම ශෝකය ප්‍රකාශ කළේය.

ඉන්දුනීසියාවේ බාලි හි පැවැත්වීමට නියමිත අන්තර් පාර්ලිමේන්තු සංගමයේ 144 වෙනි සමුළුව වෙනුවන් ශ්‍රී ලංකාව නියෝජනය කරමින් තමන් සහභාගීවීමට අපේක්ෂා කරන බවද අමාත්‍යවරයා එහිදී ඉන්දුනීසියානු තානාපතිනිය වෙත දන්වා සිටියේය.

නුදුරේ දී ආරම්භ කිරීමට නියමිත ශ්‍රී ලංකාවේ ප්‍රථම වරලත් ජනමාධ්‍ය පුහුණු ආයතනය වෙනුවෙන් ඉන්දුනිසියානු රජයේ සහාය ලබාගැනීම කෙරෙහි ද සාකච්ඡා වූ අතර තවද ද්විපාර්ශවික සබඳතා තවදුරටත් ශක්තිමත් කිරීමට ගත හැකි ක්‍රියා මාර්ග  පිළිබඳව ද එහිදී දෙපාර්ශවයේ අවධානය යොමු කෙරිණ .

ඉන්දුනීසියානු ශ්‍රී ලංකා 70 වසරක රාජ්‍ය තාන්ත්‍රික සබඳතාවය වෙනුවෙන් සමරු මුද්දරයක් නිකුත් කරන ලෙස ඉන්දුනීසියානු තානාපතිනිය විසින් කරන ලද ඉල්ලීම ඉතා ඉහළින් පිළිගත් අමාත්‍යවරයා ඒ සදහා අවශ්‍ය කටයුතු සම්පාදනය කරන බව ද සඳහන් කළේය.

මෙම අවස්ථාවට අමාත්‍ය පුද්ගලික ලේකම් ඕෂධී අලහප්පෙරුම මහතා සහ ඉන්දුනීසියානු තානාපති කාර්යාලයේ අමාත්‍ය උපදේශක හෙරු ප්‍රයිට්නෝ මහතාද එක්ව සිටියහ.

 
ලොව පුරා සියලු සත්ත්ව හා ශාකවල සුරක්ෂිතතාවය තහවුරු කිරීම වෙනුවෙන් විශේෂයෙන් සැමරෙන අද දිනය වන විටත් ලෝකයේ වන සත්ත්ව හා වෘක්ෂලතා විශේෂ 8400කට අධික ප්රමාණයක් දැඩි ලෙස වඳ වී යාමේ තර්ජනයකට මුහුණ පා තිබේ.
පරිසරයේ උරුමකරුවා මිනිසා පමණක් නො වේ. සත්ත්ව හා ශාක විශේෂයන්ට ද මිනිසාට මෙන් පරිසරයේ ජීවත් වීමට අයිතිය ලබා දිය යුතු ය. අපගේ සෞභාග්යයේ දැක්ම ප්රතිපත්ති ප්රකාශනය තුළින් ඒ පිළිබඳව අවධානයක් යොමු කර ඇත්තේ එබැවිනි.
මේ වන විට ශ්රී ලංකාව සතු 29%ක් වූ වනගහනය ඉදිරි පස් වසර තුළ 32% දක්වා වැඩි කිරීමේ පරිසර ප්රතිපත්තිය අනුව යමින් වසරකට ගස් දස ලක්ෂයක් සිටුවීමේ වැඩසටහන් ක්රියාත්මක කිරීම්, වනජීවී රැකවරණ, කැලෑ නැවත වගා කිරීමේ වැඩසටහන් ආදිය ක්රියාත්මක කිරීම් සියල්ලෙහි අරමුණ වනජීවීන්ගේ ජීවත්වීමේ අයිතිය තහවුරු කිරීම බව ද අද දිනයේදී සිහිපත් කළ යුතු ය.

ශ්‍රී ලංකා පුවත්පත් මණ්ඩලය ප්‍රකාශයට පත් කරන "මාධ්‍ය සමීක්ෂා" සිව්වැනි කලාපය එළි දැක්වීම ඊයේ (02) ජනමාධ්‍ය අමාත්‍ය ඩලස් අලහප්පෙරුම මහතාගේ ප්‍රධානත්වයෙන් රජයේ ප්‍රවෘත්ති දෙපාර්තමේන්තුවේ ශ්‍රවණාගාරයේදී පැවැත්විණී.

