ජනවාර්ගික ගැටළුවට ස්ථිර විසඳුමක් අවශ්‍ය බව තමන්ද පිළිගන්නා නමුත් මේ අවස්ථාවේ කළ යුතුව ඇත්තේ ජාති, ආගම් බේදයෙන් තොරව රට ගොඩනැගීමේ වැඩපිළිවෙළට ශ්‍රී ලාංකිකයන් ලෙස සියලුදෙනා එක්වීම බව ජනාධිපති රනිල් වික්‍රමසිංහ මහතා පැවසීය.

ජනාධිපතිවරයා මේ බව සඳහන් කර සිටියේ  (03) පෙරවරුවේ යාපනය උදයන් පුවත්පතේ කාර්යාලයේදී එහි කාර්ය මණ්ඩලය සමඟ හමුවකට එක් වෙමිනි. පළාතේ සෙසු මාධ්‍යවේදින් පිරිසක් ද මෙම අවස්ථාවට එක්ව සිටියහ.

යාපනයේ සංචාරයක නිරත ජනාධිපති රනිල් වික්‍රමසිංහ මහතා එම සංචාරය අතරතුර දී මෙම හමුවට එක් විය.

එහිදී උදයන් පුවත්පතේ ප්‍රධාන විධායක නිළධාරි පාර්ලිමේන්තු මන්ත්‍රී ඊ. සරවනභවන්, ප්‍රධාන කර්තෘ තා. ප්‍රභාකරන් යන මහත්වරුන් ඇතුළු කාර්ය මණ්ඩලය ජනාධිපතිවරයාව ගෞරවයෙන් යුතුව පිළිගනු ලැබීය.

අනතුරුව මාධ්‍යවේදින් සමඟ සුහද කථා බහකට එක්වූ ජනාධිපතිවරයා ඔවුන් මතු කළ ප්‍රශ්න කිහිපයකට ද සාධනීය පිළිතුරු ලබා දුන්නේය.

රටේ ප්‍රධාන ප්‍රශ්නය බවට පත්ව තිබුනේ රට බංකොලොත්භාවයෙන් නිදහස් කර ගැනීම බව මෙහිදී පෙන්වා දුන් ජනාධිපති රනිල් වික්‍රමසිංහ මහතා පසුගිය ජූනි මාසයේදී එම ප්‍රශ්නය විසඳා ගැනීමට හැකි වූ බැවින් මේ වන විට අනෙක් ගැටළුවලට විසඳුම් ලබාදීම පිළිබඳ අවධානය යොමු කිරීමට අවස්ථාව ලැබී ඇති බවද සඳහන් කළේය.

පසුගිය දින දෙක පුරා තමා යාපනයේ සිදු කළ සංචාරයේ දී මුණ ගැසුණු තරුණ තරුණියන්ගේ මූලික ඉල්ලීම් වුයේ රැකියා ලබා ගැනීම සහ අනාගත ස්ථාවරභාවය බව මෙහිදී සඳහන් කළ ජනාධිපතිවරයා උතුර සහ දකුණ කියා තරුණ තරුණියන්ගේ අපේක්ෂාවන්හි වෙනසක් නොවන බවද පැවසීය.

පළාත් සභා ශක්තිමත් කරමින් ඒ ඒ පළාත්වල සංවර්ධනය වෙනුවෙන් පුළුල් අවකාශයක් ගොඩනගාදීම තම අරමුණ බව ද සඳහන් කළ ජනාධිපතිවරයා එම සෑම පළාතක් වෙනුවෙන් මධ්‍යම රජයේ සහාය ලබා දීමට කටයුතු කරන බවද වැඩිදුරටත් කියා සිටියේය.

දරුවන්ගේ ජීවිතවලට සැබෑ මිහිරක් ගෙන දෙන ‘මිහිර’ පුවත්පත නව මුහුණුවරකින් ඉදිරියේදී දරුවන් අතට පත් කරන බව සීමාසහිත එක්සත් ප්‍රවෘත්ති පත්‍ර සමාගමේ සභාපති සහ කළමනාකාර අධ්‍යක්ෂ, මහාචාර්ය හරේන්ද්‍ර කාරියවසම් මහතා පැවසීය.සභාපතිවරයා මේ බව පැවසුවේ ‘මිහිර’ පුවත්පතට වසර 60ක් පිරීම නිමිත්තෙන් ලේක්හවුස් ආයතන පරිශ්‍රයේ  (30) පැවති උත්සවයට එක්වෙමිනි.

එහිදී වැඩිදුරටත් අදහස් දැක්වූ සභාපතිවරයා මෙලෙස ද කීවේය.

“නවීකරණය වන ලෝකයත් සමඟ ‘මිහිර’ පුවත්පත ද නවීකරණය කිරීම අත්‍යවශ්‍යයි. ඒ අනුව ඊ පුවත්පතක් ලෙස ‘මිහිර’ පුවත්පත ප්‍රකාශයට පත් කරනවා. නැවත මුද්‍රිත පුවත්පතක් ලෙසත් දරුවන් අතට පත් කිරීමට පියවර ගන්නවා.

වසර 60ක් සම්පූර්ණ කරන ‘මිහිර’ පුවත්පතට මම පළමුවෙන්ම සුභාශිංසන පිරිනමනවා. 1964 ජූලි මස 27 වැනිදා ‘මිහිර’ පුවත්පත ආරම්භ කළා. මේ සංවත්සරයත් සමඟ ඊ පුවත්පතක් දරුවන් අතට පත් කරනවා. නවීකරණය කර තමයි එය අපි ඉදිරිපත් කරන්නේ. ‘මිහිර’ පුවත්පතේ පළමු කර්තෘ වූයේ ශ්‍රී ලාල් ලියනගේ මහතා. එදා සිට අද කර්තෘ රූපාන්ති බුලත්සිංහල මෙනෙවිය දක්වා සුවිශේෂ කර්තෘවරුන් පිරිසක් ‘මිහිර’ පත්තරය වෙනුවෙන් කැප වුණා. ඒ කැපවීමේ ප්‍රතිඵල තමයි අපි ‘මිහිර’ පුවත්පතෙන් දකින්නේ. ලෝකය වෙනස් වෙනවා. ඒ වෙනසත් එක්ක අපටත් වෙනස් වෙන්න වෙනවා. කොවිඩ් වසංගතයත් සමඟ ලෝකය බොහෝ ලෙස වෙනස් වුණා. මේ වෙනස් වීමත් සමඟ මුද්‍රිත මාධ්‍යයෙන් එහාට අපත් යා යුතුයි. අධ්‍යාපනය ලබන එක් ක්‍රමයක් තමයි සූම් තාක්ෂණය භාවිත කරමින් ලෝකය සමඟ සම්බන්ධ වීම. එය කොවිඩ්වලට පෙර ලෝකයේ තිබුණා. අපට ආවේ කොවිඩ්වලින් පසුව. ලෝකය අපේ අත්වලට ඇවිත් තිබෙනවා. ඒ නිසා ස්මාර්ට් දුරකතන ගැන අපි කතා කරනවා.

