මෙරට මාධ්‍ය සමා­ජයේ ගුණා­ත්ම­ක­භා­වය සහ ප්‍රමි­තිය ඉහළ නැංවී­මට නිපු­ණ­තා­වෙන් යුත් පිරි­පුන් විද්වත් මාධ්‍ය වෘත්ති­ක­යන් පිරි­සක් බිහි­කි­රීමේ අර­මු­ණින් පිහි­ටු­වී­මට යෝජිත ශ්‍රී ලංකා වර­ලත් මාධ්‍ය වෘත්ති­ක­යන්ගේ ආය­ත­නයේ මධ්‍ය­ස්ථාන කොළඹ, කොත්මලේ සහ සීගි­රිය ප්‍රදේ­ශ­වල පිහි­ටු­වී­මට පිය­වර ගන්නා බව සෞඛ්‍ය හා ජන­මාධ්‍ය නියෝජ්‍ය ඇමැති වෛද්‍ය හංසක විජේ­මුණි මහතා පව­සයි.

ඊට සම­ගා­මීව ශ්‍රී ලංකා ගුවන් විදුලි සංස්ථාවේ අභ්‍යාස ආය­ත­නය සහ කොත්මලේ මාධ්‍ය ඇක­ඩ­මිය ඇතුළු රාජ්‍ය මාධ්‍ය ආය­ත­න­වල පව­ත්වා­ගෙන යන පුහුණු ආය­තන නවී­න­ත්ව­යට අදාළ වන අයු­රින් මානව සහ භෞතික සම්ප­ත්ව­ලින් සම­න්වි­තව වැඩි­දි­යුණු කරන බවත් නියෝජ්‍ය ඇමැ­ති­ව­රයා පව­සයි.

සෞඛ්‍ය හා ජන­මාධ්‍ය නියෝජ්‍ය ඇමැ­ති­ව­රයා එසේ ප්‍රකාශ කළේ ශ්‍රී ලංකා ගුවන් විදුලි සංස්ථාවේ කඳු­රට සේව­යට අනු­බද්ධ කොත්මලේ මාධ්‍ය ඇක­ඩ­මියේ පනහ සහ පනස් එක්වැනි පාඨ­මාලා කණ්ඩා­ය­ම්වල පුහු­ණුව ලැබූ සිසු,සිසු­වි­යන්ට සහ­ති­ක­පත් පිරි­නැ­මීමේ අව­ස්ථා­වට ප්‍රධාන ආරා­ධි­තයා ලෙස එක්වෙ­මිනි. සහ­තික පිරි­නැ­මීමේ උත්ස­වය පසු­ගි­යදා (18) ගම්පොළ, මාව­තුර, රිව­ස­යිඩ්හි පිහිටි ශ්‍රී ලංකා ගුවන් විදුලි සංස්ථාවේ කඳු­රට සේව­යට අනු­බද්ධ කොත්මලේ මාධ්‍ය ඇක­ඩ­මි­යේදී පැවැ­ත්විණි.

මාධ්‍ය ආය­ත­නයේ නිරී­ක්ෂණ චාරි­කා­වට ද එක් වූ නියෝජ්‍ය ඇමැ­ති­ව­රයා, එම ඇක­ඩ­මිය කේන්ද්‍ර කර මාධ්‍ය ගම්මා­න­යක් ස්ථාපිත කිරී­මට අවශ්‍ය පිය­වර ගන්නා බවත්, මාධ්‍ය පුහුණු ආය­ත­න­වල ගුණා­ත්ම­ක­භා­වය වැඩි­දි­යුණු කිරී­මට ජාතික මට්ට­මින් වැඩ­පි­ළි­වෙ­ළක් සකස් කළ යුතු බවත් අව­ධා­ර­ණය කළේය.මාධ්‍ය ක්ෂේත්‍රයේ, නියැ­ළෙන ඇතැම් අයගේ වෘත්ති­ම­ය­භා­වය සඳහා පාදක වන අධ්‍යා­පන සුදු­සු­කම්, පළ­පු­රුද්ද සහ ආචාර ධර්ම වැනි අංග සපුරා නැති­ක­මින් තොර­තුරු වාර්තා කිරීමේ සාක්ෂ­ර­තාව පිළි­බඳ ගැටලු මතු වී ඇති බවත් කියා සිටි­යේය.