"සමාජ මාධ්‍යයේ නැගීම" ලෙස මෙම කලාපය නම් කර ඇති අතර ප්‍රවීණ මාධ්‍යවේදී ආචාර්ය එඩ්වින් ආරියදාස ශූරීන් වෙනුවෙන් උපහාර කලාපයක් ලෙස මෙය නිකුත් කර තිබේ.

ශ්‍රී ලංකාවේ සමාජ මාධ්‍ය පරිශීලකයන් සංඛ්‍යාව ලක්ෂ 79ක් වන අතර ලෝකයේ බිලියන 4.8ක් සමාජ මාධ්‍ය පරිශීලනය කරන බව ශ්‍රී ලංකා පුවත්පත් මණ්ඩලයේ සභාපති ජ්‍යෙෂ්ඨ කථිකාචාර්ය මහින්ද පතිරණ මහතා කියා සිටියේය.තවද සමාජ මාධ්‍ය පරිශීලකයන්ට සමාජ මාධ්‍ය ව්‍යාකරණය පිළිබඳව කිසිදු අදහසක් නොමැති බවද හෙතෙම පෙන්වා දුන්නේය.

ආරාධිත දේශනය සිදු කරමින් විද්‍යා ලේඛක , ප්‍රවීණ මාධ්‍යවේදී නාලක ගුණවර්ධන මහතා කියා සිටියේ, ශීඝ්‍රයෙන් දියුණූ වන ප්‍රපංචයක් ලෙස සමාජ මාධ්‍ය හඳුනාගත හැකි වන අතර සමාජ මාධ්‍ය සංවාදය පුළුල් වීම අවශ්‍ය වන බවයි.මෙහි සංකල්පීය නිරවුල් බවක් නොමැති බව පෙන්වා දෙන ඒ මහතා, මෙම ප්‍රවණතා විග්‍රහ කිරීම වෙනුවට පක්ෂග්‍රාහී වීම් සමාජ මාධ්‍ය තුළ දක්නට හැකි බව පෙන්වා දෙයි.

ආවේග වෙනුවට දත්ත මත පදනම්ව කටයුතු කළ යුතු බවත් සමාජ මාධ්‍ය තුළ වාරණය වෙනුවට නිසි නියාමන සොයා ගත යුතු බවත් ඒ මහතා වැඩිදුරටත් පැවසීය.සමාජ මාධ්‍ය පිළිබඳ දුර්මත සමාජගත වී ඇති බව පවසන ඒ මහතා ඩිජිටල් සාක්ෂරතාවය පවතින පිරිස් සමාජ මාධ්‍ය අවභාවිත කරන බවත් මේ වන විට සමාජ මාධ්‍ය ඩිජිටල් පුරවැසිභාවය ලෙස පුළුල් වී ඇති බවත් පෙන්වා දුන්නේය.
උත්සවයට සහභාගී වෙමින් රජයේ ප්‍රවෘත්ති අධ්‍යක්ෂ ජනරාල් මොහාන් සමරනායක මහතා පැවසුවේ, ජනසන්නිවේදනය ප්‍රමාණාත්මක ප්‍රසාරණයක් පසුගිය සියවසේ අවසාන දශකයේ සිට පැවති බවත් ඊට සාපේක්ෂව එහි ගුණාත්මක ප්‍රසාරණයක් සිදු නොවූ බවය.සමාජ මාධ්‍ය මානව ප්‍රගමණයට යොදා ගත හැකි විශාල අවකාශයක් බවත් ඒ මහතා වැඩිදුරටත් පැවසීය.

මෙම අවස්ථාවට  ජනමාධ්‍ය අමාත්‍යාංශයේ ලේකම් අනූෂ පැල්පිට මහතා, මහාචාර්ය ටියුඩර් වීරසිංහ මහතා, මහාචාර්ය සුනන්ද මහේන්ද්‍ර මහතා, ශ්‍රී ලංකා පුවත්පත් මණ්ඩලයේ කොමසාරිස් නිරෝෂන් තඹවිට මහතා ඇතුලු ශ්‍රී ලංකා පුවත්පත් මණ්ඩලයේ නිලධාරීන් , ජනමාධ්‍යවේදීන් ,විශ්වවිද්‍යාල විද්‍යාර්ථීන් ඇතුලු පිරිසක් සහභාගී විය.

පහ ශ්‍රේණිය ශිෂ්‍යත්ව විභාගයේ ප්‍රතිඵල ඉදිරි දින කිහිපය තුළ නිකුත් කරන බවත්, උසස් පෙළ ප්‍රතිඵල කඩිනමින් නිකුත් කර, සිසුන් විශ්වවිද්‍යාලයට ප්‍රවේශ වන කාලය අඩුකරන බවට සහතික වන බවත්, අධ්‍යාපන අමාත්‍ය දිනේෂ් ගුණවර්ධන මහතා ප්‍රකාශ කළේය.