වෙනස් වන ලෝකයට අනුව වෙනස් වීමට අපත් තීරණය කළා. ඒ අනුව තමයි අපි ‘මිහිර’ පුවත්පත ඊ පුවත්පතක් ලෙස ජනගත කිරීමට තීරණය කළේ. ‘මිහිර’ පුවත්පත නතර කර නෑ. විදුහල්පතිවරුන්ගේ ඉල්ලීම අනුව නැවත පුවත්පත මුද්‍රණය කිරීම ගැන අපි තීරණයක් ගන්නවා. තාක්ෂණය කොතරම් දියුණු වුණත් මුද්‍රිත පුවත්පතක් පාඨකයා අතට පත් වූ විට කියැවීමේ සංස්කෘතිය තවමත් ලෝකය තුළ තිබෙනවා. අලුත් මුහුණුවරකින් ලෝකයට ගැළපෙන විදිහට ඉලෙක්ට්‍රොනික මාධ්‍යයට අමතරව මුද්‍රිත මාධ්‍යයෙනුත් ‘මිහිර’ දරුවන් අතට පත් කරන්න අපි කටයුතු කරනවා. අපි ඩොලර් එක ගැන කතා කරනවා. ගුවන්තොටුපොළේ සිටින හිඟන පුද්ගලයකුට ඉස්සර ඩොලර් එකක් දුන්නාම ඔහු ඒකට අකැමැතියි. නමුත් අද ඩොලරයක් දුන්නාම ඒක ඉහළින්ම පිළිගන්නවා. ආර්ථික අර්බුදයත් සමඟ සිදු වූ දෙයක් තමයි ඒක. හැම අර්බුදයක් එක්කම නවතම දේවල් පැමිණෙනවා. වැඩිම ලෙස හෝම් වර්ක් දෙන රටක් තමයි ලංකාව. දරුවන් ඒකට කැමැති නෑ. එය මම අත්දැකීමෙන්ම දන්නවා. අපේ පාසල්වල දෙන හෝම් වර්ක් දරුවන්ට කරගත නොහැකියි. ඒ නිසා ගෙදර අම්මයි තාත්තයි තමයි ඒ හෝම් වර්ක් කරන්නේ. අම්මයි තාත්තයි බෙදාගෙන හෝම් වර්ක් කරනවා. ඒවාට ගුරුවරුන් තරු දීලා එවනවා. අම්මයි තාත්තයි තමයි ඊට පස්සේ තරු බෙදා ගන්නේ. ඔයා කළ හෝම් වර්ක් එකට තරු හම්බ වෙලා නෑ, මම කළ හෝම් වර්ක් එකට තමයි තරු හම්බ වෙලා තියෙන්නේ කියලා අම්මයි තාත්තයි බෙදා ගන්නවා. මම මේවා කියන්නේ, අපේ ‘මිහිර’ පත්තරේ දරුවන්ගේ හෝම් වර්ක්වලට උත්තර දෙන පත්තරයක් නෙවෙයි කියලා කියන්නයි. විභාග ඉලක්කගත පත්තරයක් නෙවෙයි මේක. දැනුම ඉලක්කගත පත්තරයක් තමයි ‘මිහිර’. නව මිහිරක් ඉදිරිපත් වෙයි. පාසල් විභාග ඉලක්ක කරනවාද කියලා අධ්‍යක්ෂ මණ්ඩලය අතර සාකච්ඡාවක් තිබෙනවා. විභාග ඉලක්කගත නොවුණාම දරුවන් අතර ජනප්‍රිය වෙයිද කියන ප්‍රශ්නයත් තිබෙනවා. සැබෑ මිහිරක් බවට මේ පුවත පත් කරන්න අපි කටයුතු කරනවා. එක්සත් ප්‍රවෘත්ති පත්‍ර සමාගම ලංකාවේ පුවත්පත් ලෝකයේ සැබෑ පත්තර මහගෙදර වේවි.”

කොළඹ ආනන්ද විද්‍යාලයේ විදුහල්පති ලාල් දිසානායක මහතා,

“මිහිර පුවත්පතේ පාඨකයන් ලෙස අපි ‘මිහිර’ට ආදරය කරනවා. පත්තර මහගෙදරින් දරුවන්ට දායාද කරන මේ පුවත්පත නිසා දරුවන් විශාල දැනුමක් ගන්නවා. උපදේශන බොහොමයක් මේ පුවත්පතෙන් දරුවන්ට ලැබෙනවා. අශ්වයාට වතුර පොවන්න බෑ කියලා අපි අහලා තිබෙනවා. අශ්වයාට වතුර පොවන්න බැරි ඇයි කියන හේතුව අපි දන්නවා. ඒ තමා අශ්වයා බොන්නේ පිරිසුදු වතුර විතරයි. වස විසෙන් තොර වතුර බීමට අශ්වයා දන්නවා. ඒකයි අපට අශ්වයාට වතුර පොවන්න බැරි. ඒ වගේ තමයි දරුවන්ට හොඳම දේ තෝරා ගැනීමට ‘මිහිර’ පුවත්පතෙන් අවස්ථාව ලැබෙනවා. රටේ දිශානතිය තීරණය කරන විද්වතුන් මේ පුවත්පත් ආයතනය තුළ සිටිනවා. එවැනි ස්ථානයකින් ‘මිහිර’ පුවත්පත නිකුත් කිරීම ගැන අපට සතුටුයි. ජන විඥානය පුළුල් කරන පත්තර මහගෙදරින් දෙන ‘මිහිර’ පුවත්පතෙන් හරි වැරදි දේ අපට තීරණය කර ගන්න පුළුවන්. දැනුමට එහා ගිය විනයක් මිනිසා තුළ පැවතිය යුතුයි. ඉවසීම, කරුණාව, මෛත්‍රිය, දයාව ආදී ගුණාංග දරුවන්ට හුරු කළ යුතුයි. මේ ලෝකයේ මිලදී ගත නොහැකි දේවල් තමයි ඒ ගුණාංග. බෞද්ධ රටක් විදිහට අපි මේ ගුණාංග දරුවන්ට දායාද කළ යුතුයි. ඒ සඳහා ‘මිහිර’ පුවත්පත හොඳම තෝතැන්නක්. උතුම් මානුෂීය ගුණාංග දරුවන් තුළ ඇති කිරීමෙන් රට යහපත් කළ හැකියි. මේ ගුණධර්ම දරුවන් තුළ වගා කිරීමට ‘මිහිර’ ලොකු උත්සාහයක් දරනවා. ඒ සම්බන්ධයෙන් මම ‘මිහිර’ කර්තෘ මණ්ඩලයට ප්‍රණාමය පුද කරනවා.”

කොළඹ තර්ස්ටන් විද්‍යාලයේ විදුහල්පති ප්‍රමුදිත වික්‍රමසිංහ මහතා,

“හැට වැනි ජන්ම දිනය සමරන ‘මිහිර’ පුවත්පත අපේ දැනුම පෝෂණය කිරීමට මහඟු අත්වැලක් වුණා. අපි පොඩි කාලයේ ‘මිහිර’ නිසා දැනුම පෝෂණය කර ගත්තා. කවර හෝ හේතුවක් නිසා ‘මිහිර’ පුවත්පත ඩිජිටල් තාක්ෂණය ඔස්සේ පමණක් ජනගත කිරීමට ආයතනය තීරණය කර තිබෙනවා. මම ආයතනයෙන් ඉල්ලා සිටින්නේ ඉස්සර වගේම ආයෙත් ‘මිහිර’ පුවත්පත මුද්‍රණය කර ජනතාව අතරට පත් කරන්න කියලා. පත්තරේ තිබෙන සුවඳ, චිත්‍ර, නැවත නැවත කියැවීමේ හැකියාව මුද්‍රිත පත්තරය අතට ගැනීමෙන් අපට ලැබෙනවා. ලක්ෂ හතළිස් ගණනක දරුවන් සංඛ්‍යාවක් රට පුරා සිටිනවා. ඒ අය අතරට පුවත්පත පත් කිරීමෙන් ලබන දැනුම් ආස්වාදය මෙපමණයි කියලා කිව නොහැකියි. ජනප්‍රිය හා ජාතික පාසල් හාරසිය ගණනක් තිබෙනවා. පාසල් ඔක්කොම දස දහස් ගණනක් පමණ තිබෙනවා. පාසලකට එක ගණනේ වුවත් මුද්‍රිත පත්තරයක් දෙන්න හැකි නම් වාණිජ ගැටලුවක් ඇති නොවේ කියලා මම හිතනවා.”

කොළඹ ආනන්ද බාලිකා විදුහලේ විදුහල්පතිනී ගංගා කුමුදුනී මහත්මිය,

“මගේ අතීතයේත් මිහිරේ මතක තිබෙනවා. මුද්‍රිත පුවත්පත තමයි ඒ කාලේ අපේ අතට ආවේ. ඒ පත්තර මගේ පුතා වෙනුවෙන් තබා ගත්තා. විද්‍යාත්මක, පරිසර දැනුම ඇතුළු තවත් බොහෝ දේ අපට මෙමඟින් ලැබෙනවා. ඩිජිටල් මාධ්‍යයෙන් දරුවන් අතට පත් කරන පුවත්පත තුළින් චලන රූප වැනි නිර්මාණශීලි දේ දීමෙන් දරුවන්ට මිහිරක් වන මිහිරක් දිය හැකියි. දරුවන්ගේ දැනුම පමණක් නොව ඔවුන්ගේ මානුෂීය ගුණාංග ඇති කරන්න මේ පුවත්පතට හැකි වේවායි මම ප්‍රාර්ථනා කරනවා.”

රාජගිරිය සෝභිත විදුහලේ විදුහල්පතිනී නදී වික්‍රමරත්න මහත්මිය

“විෂය කරුණුත්, පින්තූරත් එක් කරන තැනක් තමයි ‘මිහිර’ පුවත්පත. පුවත්පත මුද්‍රණය කිරීම නැවැත්වීමෙන් දරුවන්ට ඒ අවස්ථාව මඟ හැරෙනවා. හැකිනම් නැවත පුවත්පත මුද්‍රණය කරන්න කියලා ආයතනයෙන් ඉල්ලා සිටිනවා.”