ජන­මා­ධ්‍යයේ වග­කීම ප්‍රජාව හා බැඳී පව­තින බැවින්, එම කාර්යය නිසි ලෙස ඉටු කළ­යුතු බවත් සමා­ජ­යට නියම තොර­තුරු සැප­යීම ස්වයං ශික්‍ෂ­ණ­ය­කින් කළ­යුතු බවත්, ජන­මා­ධ්‍ය­වේ­දි­යාගේ වග­කීම සහ වග­වීම නිසි ලෙස ඉටු කිරී­මට මනා පුහු­ණු­වක් අවශ්‍ය බවත් පිහි­ටු­වී­මට යෝජිත ශ්‍රී ලංකා වර­ලත් මාධ්‍ය වෘත්තී­ක­යන්ගේ ආය­ත­නය එයට මනා පිටි­ව­හ­ලක් වනු ඇති බවත් නියෝජ්‍ය ඇමැ­ති­ව­රයා පැව­සීය.ජන­මා­ධ්‍ය­වේ­දියා රටක සිවු­වැනි බල­ක­ණුව විය යුත්තේ ගෞර­ව­නීය පැවැ­ත්මක් සකසා ගැනී­මෙන් පසුව බව ද පැව­සීය. පාඨ­මා­ලා­වල පුහු­ණුව ලැබූ සිසු දරුවෝ ද, ශ්‍රී ලංකා ගුවන් විදුලි සංස්ථාවේ කඳු­රට සේවයේ සහ­කාර අධ්‍යක්ෂ මංජුල වීර­සිංහ, හිටපු සහ­කාර අධ්‍යක්ෂ සමන් ජය­රත්න, පාඨ­මාලා සම්බ­න්ධී­කා­රක කපිල කුමාර අර­ත්තන සහ ජ්‍යෙෂ්ඨ වැඩ­ස­ට­හන් නිෂ්පා­දක එම්. ඉස්වාන් මහ­ත්ව­රුද මේ අව­ස්ථා­වට එක්වූහ.

රට ආර්ථික වශ­යෙන් ඉදි­රි­යට ගෙන යෑමට නම්, සියලු ක්ෂේත්‍ර­වල කාර්ය­ක්ෂ­ම­තාව සහ විනි­වි­ද­භා­වය තහ­වුරු කළ යුතු බවත්, වත්මන් රජයේ ඩිජි­ට­ල්ක­රණ වැඩ­පි­ළි­වෙළ ශ්‍රී ලංකාව ආර්ථික මෙන්ම සමා­ජීය වශ­යෙන් නව තල­ය­කට ඔසවා තැබෙන වැඩ­පි­ළි­වෙ­ළක් බවත් ජනා­ධි­පති අනුර කුමාර දිසා­නා­යක මහතා පැව­සීය.

ඩිජි­ට­ල්ක­ර­ණ­යෙන් ශ්‍රී ලංකා­වට දියුණු රාජ්‍ය­යන් සමඟ සමා­න්ත­රව ගමන් කළ හැකි බව ද මෙහිදී ජනා­ධි­ප­ති­ව­රයා සඳ­හන් කළේය.

ජනා­ධි­ප­ති­ව­රයා එම අද­හස් ප්‍රකාශ කළේ, ජාතික සයි­බර් ආර­ක්ෂණ මූලෝ­පාය (2025- 2029) හඳු­න්වා­දීම සහ ජාතික සයි­බර් ආර­ක්ෂණ මෙහෙ­යුම් මධ්‍ය­ස්ථා­නය (NCSOC) විවෘත කිරීමේ අව­ස්ථා­වට පසු­ගි­යදා (19) කොළඹ බණ්ඩා­ර­නා­යක අනු­ස්ම­රණ ජාත්‍ය­න්තර සම්ම­න්ත්‍රණ ශාලා­වේදී එක් වෙමිනි.