සභානායක, අධ්‍යාපන අමාත්‍ය දිනේෂ් ගුණවර්ධන මහතා මෙම අදහස් පළ කළේ, සිය උපන් දිනය යෙදෙන 02 දින, හෝමාගම - ගොඩගම ළමා හා මාතෘ සායනය වෙත සහ ගොඩගම උතුර-දකුණ සිතමු කාන්තා ගොවි සංවිධානය වෙත උපකරණ පරිත්‍යාග කිරීමේ උත්සවයට එක්වෙමිනි. අමාත්‍ය දිනේෂ් ගුණවර්ධන මහතාගේ සහ  පාර්ලිමේන්තු මන්ත්‍රි යදාමිණි ගුණවර්ධන මහතාගේ විමධ්‍යගත අරමුදලින් මෙම උපකරණ පරිත්‍යාග කෙරිණි.

පා.ම. යදාමිණි ගුණවර්ධන මහතාද, එක්වූ මෙම උත්සවය, හෝමාගම ප්‍රාදේශීය සභා මන්ත්‍රී විකුම් කිත්සිරි දේවප්‍රියද සොයිසා මහතා සංවිධාන කර තිබිණි. මෙම අවස්ථාවට, හෝමාගම ප්‍රාදේශීය සභා මන්ත්‍රී කමල් චන්දන, හෝමාගම ප්‍රධාන වෛද්‍ය නිලධාරි වෛද්‍ය ඉන්දික කටුධම්ප, අතිරේක සෞඛ්‍ය වෛද්‍ය නිලධාරී හරිත අලුත්ගේ යන මහත්තුරු මෙන්ම ප්‍රදේශවාසීහු රැසක් එක්ව සිටියහ.

මෙහිදී වැඩිදුරටත් අදහස් දක්වමින්, අමාත්‍යවරයා කියා සිටියේ, රටේ සෑම නිවසකට ම යමින්, ජනතාවගේ නිරෝගීභාවය සහතික කරන, ක්‍රමයක් ඇතිකළ යුතු බවය. ඒ සඳහා උසස් අධ්‍යාපන ආයතනවලින් සහයෝගය ලබාදිය හැකි බවත්, වෛද්‍ය හා හෙද සේවයට සහය දීමට ස්වේච්ඡා සේවා ආරම්භ විය යුතු බවත් ඔහු පැවසීය.

අධ්‍යාපන අමාත්‍ය දිනේෂ් ගුණවර්ධන මහතා මෙසේද කීය.
" අහරින් ස්වයංපෝෂිත රටක් හදන්න, ජනාධිපතිතුමා ජාතියට ආරාධනය කර තිබෙනවා. අත්‍යවශ්‍ය ආහාර ද්‍රව්‍ය කිහිපයක් හෝ අපට නිපදවා ගන්න පුළුවන් නම්, පිටරටින් ගෙන ඒම යම් පමණක හෝ අඩු කරගන්න පුළුවන්. මොකද ආහාර වේල සඳහා යමක් තම තමන් නිපදවා ගන්න, යොමුවිය යුතු කාලයක් මේක. ගෙවතු වගාව සඳහා මේ විදියට ගොවි සංවිධාන වෙත අපට හැකි ලෙස උපකාර කරන්නෙත් ඒ නිසයි "

 

පෙබරවාරි මාසයේ දි වසර දෙකකට පසුව මසකට පැමිණි වැඩිම සංචාරක සංඛ්‍යාව පෙබරවාරි මසයේ දි වාර්තා වේ. පෙබරවාරි මාසයේ දි මෙරටට පැමිණි සංචාරක සංඛ්‍යාව 96,507 කි.

2020 මාර්තු මාසයෙන් පසු මෙරටට පැමිණි වැඩිම සංචාරක සංඛ්‍යාව එය බව සංචාරක ඇමති ප්‍රසන්න රණතුංග මහතා පවසයි.

මේ වසරේ ජනවාරි මාසයේ දි සංචාරකයන් 82,327 දෙනෙකු පැමිණ තිබේ. පෙබරවාරි මාසයේ දි පැමිණි 96,507 ත් සමග පසුගිය මාස දෙකක කාලය තුළ මෙරට සංචාරකයන් 178,834 දෙනෙකු පැමිණ ඇත. 2021වසරේ දි මෙරටට පැමිණි සංචාරකයන් ගණන 194,495 කි. පෙබරවාරි මාසයේ දින 05 තුළ දෛනික ව මෙරටට පැමිණි සංචාරකයන් සංඛ්‍යාව 4000 ඉක්මවිම විශේෂත්වයකි.