ජාත්‍යන්තර භාෂා විදුහලේ විදුහල්පති සම්පත් නවරත්න මහතා,

“කොළඹ තිබෙන ප්‍රමුඛතම මාධ්‍ය ආයතනයකට සම්බන්ධ වෙලා ‘මිහිර’ පුවත්පතෙන් ඉංග්‍රීසි ගුරුවරයෙක් හැටියට දරුවන් අතරට යෑමට මට හැකි වෙලා තිබෙනවා. ඒ ගැන මම ‘මිහිර’ පුවත්පතට ස්තූතිවන්ත වෙනවා. ‘මිහිර’ පුවත්පත ගමේ දරුවන් අතර බ්‍රෑන්ඩ් එකක් බවට පත්වෙලා හමාරයි. ඒ බ්‍රෑන්ඩ් එක රැක ගන්න අපට කළ හැකි හැම දෙයක්ම කරනවා. ‘මිහිර’ පුවත්පත නැවත මුද්‍රණය කර අපි අතට පත් කරනවා නම් දරුවන් අතරට මේ පුවත්පත පත් කරන්න අපට හැකියි. දරුවන් අතර ප්‍රසිද්ධ ‘මිහිර’ පුවත්පතෙන් දෙන දැනුම අපමණයි.”

මේ උත්සව සභාව වර්ණවත් කිරීමට ‘දඟ කරනා හා පැංචත් මං වගේමලු’ ගීතය හම්බන්තොට ථේරපුත්ත ජාතික පාසලේ ජී. ඩබ්ලිව්. සිනෙත්මා හංසෝද්මි දියණිය ගායනා කළාය.

‘මිහිර’ ළමා සමාජයේ දරුවන්ගේ නිර්මාණ කිහිපයක් ද මෙහිදී ඉදිරිපත් කෙරිණි. රූපවාහිනී ළමා නිවේදකයන් වන හුණුමුල්ල සී. ඩබ්ලිව්. ඩබ්ලිව්. කන්නන්ගර ජාතික විද්‍යාලයේ ඔෂාන් වගීෂ පුතණුවන් සහ වේයන්ගොඩ බණ්ඩාරනායක මධ්‍ය මහා විද්‍යාලයේ රොහන්සා නිසලනී දියණිය මේ සභාව මෙහෙය වූහ.

මේ අවස්ථාවට සීමාසහිත එක්සත් ප්‍රවෘත්තිසමාගමේ කර්තෘ මණ්ඩල අධ්‍යක්ෂ සිසිර පරණතන්ත්‍රී, මූල්‍ය අධ්‍යක්ෂ ආචාර්ය සුනිල් ජයන්ත නවරත්න, සාමාන්‍යාධිකාරී සුමිත් කොතලාවල මහත්වරුන්, දිනමිණ සහ ඩේලි නිව්ස් පුවත්පත්හි ප්‍රධාන කර්තෘවරුන් ඇතුළු ආයතනයේ නිලධාරීහු සහභාගි වූහ.

ජනාධිපතිවරණය - 2024 තැපැල් ඡන්ද අයදුම්පත් භාාරගැනීම අගෝස්තු මස 5 වැනි දිනෙන් අවසන් වන බව මැතිවරණ කොමසාරිස් ජනරාල් සමන් ශ්‍රී රත්නායක මහතා නිවේදනයක් නිකුත් කරමින් දැනුම් දේ.එම නිවේදනය පහත පරිදි වේ.

විමධ්‍යගත අයවැය මගින් ප්‍රතිපාදන වෙන්කර ඇති සංවර්ධන ව්‍යාපෘති ක්‍රියාත්මක කිරීමට මැතිවරණ නීතියෙන් බාධාවක් නොවන බවත් මෙම ව්‍යාපෘති මගින් කිසිදු අවස්ථාවක ජනාධිපති අපේක්ෂකයකු ප්‍රවර්ධනයක් සිදු නොවන බවත් කැබිනට් ප්‍රකාශක, ප්‍රවාහන හා මහාමාර්ග, ජනමාධ්‍ය අමාත්‍ය ආචාර්ය බන්දුල ගුණවර්ධන මහතා පවසයි. රජයේ ප්‍රවෘත්ති දෙපාර්තමේන්තුවේ අද (30) පැවති කැබිනට් තීරණ දැනුම් දීමේ මාධ්‍ය හමුවේදී මාධ්‍යවේදියකු නැගූ පැනයකට පිළිතුරු ලබා දෙමින් අමාත්‍යවරයා මේ බව පැවසීය.

• 2024 මුල් මාස 06 තුළ පැමිණි සංචාරකයින්ගෙන් 40%ක්ම විදේශිකයන්.
• වසර 2030 වසර වන විට වන ගහනය 32% දක්වා ඉහළ නැංවීම වෙනුවෙන් ක්‍රියාමාර්ග රැසක්.
• කඩොලාන ප්‍රතිස්ථාපනය වෙනුවෙන් එක්සත් ජාතීන්ගේ Flagship සම්මානය ශ්‍රී ලංකාවට.
• වසර 13කට පසු අලි ගහණය පිළිබඳ සමීක්ෂණයක් ඉදිරි මාස දෙක තුළ සිදු කරනවා – වනජීවී , වන සම්පත් සංරක්ෂණ හා වාරිමාර්ග අමාත්‍ය නීතිඥ පවිත්‍රා වන්නිආරච්චි.

පසුගිය වසර දෙකට සාපේක්‍ෂව 2024 වසරේදී වන සංරක්‍ෂණ දෙපාර්තමේන්තු පාලනයේ පවතින සංචාරක ආකර්ෂණ ගමනාන්තවලට පැමිණි දෙස් විදෙස් සංචාරකයන්ගේ පැහැදිලි වැඩි වීමක් දකින්න ලැබෙන බව වනජීවී , වන සම්පත් සංරක්ෂණ හා වාරිමාර්ග අමාත්‍ය නීතිඥ පවිත්‍රා වන්නිආරච්චි මහත්මිය පැවසීය.

2024 මුල් මාස 06 තුළ පමණක් සංචාරකයින් 364,521 ක් පැමිණ ඇති අතර ඒ අතරින් 40%ක්ම විදේශ සංචාරකයින් බවද අමාත්‍යවරිය සඳහන් ක‍ළාය.

වනජීවී,වන සම්පත් සංරක්ෂණ හා වාරිමාර්ග අමාත්‍ය නීතිඥ පවිත්‍රා වන්නිආරච්චි මහත්මිය මේ බව සඳහන් කර සිටියේ ‘දෙවසරක ප්‍රගතිය සහ ඉදිරිය’ යන මැයෙන් අද (28 ) ජනාධිපති මාධ්‍ය කේන්ද්‍රයේ පැවති ප්‍රවෘත්ති සාකච්ඡාවට එක්වෙමිනි.

මෙහිදී වැඩිදුරටත් අදහස් දැක්වූ වනජීවී, වන සම්පත් සංරක්ෂණ හා වාරිමාර්ග අමාත්‍ය නීතිඥ පවිත්‍රා වන්නිආරච්චි මහත්මිය මෙසේද පැවසීය.

පසුගිය වසර දෙකට සාපේක්‍ෂව 2024 වසරේදී වන සංරක්‍ෂණ දෙපාර්තමේන්තු පාලනයේ පවතින සංචාරක ආකර්ෂණ ගමනාන්තවලට පැමිණි දෙස් විදෙස් සංචාරකයන්ගේ පැහැදිලි වැඩි වීමක් දකින්න ලැබෙනවා. ඒ අනුව 2022 වර්ෂයේදී වන සංරක්‍ෂණ දෙපාර්තමේන්තු පාලනයේ පවතින සංචාරක ආකර්ෂණ ගමනාන්තවලට පැමිණි සංචාරකයන් සංඛ්‍යාව 289,405 වූ අතර, 2023 වර්ෂයේ දී එම සංඛ්‍යාව 444,053 ක් ලෙස වාර්තා වුණා. 2024 මුල් මාස 06 තුළ පමණක් සංචාරකයින් 364,521 ක් පමණ පැමිණ තිබෙනවා.

මේ අතරින් 2022 වර්ෂයේදී එම ස්ථානවලට පැමිණි මුලු සංචාරකයින්ගෙන් 19.8% ක් විදේශීය සංචාරකයන් වනවා.

2023 වර්ෂයේදී 27.8% විදේශීය සංචාරකයන් වූ අතර, 2024 වර්ෂයේ මේ දක්වා එය 40%ක් බව කිව යුතුයි.

මෙරටට විදේශ විනිමය උපයා දෙමින් ආර්ථිකයට ශක්තියක් වීමේ අරමුණින් පාරිසරික සංචාරක කර්මාන්තය නඟා සිටුවීමට අදාළ රෙගුලාසි සකස් කොට පාර්ලිමේන්තුවේ අනුමැතිය ලබා ගැනීමටත් ඊට අදාළ නීතිමය සංශෝධනයන් සිදු කිරීමටත් අප කටයුතු කර තිබෙනවා.