ශ්‍රී ලංකාවේ ඩිජි­ටල් පද්ධ­තියේ ආර­ක්ෂාව සහ ඔරොත්තූ දීමේ හැකි­යාව වැඩි­දි­යුණු කිරීම, සයි­බර් සහ අව­දා­නම් සඳහා පූර්ව අන­තුරු ඇඟ­වීම සහ වේග­වත් ප්‍රති­චාර සැප­යීම, ආර­ක්ෂිත ඩිජි­ටල් මෙහෙ­යුම් පව­ත්වා­ගෙන යෑම සඳහා රාජ්‍ය ආය­තන සහ පෞද්ග­ලික අංශ­යට සහාය වීම සහ දැනු­ම්වත් කිරීම මෙම මධ්‍ය­ස්ථා­නය මඟින් සිදු කරනු ඇත. මෙහෙ­යුම් අඛ­ණ්ඩ­තාව, වේග­වත් ප්‍රති­චාර, අඩු පිරි­වැය, අනු­කූ­ල­තාව සහ විශ්වා­සය මෙහි ප්‍රති­ලාභ වේ.

විද්‍යා හා තාක්ෂණ අමාත්‍යාංශය යටතේ ක්‍රියාත්මක වන නවීන තාක්ෂණය පිළිබඳ ආතර් සී. ක්ලාක් ආයතනයේ මූලිකත්වය ඇතිව ශ්‍රී ලාංකික ඉංජිනේරුවරුන්ගේ තාක්ෂණික දායකත්වයෙන් නිර්මාණය වූ තුන්වන නැනෝ චන්ද්‍රිකාව වන “BIRDS-X DRAGONFLY“ චන්ද්‍රිකාව අද (19 ) ශ්‍රී ලංකා වේලාවෙන් පස්වරු 2.15ට ජාත්‍යන්තර අභ්‍යවකාශ මධ්‍යස්ථානයේ සිට එහි කක්ෂය වෙත මුදා හැරීම සාර්ථකව සිදු කෙරිණි.

මෙම නැනෝ චන්ද්‍රිකාව පසුගිය අගෝස්තු 24 වනදා නාසා ආයතනය විසින් දියත් කළ “SPX33“ රොකට් මෙහෙයුම මගින් ජාත්‍යන්තර අභ්‍යවකාශ මධ්‍යස්ථානය වෙත රැගෙන යන ලදි. “BIRDS-X DRAGONFLY“ චන්ද්‍රිකාව කක්ෂය වෙත මුදා හැරීම සිදුවන අයුරු නවීන තාක්ෂණය පිළිබඳ ආතර් සී. ක්ලාක් ආයතනයේ දී සජීවීව විකාශය කළ අතර මෙම අවස්ථාවට ප්‍රධාන ආරාධිත අමුත්තා ලෙස විද්‍යා හා තාක්ෂණ අමාත්‍යාංශ ලේකම් වයි.එල් මොහොමඩ් නවවි මහතා සහභාගී විය.

2019 වසරේදී ශ්‍රී ලංකාවේ පළමු නැනෝ චන්ද්‍රිකාව ලෙස “රාවණ-1“ චන්ද්‍රිකාවත්, 2022 වසරේදී ජාත්‍යන්තර පාර්ශ්වයන් 05ක සහභාගිත්ව යෙන් යුතු තාක්ෂණික සහයෝගීතා ව්‍යාපෘතියක් තුළින් නිර්මාණය කරන ලද දෙවන චන්ද්‍රිකාව ලෙස “KITSUNE“ චන්ද්‍රිකාවත් අභ්‍යවකාශ ගත කිරීමෙන් අනතුරුව, මෙරට තුන්වන නැනෝ චන්ද්‍රිකාව ලෙස අභ්‍යවකාශ ගතවන “BIRDS-X Dragonfly“ පර්යේෂණ නැනෝ චන්ද්‍රිකාව ශ්‍රී ලංකාවේ අභ්‍යවකාශ තාක්ෂණ සංවර්ධන ගමන් මගෙහි තවත් සුවිශේෂී ජයග්‍රහණයක් සනිටුහන් කරයි.
මෙම ව්‍යාපෘතිය සඳහා ශ්‍රී ලංකාවෙන් කිසිඳු ප්‍රාග්ධන පිරිවැයක් වැය නොවීම මෙහි එක් සුවිශේෂී කරුණකි.