මේ වසර තුළ සංචාරකයන් වැඩි වශයෙන් පැමිණ ඇත්තේ රුසියානු සමූහාණ්ඩුවෙනි. එම සංඛ්‍යාව 28,818 කි. ඉන්දියානු සංචාරකයන් 24,495 ක් මෙරටට පැමිණ ඇති අතර එක්සත් රාජධානියෙන් සංචාරකයන් 18,084 දෙනෙක්, ජර්මනියෙන් සංචාරකයන් 13,119 ක් සහ යුක්රේනයෙන් සංචාරකයන් 13,062 ක් පැමිණ ඇත.
මෙරටට සංචාරකයන් පැමිණිමේ දත්ත සළකා බැලිමේ දි පසුගිය සැප්තැම්බරයේ සිට සංචාරකයන් වැඩිවීමේ ක්‍රමික වර්ධනයක් දක්නට ලැබෙන බව ද ඇමතිවරයා කියයි. පසුගිය සැප්තැම්බර් මසයේ දි 13,547 ක්, ඔක්තෝම්බර් මාසයේ දි 22,771 ක්, නොවැම්බර් මාසයේ දි44,294 ක් හා දෙසැම්බර් මාසයේ දි 89,506 ක් ලෙස මෙම පැමිණිම වාර්තා වී ඇතැයි ද ඇමතිවරයා කියයි.

ජනමාධ්ය අමාත්ය ඩලස් අලහප්පෙරුම මැතිතුමා ඉන්දුනීසියානු තානාපතිනි දෙවි ගුස්ටිනා ටෝබින්ග් මහත්මිය අතර හමුවක් අද(02) අමාත්යතුමාගේ කාර්යාලයේ දී පැවැතිවිණි

සිංහල භාෂා දිනය අදට යෙදී තිබේ. ඉංග්‍රිසි අධිරාජ්‍යවාදීන්ගේ පාලනයට එරෙහිව වාරියපොල සුමංගල ස්වාමින් වහන්සේ ඉංග්‍රිසි ධජය බිම දමා පාගා ලංකා කොඩිය එසවුයේ අද වැනි දිනකයි. මෑත යුගයේ මෙරට බිහිවු විශිෂ්ටතම පඩිවරයෙකු වු කුමාරතුංග මුණිදාස සුූරීන් මරණයට පත්වුයේ 1944 මාර්තු 02 වැනිදායි. මෙම සිදුවීම් දෙක පාදක කර ගනිමින් 1989 දී රජය සෑම වසරකම මාර්තු 02 වැනිදා සිංහල භාෂා දිනය ලෙස ප්‍රකාශයට පත් කළේය.

මහා ශිව රාත්රිය, ශිව දෙවියන් වෙනුවෙන් පවත්වනු ලබන හින්දු ආධ්යාත්මික මංගල්යයකි. හින්දු බැතිමත්හු අනාදිමත් කාලයක සිට ශිව දෙවියන් හට පුද පූජා පැවැත්වීමෙන් එම ආශීර්වාදය ලබති.
පුද්ගල ජීවිතය මෙන් ම ලෝකය තුළ අන්ධකාරය හා අවිද්යාව බිඳ ප්රඥාව අවදි කර ගැනීම මහා ශිව රාත්රි දිනයේදී සමරනු ලබයි. එමෙන් ම සමෘද්ධිය හා සශ්රීකත්වයේ අපේක්ෂාව ද මහා ශිව රාත්රිය හා බැඳී පවතී.
සියලු දෙනා පීඩාවෙන් මුදා ගැනීම යනු මනුෂ්යත්වය ඉක්මවා ගිය දිව්යමය ප්රාර්ථනාවකි. ශිව දෙවියන් වෙනුවෙන් උපවාසයේ යෙදෙමින්, යැදුම් පවත්වමින් හා භාවනායෝගීව සිටිමින් මහා ශිව රාත්රි දිනයේ අත් කරගත් ආධ්යාත්මික ශක්තීන් සමස්ත සමාජයට එල්ල වී ඇති අභියෝග ජය ගැනීමට ආශීර්වාදය එක් කරනු ඇතැයි යන්න සැමගේ අපේක්ෂාවයි.
ශිව දෙවියන්ගේ මංගල්යය සංකේතවත් කරන විශ්වාසයන් සමස්ත ලෝකවාසී ජනතාව තුළ ආධ්යාත්මික පිබිදීමක් ඇති කරවන අතර අවංක බව, ත්යාගශීලී බව සහ සමාව දීම යන සත්යවාදී ගුණාංගයන් අනුව ජීවත්වීමට ආරාධනා කරයි. මහා ශිව රාත්රියේ ආධ්යාත්මික පණිවුඩය එකිනෙකා අතර සාමූහික බව තවදුරටත් ශක්තිමත් කරනු ලබයි.
ආධ්යාත්මික සුවය, සශ්රීකත්වය සහ ප්රබෝධය සියලු දෙනාගේ යහපත් අභිමතාර්ථ සාධනයට හේතු වන සුබ මහා ශිව රාත්රි මංගල්යයක් වේවා! යි ප්රාර්ථනා කරමි.