ඒ අනුව 2023 වසරේදී නව සංචාරක ආකර්ෂණයක් ලෙස හෙක්ටයාර 2500කින් සමන්විත ගල්ඔය පාරිසරික උද්‍යානය ජනතාව සඳහා විවෘත කරනු ලැබුවා. තවද දැනට සංචාරක ආකර්ෂණය දිනා ඇති සිංහරාජ වනාන්තරයේ කුඩව දොරණ ඇල පිවිසුම් දොරටුවේ තොරතුරු මධ්‍යස්ථානයක් ඉදිකර සංචාරකයන් සඳහා විවෘත කර තිබෙනවා.

එසේම 2024 වසරේදී නකල්ස් සංචාරක වනාන්තරයේ ඉලුක්කුඹුර ප්‍රදේශයේ මානිගල වන නිවහන ඉදිකර සංචාරකයන් සඳහා විවෘත කරන ලද අතර මහනුවර උඩවත්තකැලේ සංචාරකයන් සඳහා පාපැදි මාවතක් විවෘත කරනු ලැබුවා. බණ්ඩාරවෙල ඇල්ල වන නිවහන , පුත්තලම දිස්ත්‍රික්කයේ ගල්විල පාරිසරික උද්‍යානයේ නිවහන සංචාරකයන් සඳහා විවෘත කිරීමත් මේ වසරේදී සිදු කිරීමට හැකි වුණා.

මීට අමතරව විදේශීය සංචාරකයන් මුහුණ දෙන සනීපාරක්‍ෂක ගැටලු විසඳීම සඳහා සිංහරාජ, කන්නෙළිය, හුරුළු, නකල්ස්, උඩවත්තකැලේ යන විදෙස් සංචාරකයන් බහුල වශයෙන් පැමිණෙන ස්ථානවල විදේශීය ප්‍රවේශපත්‍රය හිමි සංචාරකයන්ට පමණක් වෙන්වූ සනීපාරක්ෂක පහසුකම් ස්ථාපිත කර තිබෙනවා. මෙම සංචාරක ආකර්ෂණය දිනා ගත් ස්ථාන නැරඹීමට මාර්ගගත ක්‍රමවේදය ඔස්සේ ප්‍රවේශ පත්‍ර වෙන් කිරීමේ පහසුකම් ද මේ වන විට ක්‍රියාත්මකයි.

එසේම මේ වන විට 29%ක පවතින වන ගහනය වසර 2030 වසර වන විට 32% දක්වා ඉහළ නැංවීම ඉලක්ක කර ගෙන ක්‍රියාමාර්ග ගනිමින් සිටිනවා. ඒ අනුව අප යටතේ ගැසට් වී නොතිබුණ හෙක්ටයාර 144,000ක් පමණ අලුතින් වනාන්තර ලෙස අත්පත් කර ගැනීමටද බලාපොරොත්තු වෙනවා.

මීට අමතරව වනාන්තරවලින් බැහැරව රුක් රෝපණය සඳහා ජනතාවට ප්‍රතිලාභ ලබාදීමේ අරමුණින් වනාන්තර ප්‍රතිරෝපණ හා වෘක්‍ෂාවරණ පනත සකස් කිරීමට අමාත්‍ය මණ්ඩලයේ අනුමැතිය ලබාගෙන නීති කෙටුම්පත් දෙපාර්තමේන්තුව වෙත ඉදිරිපත් කර එයට අදාල කෙටුම්පත මේ වන විට සකස් කර තිබෙනවා.

එසේම වනාන්තර ආරක්‍ෂා කර ගැනීම පිණිස නවීන තාක්‍ෂණය යොදා ගනිමින් ඩ්‍රෝන භාවිත කිරීම මෙම වසරේදී ආරම්භ කර තිබෙනවා. උතුරු නැගෙනහිර සහ උතුරු මැද පළාත්වල රක්‍ෂිතභාවයට පත් නොකරන ලද වනාන්තර ආරක්‍ෂා කිරීම සඳහා ඒකාබද්ධ ප්‍රවේශයන් අනුගමනය කරමින් වනාන්තර මායිම් හඳුනාගෙන එම වනාන්තර රක්‍ෂිත ලෙස ප්‍රකාශයට පත් කිරීමටත්, ඒවායේ මායිම් වටා මායිම් කණු සිටුවා ස්ථීර වනාන්තර පද්ධතියක් ස්ථාපිත කිරීමේ කටයුතු සිදු කෙරෙනවා.

තවද කඩොලාන පරිසර පද්ධති ප්‍රතිස්ථාපනය කෙරෙහි අපගේ විශේෂ අවධානය යොමු කර තිබෙනවා. ඒ වෙනුවෙන් අප ගත් පියවර ජාත්‍යන්තර ඇගයීමටද පාත්‍ර වී තිබෙනවා. පසුගිය වසර 02 තුළ කඩොලාන හෙක්ටයාර 326ක් ස්ථාපනය කර ඇති අතර, මෙම වසරේ එක්සත් ජාතීන්ගේ පරිසර පද්ධති ප්‍රතිස්ථාපන දශකයේදී ශ්‍රී ලංකාව විසින් සිදුකළ කඩොලාන ප්‍රතිස්ථාපනය සඳහා එක්සත් ජාතීන්ගේ Flagship සම්මානය ශ්‍රී ලංකාවට හිමි වුණා.

අප අමාත්‍යාංශය යටතේ පවතින ජාතික සත්වෝද්‍යාන දෙපාර්තමේන්තුවද රටේ පැවති ආර්ථික අර්බුදකාරී තත්වය අහිතකර ලෙස බලපෑ බව කිව යුතුයි. එම වසර කිහිපය තුළ ආදායම් තත්ත්වය පහත් මට්ටමක පැවතියද 2023 වර්ෂයේ එම තත්ත්වයෙන් මිදී රුපියල් මිලියන 1089.97ක ආදායමක් උපයා තිබෙනවා. 2023 වර්ෂයේ ජූනි මස අවසන් වන විට ලබා තිබූ ආදායම රුපියල් මිලියන 436.71ක් වන අතර 2024 වර්ෂයේ ජූනි මස අවසන් වන විට රුපියල් මිලියන 728.60ක ආදායමක් උපයාගැනීමට සමත්ව තිබෙනවා. එය පෙර වර්ෂය හා සසඳන විට 66%ක වර්ධනයක් බව කිව යුතුයි.

එසේම රාජ්‍ය දැව සංස්ථාවද 2024 වසරේ මේ දක්වා ලබා ඇති රුපියල් මිලියන 2000ක ආදායම අනුව වසර අවසානය වන විට පසුගිය වසරට වඩා ශුද්ධ ලාභයක් වාර්තා කරනු ඇති බව විශ්වාසයි.

තවද අප රටේ විශාල ගැටළුවක්ව පවතින වන අලි උවදුර මැඩ පැවැත්වීම සඳහා ගනු ලබන ක්‍රියාමාර්ග හේතුවෙන් 2023 වසරට වඩා මිනිස් හා වනඅලි මරණ අඩු කර ගැනීමට හැකි වී ඇති බවකිව යුතුයි. මේ වෙනුවෙන් දැනට ඉදිකර ඇති විදුලි වැට කිලෝ මීටර් 5390 නඩත්තු කිරීම සඳහා සේවකයින් හාරදහස් හත්සියයකට වැඩි සේවක පිරිසක් බඳවා ගෙන තිබෙනවා. එසේම වසර 13කට පසු මෙරට අලි ගහණය පිළිබඳ සමීක්ෂණයක් ඉදිරි මාස දෙක තුළ සිදු කිරීමටද අප සැලසුම් කර තිබෙනවා. ඒ වගේම වනජීවී අපරාධ මැඩලීම සඳහා වර්තමානයට ගැලපෙන පරිදි වන සත්ව හා වෘක්ෂලතා අඥා පනත සංශෝධනය කිරීම හා නව නීති ඇතුලත් කිරීමද සිදු කර තිබෙනවා.

වනජීවී හා වන සම්පත් සංරක්ෂණ අමාත්‍යාංශයේ ලේකම් ගුණදාස සමරසිංහ, වනජීවී සංරක්ෂණ දෙපාර්තමේන්තුවේ අධ්‍යක්ෂ ජනරාල් එම්.ජී.සී. සූරියබණ්ඩාර, වන සංරක්ෂණ දෙපාර්තමේන්තුවේ අධ්‍යක්ෂ ජනරාල් ඊ.ඒ.පී.එන්.එදිරිසිංහ, ජාතික සත්වෝද්‍යාන දෙපාර්තමේන්තුව අධ්‍යක්ෂ එච්.ඒ. අනෝමා ප්‍රියදර්ශනී, රාජ්‍ය දැව සංස්ථාවේ නියෝජ්‍ය සාමාන්‍යාධිකාරී ( අළෙවි) ඩබ්ලිව්. බී සමන්ත යන මහත්ම මහත්මීන් ඇතුලු වනජීවී හා වන සම්පත් සංරක්ෂණ අමාත්‍යාංශයේ නිලධාරීන් පිරිසක් මෙම අවස්ථාවට සහභාගී වූහ.