ජපන් අභ්‍යවකාශ පර්යේෂණ ආයතනය (JAXA) හා ඩිජිටල් රේඩියෝ සන්නිවේදන ආයතනය (ARDC) යන ජාත්‍යන්තර ආයතනවල සහයෝගීතාව සහිතව, ආතර් සී. ක්ලාක් ආයතනය සහ ජපානයේ “KYUSHU“ තාක්ෂණ ආයතනය මගින්, අභ්‍යවකාශ තාක්ෂණ සහයෝගීතා ව්‍යාපෘතියක් ලෙස මෙය ක්‍රියාත්මක කර තිබේ. විදේශීය පාර්ශ්වයන්ගේ එකඟතාවය ලබා ගනිමින්, මෙරට පාර්ශ්වයෙන් මෙම ව්‍යාපෘතිය දියත් කිරීම සඳහා ආතර් සී ක්ලාක් ආයතනයේ හිටපු අධ්‍යක්ෂ ජනරාල් ඉංජිනේරු (ආචාර්ය) සනත් පනාවැන්නගේ, හිටපු නියෝජ්‍ය අධ්‍යක්ෂ ජනරාල් (තාක්ෂණ මෙහෙයුම්) ඉංජිනේරු කමනි එදිරිවීර සහ සන්නිවේදන ඉංජිනේරු අංශයේ අධ්‍යක්ෂ ඉංජිනේරු කවින්ද්‍ර ජයවර්ධන මහත්ම මහත්මීන්ගේ මගපෙන්වීමෙන් එම ආයතනයේ පර්යේෂණ ඉංජිනේරුවන් වන තරිඳු දයාරත්න, කවීන්ද්‍ර සම්පත්, උදිත ගයාන් සහ තිළිණ විජේබණ්ඩාර යන මහත්වරුන් දායක වී තිබේ.

“BIRDS-X DRAGONFLY“ පර්යේෂණ චන්ද්‍රිකාව මගින් මූලික වශයෙන් අභ්‍යවකාශ පර්යේෂණ මෙහෙයුම් තුනක් සිදු කිරීමට නියමිතය. නැනෝ චන්ද්‍රිකා තුළ භාවිතය සඳහා ඉංජිනේරු තරිඳු දයාරත්න විසින් අඩු පිරිවැයක් යටතේ අලුතෙන් නිර්මාණය කරන ලද සන්නිවේදන උප පද්ධතියක් ද, තවත් සන්නිවේදන පර්යේෂණ මෙහෙයුමක් ද, චන්ද්‍රිකාවේ මූලික උප පද්ධති වලින් සැදුම්ලත් ‍සමස්ත පොදු ව්‍යුහය වන බස් (BUS System) පද්ධතිය ද, අභ්‍යවකාශ තත්ත්වයන් යටතේ පරීක්ෂණයට භාජනය කිරීම ඊට ඇතුළත්ය.

කල­වං­චි­කු­ඩිය තැපැල් කාර්යාල නව ගොඩ­නැ­ඟිලි ඉදි­කි­රීම සඳහා මුල්ගල තැබීම සෞඛ්‍ය හා ජන­මාධ්‍ය ඇමැති වෛද්‍ය නලින්ද ජය­තිස්ස මහ­තාගේ ප්‍රධා­න­ත්ව­යෙන් අද (18) සිදු­කෙරේ.