නවතම පුවත්

ධම්මික පෙරේරා ආයෝජන ප්‍රවර්ධන අමාත්‍ය ධුරයේ දිවුරුම් දෙයි

ජූනි 24, 2022
පාර්ලිමේන්තු මන්ත්‍රී ධම්මික පෙරේරා මහතා ආයෝජන ප්‍රවර්ධන අමාත්‍ය ධුරයේ දිවුරුම් දෙයි.…

වාකරේ ගොවි බිම් නිරීක්ෂණයට

ජූනි 22, 2022
කෘෂිකර්ම අමාත්‍යංශය යටතේ ක්‍රියාත්මක කෘෂි ක්ෂේත්‍ර නව්‍යකරණ ව්‍යාපෘතිය මගින් ක්‍රියාවට…

අගමැති සහ චීනයේ නියෝජ්‍ය තානාපති අතර සාකච්ඡාවක්

ජූනි 22, 2022
අග්‍රාමාත්‍ය රනිල් වික්‍රමසිංහ මහතා සහා චීනයේ නියෝජ්‍ය තානාපති Hu Wei මහතා අතර 21 උදෑසන…

ඉන්ධන හිගය හේතුවෙන් අද සිට පොදු ප්‍රවාහන සැලැස්මක්

ජූනි 15, 2022
ඉන්ධන හිගය හමුවේ ආර්ථිකය සහ ජනජීවිතය අඩාල නොවී පවත්වාගෙන යාම අරමුණු කර අද සිට පොදු…

පොසොන් පොහෝය දින පණිවිඩය -  ජනපති

ජූනි 15, 2022
නව අරුත් සහිත අනන්‍යතාවක් සේ ම සංස්කෘතික ප්‍රබෝධයක් ඇති කළ, මහින්දාගමනය සිදු වූ පොසොන්…

පොසොන් පොහෝය දින පණිවිඩය -  අග්‍රාමාත්‍ය 

ජූනි 14, 2022
පොසොන් පොහෝ දිනය ශ්‍රී ලාංකික ජාතික සංස්කෘතියේ සමාරම්භක දිනය ලෙස චිරාගතව ශ්‍රී ලාංකික…

රාජ්‍ය මාධ්‍ය ආයතන සදහා නව ප්‍රධානීන් පත් කරයි...

ජූනි 13, 2022
රාජ්‍ය මාධ්‍ය ආයතන සදහා නව සභාපතිවරුන් පුමුඛ අධ්‍යක්ෂ මණ්ඩල සමාජිකයන් පත්කර තිබේ .…

වරාය නගර ව්‍යාපෘතියට විදේශ ආයෝජන ආකර්ෂණය සඳහා සුවිශේෂී බදු සහන

ජූනි 07, 2022
වරාය නගර ව්‍යාපෘතිය සඳහා විදේශ ආයෝජන ආකර්ෂණය කරගැනීම සඳහා සුවිශේෂී බදු සහන වර්ෂ 40ක…

පාර්ලිමේන්තු ලේඛන මෘදු පිටපත් ලෙස පමණක් ප්‍රකාශයට පත් කිරීමට තීරණයක්

ජූනි 07, 2022
පාර්ලිමේන්තුවට ඉදිරිපත් කරනු ලබන මුද්‍රිත වාර්ෂික වාර්තා ඇතුළු ලේඛන මෘදු පිටපත් ලෙස පමණක්…

අමාත්‍ය මණ්ඩල තීරණ- 2022-06-06

ජූනි 07, 2022
අමාත්‍ය මණ්ඩල තීරණ- 2022-06-06

logo20190228 1

163, ඇසිදිසි මැඳුර, කිරුළපන මාවත, පොල්හේන්ගොඩ, කොළඹ 05

011-2513 459, 011-2513 460,
011-2512 321, 011-2513 498

info@media.gov.lk
facebook
twitter