2024 ඔක්තෝබර් මස 17වැනිදාට පෙර නව ජනාධිපතිවරයෙක් පත්කර ගැනීමට සැප්තැම්බර් මාසයේදී ජනාධිපතිවරණය පැවැත්වෙන බවත් ආණ්ඩුක්‍රම ව්‍යවස්ථාවට අනුකූලව පැවැත්වීමට නියමිත ජනාධිපතිවරණය ව්‍යවස්ථාවට අනුකූලව පවත්වන බවත් මහාමාර්ග, ජනමාධ්‍ය අමාත්‍ය කැබිනට් ප්‍රකාශක ආචාර්ය බන්දුල ගුණවර්ධන මහතා පවසයි.

ජනතා විමුක්ති පෙරමුණේ මධ්‍යම කාරක සභික වසන්ත සමරසිංහ මහතා සිදු කර ඇති ප්‍රකාශයක් හේතුවෙන් ශ්‍රී ලංකා ගුවන් විදුලි සංස්ථාවේ සභාපති හඩ්සන් සමරසිංහ මහතාට ජීවිත තර්ජනයක් එල්ලවී ඇතැයි ප්‍රවාහන, මහාමාර්ග හා ජනමාධ්‍ය අමාත්‍ය ආචාර්ය බන්දුල ගුණවර්ධන මහතා පාර්ලිමේන්තුවේදී ඊයේ (23) ප්‍රකාශ කළේය.

කවර දේශපාලන පක්ෂයකට අයිති වුවද මාධ්‍යවේදීන්ට සිදු කරන තර්ජන තරයේ හෙළාදකින බවත් මැතිවරණයක් පැවැත්වීමට නියමිත අවස්ථාවක සාමකාමී හා සහජීවනයක් තුළ මැතිවරණයක් පැවැත්වීම උදෙසා තර්ජන ගර්ජන සිදු නොකරන ලෙස අප ජනතා විමුක්ති පෙරමුණ ඇතුළු සියලු දේශපාලන පක්ෂවලින් ඉල්ලා සිටින බවත් පාර්ලිමේන්තුවේදී ඊයේ (23) විශේෂ ප්‍රකාශයක් සිදු කරමින් ඇමැතිවරයා අවධාරණය කළේය.

ඡන්දයෙන් ගනුදෙනුව බේරා ගන්නා බවත් රට පනින්න ඉඩ නොදෙන අතර සැඟවෙන්නට ඉඩක් නොලැබෙන බව ද සඳහන් කරමින් වසන්ත සමරසිංහ මහතා සිදුකර ඇති තර්ජනය සමාජ මාධ්‍යයෙහි සැරිසරන බව කී ගුණවර්ධන මහතා යම්කිසි මාධ්‍යවේදියකුට මෙලෙස තර්ජනයක් එල්ල වී ඇත්නම් ඒ සම්බන්ධයෙන් අපරාධ පරීක්ෂණ දෙපාර්තමේන්තුවට ගොස් පැමිණිල්ලක් ඉදිරිපත් කළ පසුව ඔවුන්ට අවශ්‍ය ආරක්ෂාව ලබා දීමට කටයුතු කරන බව ද අමාත්‍යවරයා වැඩිදුරටත් පැවසීය.

මෙරට ප්‍රවීණතම විදත් මාධ්‍ය සන්නිවේදකයකු වන හඩ්සන් සමරසිංහ මහතා ප්‍රවීණ මාධ්‍ය පරිපාලකයකු බවත් හිටපු පාර්ලිමේන්තු මන්ත්‍රීවරයකු ද වන ඒ මහතා ගුවන් විදුලියේ සභාපතිවරයා ලෙස කටයුතු කරන්නේ හය වැනි වතාවට බව ද ඇමැතිවරයා සිහිපත් කළේය.

කවර දේශපාලන පක්ෂයකට අයත් වුවද කවර දේශපාලන මතවාදයක් දැරුව ද මාධ්‍යවේදීන්ට නියම් හෝ අනියම් ආකාරයෙන් සිදුවන තර්ජන තරයේ හෙළා දකින බව ද අමාත්‍ය ආචාර්ය බන්දුල ගුණවර්ධන මහතා පැවසීය.

යකඩ ගැටෙන අමිහිරි ශබ්දය, උණ්ඩවල අමිහිරි සුවඳ, දුක වේදනාව මරළතෝනිය පිළිබඳ අත්දැකීම් රාශියක් ලබා ඇති අතර මීට වසර දෙකකට පෙර පාර්ලිමේන්තුව නියෝජනය කරන මන්ත්‍රීවරයකු පහරදී තිරස්චීන ලෙස ඝාතනය කළ බව ද ඇමැතිවරයා සිහිපත් කළේය.

අමාත්‍ය බන්දුල ගුණවර්ධන මහතා මේ බව සඳහන් කළේ පාර්ලිමේන්තුවේදී ඊයේ (23) සිය අමාත්‍යාංශය යටතේ විශේෂ ප්‍රකාශයක් සිදු කරමිනි.

එහිදී වැඩිදුරටත් අදහස් දැක්වූ ප්‍රවාහන, මහාමාර්ග හා ජනමාධ්‍ය අමාත්‍ය ආචාර්ය බන්දුල ගුණවර්ධන මහතා මෙසේද පැවසීය.

ශ්‍රී ලංකා ගුවන් විදුලි සංස්ථාවේ සභාපති, හඩ්සන් සමරසිංහ මහතාට ජනතා විමුක්ති පෙරමුණේ මධ්‍යම කාරක සභික, ජාතික ජන බලවේගයේ විධායක සභික, හිටපු පාර්ලිමේන්තු මන්ත්‍රී වසන්ත සමරසිංහ එල්ල කරන ලද මරණ තර්ජනයක් හේතුවෙන් ගුවන්විදුලි සංස්ථාවේ සභාපතිවරයාට ජීවිතාරක්ෂාවට බරපතළ තර්ජනයක් එල්ල වී තිබෙනවා.

වසන්ත සමරසිංහ එල්ල කළ මරණ තර්ජනය සමාජ මාධ්‍ය තුළ ප්‍රචාරණය වෙනවා. එහි අන්තර්ගතය අනුව හඩ්සන් සමරසිංහ මහතාගේ ජීවිතාරක්ෂාව පිළිබඳ ගැටලුවක් නිර්මාණය වී තිබෙනවා. ඡන්දයෙන් මෙම ගනුදෙනුව බේරාගන්නා බවත් සැඟවෙන්නට හෝ රට පනින්නට ඉඩ නොදෙන බව මෙන්ම රට පැන්නොත් එම රටවල වැඩිපුර සිටින්නේ මාලිමාවේ මිනිසුන් බවත් වසන්ත සමරසිංහ විසින් සිය ප්‍රකාශය මඟින් සඳහන් කරනවා. නීතිය ඉදිරියේදී ගැලවීමක් නැති බව සඳහන් කරන වසන්ත සමරසිංහ ලෝකය තුළ සිටින ශ්‍රී ලාංකිකයන් මාලිමාව සමඟ සිටින බැවින් හඩ්ඩලාට නවතින්න වෙන්නෙ හඳේ තමයි යනුවෙන් එහිදී තර්ජනාත්මකව සඳහන් කරනවා.

මෙරට ප්‍රවීණතම විද්‍යුත් මාධ්‍ය සන්නිවේදකයකු වන හඩ්සන් සමරසිංහ මහතා ප්‍රවීණ මාධ්‍ය පරිපාලකයකු ද වෙනවා. හිටපු පාර්ලිමේන්තු මන්ත්‍රීවරයකු ද වන ඒ මහතා ගුවන් විදුලියේ සභාපතිවරයා ලෙස කටයුතු කරන්නේ හයවන වතාවටයි.

ඒ නිසා අපේ රටේ අපි කුමන දේශපාලන පක්ෂයකට අයිති වුණත් කුමන දේශපාලන මතය දැරුවත් වාද විවාද කරගත්තත් මාධ්‍ය විෂය භාර ඇමැතිවරයා ලෙස මාධ්‍යවේදීන්ට නියම් ආකාරයෙන් හෝ අනියම් ආකාරයෙන් තර්ජනය කිරීම අප හෙළා දකිනවා. මොකද අප කවුරුත් දන්නවා, මාධ්‍යවේදීන් විවිධ තර්ජන ගර්ජනවලට ලක් වෙනවා. ජනාධිපතිවරණයක් පැවැත්වෙන අවස්ථාවක පක්ෂ විපක්ෂ කවර මතවාද දැරුවත් කවර ආකාරයට විවේචනය කළත් ඒ පිළිබඳ දරා ගැනීමේ ශක්තිය ප්‍රජාතන්ත්‍රවාදී ව්‍යුහය තුළ සිටින දේශපාලකයන්ට තිබෙනවා. ජනතා විමුක්ති පෙරමුණේ ඉතිහාසය එසේ නෙවෙයි.