රුපි­යල් මිලි­යන 29.5ක විය­ද­මින් නැඟෙ­න­හිර පළාතේ මඩ­ක­ල­පුව දිස්ත්‍රි­ක්කයේ කල­වං­චි­කු­ඩිය තැපැල් කාර්යාල නව ගොඩ­නැ­ඟිල්ල ඉදි­කි­රීම දකුණු පළාතේ හම්බ­න්තොට දිස්ත්‍රි­ක්කයේ බඳ­ගි­රිය කොල­නිය උප තැපැල් කාර්යාල නව ගොඩ­නැ­ඟි­ල්ලට මුල්ගල තැබීම මේ මස (20) වැනිදා පෙර­ව­රුවේ සිදු කිරී­මට නිය­මිත අතර ඇස්ත­මේ­න්තු­ගත මුදල රුපි­යල් මිලි­යන 4.23කි.

“පොහො­සත් රටක් – ලස්සන ජීවි­ත­යක්” යන්න තේමා කර­ගත් රජයේ ප්‍රති­පත්ති ප්‍රකා­ශ­යට අනුව වසර 200කට අධික ඉති­හා­ස­යක් සහිත මෙරට ක්‍රියා­ත්මක තැපැල් සේවා‍ව නව්‍ය­ක­ර­ණ­යට ලක්ක­ර­මින් එම සේවාවේ භෞතික හා මානව සම්පත් සංව­ර්ධ­න­යට වත්මන් රජය කඩි­නම් වැඩ­පි­ළි­වෙ­ළක් ක්‍රියා­වට නංවා ඇත.

තැපැල් දෙපා­ර්ත­මේ­න්තුවේ මූල්‍ය ප්‍රති­පා­දන මත ඉහත ඉදි­කි­රීම් කට­යුතු සිදු කරන අතර 2016 වර්ෂ­යෙන් පසු නව තැපැල් කාර්යාල ඉදි­කි­රීම සඳහා පැවති රජ­යන් කට­යුතු කර නොමැති අතර වත්මන් රජය බල­යට පත්වී මුල්ගල තබන 05 වැනි සහ 06 වැනි තැපැල් කාර්යාල ගොඩ­නැ­ඟිලි මෙය වේ.

මෙම වර්ෂයේ තැපැල් දෙපා­ර්ත­මේ­න්තුවේ නව ඉදි­කි­රීම් සඳහා රුපි­යල් මිලි­යන 600ක මුද­ලක් වත්මන් රජය වෙන්කර ඇත. තැපැල් කාර්යාල ගොඩ­නැ­ඟිලි 20ක් ඉදි­කි­රී­මට කට­යුතු යොදා ඇත. නව්‍ය­ක­ර­ණය වූ බහු­විධ සේවා සැප­යී­මෙන් විශි­ෂ්ට­තම සබ­ඳතා සහ­කරු වීම ශ්‍රී ලංකා තැපැල් දෙපා­ර්ත­මේ­න්තුවේ ඉදිරි දැක්ම වේ.

1949 සිට මේ දක්වා ඉතිහාසයේ දිගු ගමනක් පැමිණි රජයේ චිත්‍රපට අංශයට නිසි ඇගයීමකට ලක්විය යුතු බව සෞඛ්‍ය හා ජනමාධ්‍ය අමාත්‍ය වෛද්‍ය නලින්ද ජයතිස්ස මහතා පැවසීය.

අමාත්‍යවරයා මේ බව සඳහන් කළේ ඊයේ (16) පස්වරුවේ රජයේ ප්‍රවෘත්ති දෙපාර්තමේන්තුවේ චිත්‍රපට හා ඩිජිටල් සංරක්ෂණ ඒකකය ප්‍රතිසංස්කරණයෙන් පසු විවෘත කිරීමේ අවස්ථාවට එක්වෙමිණි.