යකඩ ගැටෙන අමිහිරි ශබ්දය, උණ්ඩවල අමිහිරි සුවඳ, දුක වේදනාව මරළතෝනිය පිළිබඳ අත්දැකීම් රාශියක් ලබා ඇති රටක්. ඒ නිසා මේ පාර්ලිමේන්තුව තුළම මීට වසර දෙකකට පෙර මේ පාර්ලිමේන්තුව නියෝජනය කරන ගරු මන්ත්‍රීවරයකු පාරේ තළලා, ඉතාම තිරස්චීන ලෙස මරලා පැය 12ක් ඇතුළත මේ ගරු සභාව නියෝජනය කරන මැති ඇමැතිවරු 72කගේ ගෙවල් ගිනිබත් කරලා උන්හිටි තැන් අහිමි කරලා මහජන නියෝජිතයන් 800කට පමණ දැවැන්ත ප්‍රහාරයක් එල්ල කළා. ලෝක ඉතිහාසයේ කිසිම අවස්ථාවක පාර්ලිමේන්තුව නියෝජනය කරන මහජන නියෝජිතයන් 72කට හානි කළ අවස්ථාවක් ලෝක ඉතිහාසයෙත් නැහැ. ඒක නිසා ඉදිරියේදී අනිවාර්යයෙන්ම ඔක්තෝබර් 17 වැනිදාට පෙර පවත්වන ජනාධිපතිවරණය, ජනාධිපතිවරයකු පත්කර ගැනීම වෙනුවෙන් පවත්වන ජනාධිපතිවරණය වෙනුවෙන් අවශ්‍ය මූල්‍ය සම්පත් වෙන් කිරීම් කටයුතු අවසන් කර ඇති තත්ත්වයක් තුළ සාමකාමී සහජීවනයක් තුළ මැතිවරණයක් පැවැත්වීම උදෙසා තර්ජන ගර්ජන සිදු නොකරන ලෙස අප ජනතා විමුක්ති පෙරමුණ ඇතුළු සියලු දේශපාලන පක්ෂවලින් ඉල්ලා සිටිනවා. ඒ වගේම යම්කිසි මාධ්‍යවේදියකුට තර්ජනයක් තිබෙනවා නම් අප අපරාධ පරීක්ෂණ දෙපාර්තමේන්තුවට ගිහින් පැමිණිල්ලක් සිදු කළ විට ඔවුන්ට අවශ්‍ය ආරක්ෂාව සඳහා කටයුතු කරනවා. අප සියලු දෙනා එකතු වී ප්‍රචණ්ඩත්වයෙන් තොර මැතිවරණ ව්‍යාපාරයක් වෙනුවෙන් එකතු වෙමු කියන යෝජනාවත් මම සිදු කරනවා.

මෙරට ජාතික සම්පත තරුණ පර­පුර මිස, පාඩු ලබන රාජ්‍ය ව්‍යව­සාය නොවන බවත්, පාඩු ලබන රාජ්‍ය ආය­තන ප්‍රති­ව්‍යූ­හ­ග­ත­ක­ර­ණ­යෙන් රටට ඉතිරි වන මුද­ලින් ඉදි­රි­යේදී අධ්‍යා­ප­නය සහ සෞඛ්‍යය වෙනු­වෙන් වැඩි මුද­ලක් වෙන් කිරී­මට හැකි­යාව ලැබෙන බවත් ජනා­ධි­පති රනිල් වික්‍ර­ම­සිංහ මහතා පව­සයි. ජනා­ධි­ප­ති­ව­රයා මේ බව අව­ධා­ර­ණය කළේ ගාල්ල, වල­හ­න්දූව ප්‍රදේ­ශයේ අභි­න­ව­යෙන් ඉදි කළ රුහුණ විශ්ව­වි­ද්‍යා­ල­යට අනු­බද්ධ සම සෞඛ්‍ය විද්‍යා පීඨය සිසු අයි­ති­යට පත් කිරීමේ උත්ස­ව­යට ඊයේ (19) පෙර­ව­රුවේ එක් වෙමිනි.

වල­හ­න්දූව සම සෞඛ්‍ය විද්‍යා පීඨය සිසු අයි­ති­යට පත් කිරී­මෙන් අන­තු­රුව ජනා­ධි­ප­ති­ව­රයා විශ්ව­වි­ද්‍යාල කාර්ය මණ්ඩ­ලය සමඟ සමූහ ඡායා­රූ­ප­ය­කට පෙනී සිටියේ මෙලෙ­සිනි.

සමරු ඵල­කය නිරා­ව­ර­ණය කර විද්‍යා පීඨ ගොඩ­නැ­ඟිල්ල සිසු අයි­ති­යට පවරා දුන් ජනා­ධි­ප­ති­ව­රයා එහි නිරී­ක්ෂණ චාරි­කා­වක නිරත වෙමින් විශ්ව­වි­ද්‍යා­ල­යීය කාර්ය මණ්ඩ­ලය සමඟ සුහද කතා­බ­හ­ක ද නිරත විය. රුහුණ විශ්ව­වි­ද්‍යා­ලයේ උප­කු­ල­පති සුජීව අම­ර­සේන මහතා මෙහිදී ජනා­ධි­ප­ති­ව­ර­යාට සමරු තළි­ණ­යක් ද පිළි­ගැ­න්වීය. මේ අව­ස්ථාව සංකේ­ත­වත් කර­මින් විද්‍යා පීඨ භූමි­යෙහි පැළ­යක් රෝප­ණය කිරී­ම ද ජනා­ධි­ප­ති­ව­රයා අතින් සිදු වූ අතර, ජන­පති විශ්ව­වි­ද්‍යාල කාර්ය මණ්ඩ­ලය සමඟ සමූහ ඡායා­රූ­ප­ය­ක­ට ද පෙනී සිටි­යේය.

උත්සව සභාව ඇමතූ ජනා­ධි­පති රනිල් වික්‍ර­ම­සිංහ මහතා වැඩි­දු­ර­ටත් මෙසේද පැව­සීය:

“මේ සම සෞඛ්‍ය විද්‍යා පීඨය විවෘත කිරීම වෙනු­වෙන් වෛද්‍ය රමේෂ් පති­රණ අමා­ත්‍ය­ව­රයා කැප වී කට­යුතු කළා. මේ ගොඩ­නැ­ඟි­ල්ලෙන් සම්පූර්ණ ප්‍රයෝ­ජන ගන්නා ලෙස මා සියලු දෙනා­ගෙන් ඉල්ලා සිටි­නවා. අමෙ­රි­කාව වැනි ප්‍රධාන විශ්ව­වි­ද්‍යා­ල­වල මෙවැනි ගොඩ­නැ‍ඟි­ලි­ව­ලින් පැය 24ම ප්‍රයෝ­ජන ගන්නවා. රජයේ මුදල් අධ්‍යා­ප­නය සඳහා යෙදවූ විට අප එහි සම්පූර්ණ ප්‍රයෝ­ජ­නය ලබා­ගත යුතුයි. මෙහි පන්ති කඩා­ක­ප්පල් වුව හොත් එහි හානිය ඔබට වගේම රට­ටත් සිදු වනවා.

“ශ්‍රීලං­කන් එයා­ර්ල­යින්ස් සමා­ග­මට සහ එම සංස්ථා­ව­ලට බිලි­යන 700ක් විය­දම් කළ බව මෙහිදී සඳ­හන් කෙරුණා. එහෙත් එය නිවැ­රදි විය යුතුයි. එම බිලි­යන 700 තවත් දස ගුණ­ය­කින් වැඩි කළයු තුයි. මෙවන් විශාල මුද­ලක් වැය කිරීමේ ප්‍රති­ඵ­ලය වූයේ රජ­යන් තුනක් යටතේ මේ වෙනු­වෙන් ණය ගැනී­මයි. ඒ හේතු­වෙන් අපේ රටේ ණය ප්‍රමා­ණය වැඩි වුණා. රටේ ආර්ථි­කය කඩා­වැ­ටුණු අව­ස්ථාවේ අපට පළ­මුව සිදු වූයේ ණය ගැනීම නවතා දැමී­ම­ටයි. එය අසීරු කාර්ය­යක්. එහෙත් එය කළ යුතු වුණා. ඒ වෙනු­වට අලු­තින් මුදල් සොයා­ගැ­නී­මට අවශ්‍ය වුණා. එහිදී තමන්ගේ විය­දම තමන්ම උප­යා­ගත යුතුයි කියලා අප සෑම රාජ්‍ය ආය­ත­න­ය­ක­ටම දැනුම් දුන්නා. මේ තත්ත්වය සෑම ක්ෂේත්‍ර­ය­ක­ටම බල­පෑවා. එහිදී මට දැඩි දෝෂා­රෝ­ප­ණ­යට ලක් වීමට සිදු වණා. රටේ ආර්ථි­කය කඩා වැටීමට ඉඩ දෙන­වාද, බැණුම් අහ­න­වාද කියලා තීර­ණය කිරී­මට මට සිදු වුණා. ඒත් මේ වග­කී­මෙන් බැහැර වීමට අපට හැකි­යා­වක් තිබුණේ නැහැ. සියලු අමා­ත්‍ය­ව­රුන් අපට මේ කට­යු­තු­ව­ලදී අවශ්‍ය සහාය දුන්නා.

“එදා ඇතැම් අය රාජ්‍ය ව්‍යව­සාය ප්‍රති­ව්‍යූ­හ­ග­ත­ක­රණ වැඩ­පි­ළි­වෙ­ළට විරුද්ධ වුණා. අද විදු­ලි­ බිල සහ ඉන්ධන මිල ලෝක මිල ගණන් අනුව පව­ති­නවා. අප ඒ වෙනු­වෙන් කිසිදු මුද­ලක් ගෙවන්නේ නැහැ. ඒ වගේම අනෙක් සංස්ථා­ව­ල­ටත් මුදල් දීම නතර කළා. අපට දැනට මුදල් ගෙවී­මට තිබෙන්නේ ශ්‍රී ලංකන් ගුවන් සමා­ග­මට පම­ණයි. මේ වසර අව­සන් වන විට ඒ ගෙවීම් කට­යු­තු­ව­ලි­නුත් නිද­හස් වීමට අපේක්ෂා කර­නවා. ඒ අනුව රටට ඉතිරි වන මුදල් ඉදිරි වසර කිහි­පය තුළ අධ්‍යා­ප­නය සහ සෞඛ්‍ය සඳහා යෙද­වීමේ හැකි­යාව ලැබෙ­නවා. මේ කට­යුතු ක්‍රියා­ත්මක කරන විට විශාල විවේ­ච­න­යක් එල්ල වුණා. මම එහිදී ඇසුවේ එකම ප්‍රශ්න­යයි. අපේ ජාතික සම්පත සංස්ථාද, තරුණ පර­පු­රද කියා මා විම­සුවා. අප අලාභ ලබන සංස්ථා ආරක්ෂා කර­න­වාද, අධ්‍යා­ප­න­යට, සෞඛ්‍ය­යට මුදල් දෙන­වාද කියා තීර­ණය කළ යුතුයි. මේ අලුත් වැඩ­ස­ට­හන් සමඟ ඉදිරි වසර දෙක, තුන තුළ නව ආර්ථික පරි­ව­ර්ත­න­යක් කර­මින් රට ඉදි­රි­යට ගෙන යමු කියා සියලු දෙනාට ආරා­ධනා කර­නවා.”

සෞඛ්‍ය හා කර්මාන්ත අමාත්‍ය වෛද්‍ය රමේෂ් පති­රණ මහතා:

“අති­ශය කාර්ය­බ­හුල අව­ස්ථා­වක අපේ රටේ දරු­වන්ගේ අනා­ග­තය වෙනු­වෙන් මේ විශ්ව­වි­ද්‍යාල පීඨ ගොඩ­නැ­ඟිල්ල විවෘත කිරී­මට එක් වීම සම්බ­න්ධ­යෙන් ජනා­ධි­ප­ති­තු­මාට ගාල්ල ප්‍රදේ­ශයේ ජන­තා­වගේ ස්තුතිය පුද කර සිටි­නවා; ඒ වගේම අති­ශය තීර­ණා­ත්මක අව­ධි­යක මෙවැනි ව්‍යාපෘ­ති­යක් අව­සන් කිරී­මට හැකි වීම පිළි­බඳ සතුටු වෙනවා.

“ජනා­ධි­ප­ති­තු­මාගේ නිවැ­රදි ආර්ථික ප්‍රති­ප­ත්තිය නිසා ගාල්ල දිස්ත්‍රි­ක්ක­යට ඉතා සුවි­ශේෂ ව්‍යාපෘති කිහි­ප­යක් හිමි වුණා. එතුමා 2024 අය­ වැය මඟින් සෞඛ්‍යය හා අධ්‍යා­ප­නය වෙනු­වෙන් විශාල මුද­ලක් වෙන් කළා. එය රටේ දරු­වන්ගේ අනා­ග­තය වෙනු­වෙන් ගත් සාධ­නීය පිය­ව­රක් බව කිව යුතුයි. ඒ වගේම අද විවෘත කෙරුණු මේ නව විද්‍යා­පී­ඨය දකුණු පළා­තට ආඩ­ම්බ­ර­යක් බව කිව යුතුයි.”

විශ්ව­වි­ද්‍යාල ප්‍රති­පා­දන කොමි­ෂන් සභාවේ සභා­පති ජ්‍යෙෂ්ඨ මහා­චාර්ය සම්පත් අම­ර­තුංග මහතා:

“මේ අව­ස්ථා­වට සහ­භාගි වීම පිළි­බ­ඳව ජනා­ධි­ප­ති­තු­මාට ස්තුතිය පුද කර සිටි­නවා. දින 75ක් තිස්සේ වැඩ වර්ජ­න­යක නිර­තව සිටි අන­ධ්‍ය­යන සේව­ක­යන් එළ­ඹෙන සඳුදා සිට යළි රාජ­කා­රි­යට වාර්තා කර­නවා. ඔවුන්ගේ වැටුප් විෂ­ම­තා­වට විස­ඳු­මක් දීමට ජනා­ධි­ප­ති­තුමා මැදි­හත් වුණා. ඒ පිළි­බඳ එතු­මාට ස්තුතිය පුද කළ යුතුයි. ඔවුන්ගේ හිඟ වැටුප් ගෙවී­මට රුපි­යල් බිලි­යන 4.2ක් මහා භාණ්ඩා­ගා­ර­යෙන් වෙන් කර තිබෙ­නවා. කිසිම වැඩ වර්ජ­න­යක් නැති තත්ත්ව­ය­කට අපේ රට ගෙන යා හැකි නම් රටේ සංව­ර්ධ­නය එය බව මා විශ්වාස කර­නවා.”

රුහුණ විශ්ව­වි­ද්‍යා­ලයේ කුල­පති පූජ්‍ය අකු­රැ­ටියේ නන්ද නාහිමි ප්‍රමුඛ මහා සංඝ­ර­ත්නය හා අන්‍යා­ග­මික පූජ­ක­ව­රුන්ද, දකුණු පළාත් ආණ්ඩු­කාර ලක්ෂ්මන් යාපා අබේ­ව­ර්ධන, පාර්ලි­මේන්තු මන්ත්‍රී­ව­රුන් වන වජිර අබේ­ව­ර්ධන, සම්පත් අතු­කෝ­රල මහ­ත්ව­රුන්, හිටපු උප­කු­ල­ප­ති­ව­රුන්, පීඨා­ධි­ප­ති­ව­රුන්, ආචාර්ය මණ්ඩ­ලය, සිසු දරු­වන් ඇතුළු පිරි­සක් මේ අව­ස්ථා­වට එක්ව සිටි­යහ.

ප්‍රවාහන ඇමැතිවරයා ලෙස මෙයට දායක වෙන්න ලැබීම සතුටක් – ඇමැති, ආචාර්ය බන්දුල ගුණවර්ධන

මෙතෙක් පර්යේෂණ නොවූ සීතාවක, පර්යේෂකයන්ට තෝතැන්නක් බව අගමැති දිනේෂ් ගුණවර්ධන මහතා පැවැසීය.

අගමැතිවරයා මේ බව පැවැසුවේ පෙරේදා (21) සීතාවක කෞතුකාගාරය පොදු ජන අයිතියට පත්කිරීමේ අවස්ථාවට එක් වෙමිනි.මේ කෞතුකාගාරය මධ්‍යම සංස්කෘතික අරමුදල රුපියල් මිලියන 50ක වියදමින් සහ නාවික හමුදාවේ ශ්‍රමදායකත්වයෙන් අවිස්සාවේල්ල නගරයේ දුම්රිය දෙපාර්තමේන්තුව සතු ගොඩනැඟිල්ලක ඉදිකර ඇත.

එහිදී වැඩිදුරටත් අදහස් දැක්වූ අගමැතිවරයා මෙලෙස ද කීවේය.

“පෞඩ ඉතිහාසයක තොරතුරු අනාගත පරම්පරාවට දායාද කරන ස්ථානයක් මේ කෞතුකාගාරය. ලොව ආක්‍රමණය කරන්න සවිය තිබූ බටහිර හමුදාවන් පරාජය කළ මායාදුන්නේ සහ සීතාවක රාජසිංහ රජවරුන් ලොව සොලවපු රාජ්‍ය නායකයන්. අපේ රටට පළමුව ආවේ ලන්දේසීන්. ඔවුන්ගේ නම් ගම් ටිකක් ගත්තා මිසක් භාෂාව ඉගෙන ගත්තේ නෑ. ඊට පස්සේ පෘතුගීසින් ආවාම තරමක් භාෂාව ව්‍යාප්ත වෙලා නම් ගම් ටිකක් එකතු වුණා මිසක් ගැඹුරින් භාෂාව ඉගෙන ගත්තේ නැති නිසා ඒ භාෂාව අපේ රටින් මැකී ගියා.

ලෝකයේ පළමු වෙනි අධිරාජ්‍යයා මෙල්ල කළ අය විදියට අපි ආඩම්බරයි. සුදු ආණ්ඩුව ආවේ පස්සේ. පළමු වැනියාට ආවේ පෘතුගීසීන්. සුද්දා මේ රටට එනකොටත් අපි හැම අතින්ම දියුණු ජාතියක්. අපිව යටත් කරගන්න කොටත් දියුණු ජාතියක්. ගංගාවල්, තොටුපොළවල් හරහා රටේ ස්වාභාවික වස්තු නිෂ්පාදනය ලෝකවාසීන් සමඟ ගනුදෙනු කරන්න අපේ ආදි ජනයා පියවර ගෙන තිබුණා. ඒවා සොයාගෙන පැමිණි අය ඊටත් වැඩි ප්‍රමාණයක් අත්පත් කරගැනීමට දැරූ උත්සාහය ව්‍යක්ත කර අපේ නිදහස පිණිසයි මේ රණවිරුන්, රාජ්‍ය නායකයන් සාර්ථකව සටන් කළේ. රණවීරත්වය පමණක් නෙවෙයි, උපාය, පාලන තන්ත්‍රයේ විවිධ ක්ෂේත්‍ර සඳහා පිවිසුණු ඒ ක්‍රියාවලිය පිළිබඳව තවමත් අධ්‍යයනයක් කර නෑ. එදා ගැඹුරින් එවැනි අධ්‍යයනයක් කරන්න අපට ඕනෑකම තිබුණේ නෑ. සීතාවක කියන්නේ අපේ රටේ ඉතිහාසය ගැන ආඩම්බර විය හැකි කාලපරිච්ඡේදවලින් එකක්. මේ කෞතුකාගාරය ඒ ආඩම්බරයේ කොටසක්. සීතාවක නගර සභාව ආඩම්බරයේ මාණික්‍ය පලඳගන්න. ආඩම්බරයේ මාණික්‍ය මේ මහාචාර්යවරුන් ඔබට ගෙනත් දී තිබෙනවා.”

ප්‍රවාහන, මහාමාර්ග හා ජනමාධ්‍ය ඇමැති, ආචාර්ය බන්දුල ගුණවර්ධන මහතා

“අද සීතාවක පුරවරයට ඓතිහාසික වැදගත්කමකින් යුත් දිනයක්. අපේ රටේ දීර්ඝ කාලීන ප්‍රෞඪ ඉතිහාසයේ ගමන් මඟ ඉදිරියට ගෙනයෑමට සීතාවක රාජධානිය ඉෂ්ට කළ කාර්යය අනාගත පරම්පරාවේ දරුවන්ටත්, අධ්‍යයනය කරන අයටත් දැක බලා ගැනීමට මෙවැනි කෞතුකාගාරයක් පිහිටුවීමට දායක වූ සියලු දෙනාට අපේ ගෞරවය සහ ස්තූතිය පුද කරනවා. කෞතුකාගාරය ස්ථානගත කිරීමට ස්ථානයක් සොයා ගැනීම පිළිබඳ ගැටලුවේදී ප්‍රවාහන විෂය භාර ඇමැතිවරයා ලෙස මටත් දායකවන්න ලැබීම ගැන සතුටුයි. ලංකා ආණ්ඩුවේ දුම්රිය දෙපාර්තමේන්තුවට අයත් මේ පෞරාණික ගොඩනැඟිල්ල සහ ඉඩම් කොටස පවරාදීමට කැබිනට් පත්‍රිකාවක් ඉදිරිපත් කළා. එයින් තමයි මේ ඉඩම සහ ගොඩනැඟිල්ල මේ උතුම් කර්තව්‍ය සඳහා දෙන්න හැකි වුණේ.”

ඇමැති විදුර වික්‍රමනායක මහතා,

“අපේ කෙරුවාවල් අපිම කියන්න හොඳ නෑ. ඒක සිංහලයාගේ ගතියක් නෙමේ. අපි වැරදුණු තැන් නැවත නැවත හිතට අරගෙන නැවත වරදින් නැති වෙන්න හරි ගමනක් යන්න හරි වැඩක් කරන්න බලන්න ඕනේ. අපි හැමෝම එක මිටට ඉඳලා මේ රට මෙතැනින් එහාට ඉදිරියට ගෙන යන්න ඕනේ. ඩිජිටල් යුගයක් කරා යන ගමනේදී අපේ උරුමයන් පැත්තකට දාන්න හොඳ නෑ.”

මහා සංඝරත්නය, ක්‍රිස්තියානි ඉස්ලාම් හින්දු පූජකවරුන්, පාර්ලිමේන්තු මන්ත්‍රිවරුන් වන යදාමිණී ගුණවර්ධන, සුදත් මංජුල, මධ්‍යම සංස්කෘතික අරමුදලේ අධ්‍යක්ෂ ජනරාල් මහාචාර්ය ගාමිණී රණසිංහ මහත්වරුන් ඇතුළු විශාල පිරිසක් මේ අවස්ථාවට එක්ව සිටියහ.

ජනාධිපති කාර්ය මණ්ඩල ප්‍රධානි හා ජාතික ආරක්ෂාව පිළිබඳ ජනාධිපති ජ්‍යෙෂ්ඨ උපදේශක සාගල රත්නායක මහතා ඊයේ (21) පස්වරුවේ ඓතිහාසික කතරගම පුද බිම වෙත පැමිණ ආගමික වතාවත්වල නිරතව ආශිර්වාද ලබා ගත්තේය.

ඓතිහාසික කතරගම පුදබිම වෙත පැමිණි සාගල රත්නායක මහතා පළමුව කිරිවෙහෙර විහාරාධිපති ශාස්ත්‍රවේදී පූජ්‍ය කොබවක ධම්මින්ද නායක හිමිපාණන් වහන්සේ බැහැ දැක සුව දුක් විමසා කෙටි පිළිසඳරක නිරත විය.

අනතුරුව අෂ්ඨ ඵල බෝධීන් වහන්සේ අභියස පැවති ආගමික වතාවත්වලට එක් වූ ඒ මහතා කතරගම සමන් මහා දේවාලය ඇතුළු සෙසු දේවාල වෙත ද ගොස් ආශිර්වාද ලබා ගත් අතර ඓතිහාසික කිරිවෙහෙර චෛත්‍ය රාජයාණන් වහන්සේ ෂඩ්වර්ණ විදුලි බුබුළුවලින් ආලෝකමත් කිරීමට ද එක් විය.

කතරගම වාර්ෂික ඇසළ මහා පෙරහර මංගල්‍යයේ අවසන් දිනය වූ ඊයේ (21) දින පෙරහර ආරම්භ කරමින් සිංහරාජා හස්ති රාජයා මත සධාතුක කරඬුව තැන්පත් කිරීම කිරිවෙහෙර විහාරාධිපති කොබවක ධම්මින්ද නාහිමිපාණන් වහන්සේගේ අනුශාසනා පරිදි හිටපු ජනාධිපති මහින්ද රාජපක්ෂ සහ සාගල රත්නායක යන මහත්වරුන්ගේ ප්‍රධානත්වයෙන් සිදු කෙරිණි.

කතරගම වාර්ෂික ඇසළ මහා පෙරහර මංගල්‍ය වෙනුවෙන් පුදබිම වෙත පැමිණ සිටි බැතිමතුන්ගේ තොරතුරු විමසමින් ඔවුන් සමඟ සුහද කතාබහක නිරත වීමට ද සාගල රත්නායක මහතා අමතක නොකළේය.

රාජ්‍ය අමාත්‍ය ශෂීන්ද්‍ර රාජපක්ෂ, කතරගම මහා දේවාලයේ බස්නායක නිලමේ ඩිෂාන් ගුණසේකර යන මහත්වරුන් ඇතුළු පිරිසක් මෙම අවස්ථාවට එක්ව සිටියහ.

ශ්‍රී ලංකාව යුනෙස්කෝ සංවිධානයේ සාමාජිකත්වය ලබා වසර 75ක් සපිරීම නිමිත්තෙන් මෙරට සංචාරයක නිරත යුනෙස්කෝ සංවිධානයේ අධ්‍යක්ෂ ජනරාල් ඕඩ්‍රි අසූලේ මහත්මිය (Ms. Audrey Azoulay) ඊයේ (16) කොළඹ කොටුව ජනාධිපති මන්දිරයේදී ජනාධිපති රනිල් වික්‍රමසිංහ මහතා හමු වූ අයුරු.