එහිදී වැඩිදුරටත් අදහස් දක්වමින් අමාත්‍යවරයා පැවසූයේ අප මේවන විට ආර්ථිකයේ යම් ස්ථාවරත්වයක් ඇතිකරමින් සිටින බවයි. වත්මන් ආණ්ඩුව මෙරට සංවර්ධන රාජ්‍යයක් බවට පත්කරමින් සිටින බව ද අමාත්‍යවරයා පැවසීය. මෙම අවස්ථාව ඓතිහාසික සහ වැදගත් අවස්ථාවක් බවත් මෙහි වටිනාකම තව දශක කිහිපයකින් රට තේරුම් ගනු ඇතැයි ද ඔහු පැවසීය. එමෙන්ම පාසල් දරුවන්ට මෙන්ම තරුණ තරුණියන්ට මෙම ස්ථාන විවෘත කළයුතු බවත් ඔහුකීය. තවද, මෙම ආයතනයේ ඉදිරිකටයුතු සඳහා අයවැය මගින් තවත් ප්‍රතිපාදන සපයන බවත් සංරක්ෂණය සදහා නව පුහුණු අවස්ථා ලබාදීමට කටයුතු කරන බවත් ඔහු පැවසීය.

රුපියල් මිලියන 06කට වඩා අඩු මුදලක් වැයකරමින් මෙම සංරක්ෂණාගාරය ප්‍රතිසංස්කරණය සිදුකර ඇත.1949 සැප්තැම්බර් 17 ඇරඹි රජයේ චිත්‍රපට අංශය සිනේ මාධ්‍ය, ඩීවීඩි මාධ්‍ය සහ ඩිජිටල් මාධ්‍ය මගින් නිර්මාණය කරන ලද සහ නිෂ්පාදනය කළ සහ සංරක්ෂණාගාරයේ පැවති වටිනා නිර්මාණ රැසකින් සමන්විත වේ. ශ්‍රී ලංකා යුද හමුදාවේ හයවන ඉන්ජිනේරු සේවා බළකාය මගින් මෙම ප්‍රතිසංස්කරණ කටයුතු සිදුකර තිබේ.

ජාත්‍යන්තර ඕසොන් දිනය සැප්තැම්බර් 16 වන දිනට එනම් අදට යෙදී තිබේ.

ඕසෝන් දිනය යනු ඕසෝන් වියන ආරක්ෂා කිරීමේ වැදගත්කම මතකයට නංවන දිනයකි. 1987 දී එක්සත් ජාතීන්ගේ සංවිධානය මොන්ට්‍රියල් සම්මුතිය අත්සන් කළ දිනය සිහිපත් කිරීමට මෙම දිනය සමරනු ලබයි. මෙම ගිවිසුම ඔස්සේ ඕසෝන් වියන හානි කරන රසායනික ද්‍රව්‍ය භාවිතය තහනම් කර ඇත. 2025දී, ඕසෝන් දිනය ලෝකය පුරා ප්‍රජාවන් එක්ව සමරනු ලබයි.

1913 දී ප්‍රංශ ජාතික භෞතික විද්‍යාඥයින් වන චාල්ස් ෆැබ්‍රි සහ හෙන්රි බුයිසන් විසින් ඕසෝන් ස්ථරය විද්‍යාත්මකව ලේඛනගත කරනු ලැබූ අතර, ඔවුන් සූර්යයාගේ සිට පැමිණෙන පාරජම්බුල කිරණ අවහිර කරන බව සොයා ගත්හ. වසර ගණනාවකට පසු, 1980 ගණන්වල ඇන්ටාක්ටිකාවට ඉහළින් “ඕසෝන් සිදුර” සොයා ගැනීම ඕසෝන් ක්ෂය වීම ආමන්ත්‍රණය කිරීමේ හදිසි අවශ්‍යතාවය ඉස්මතු කළේය. ඊට ප්‍රතිචාර වශයෙන්, 1987 සැප්තැම්බර් 16 වන දින මොන්ට්‍රියල් සම්මුතිය අත්සන් කරන ලද අතර එය ජාත්‍යන්තර පාරිසරික සහයෝගීතාවයේ නිශ්චිත සාර්ථකත්වයක් බවට පත් කළේය.

සෑම වසරකම, ලෝක ඕසෝන් දිනය, වර්තමාන අභියෝග සහ ප්‍රගතිය කෙරෙහි අවධානය යොමු කිරීම සඳහා අද්විතීය තේමාවක් වටා සමරනු ලබයි. 2025 ඕසෝන් දිනය සඳහා තේමාව වන්නේ From science to global action “විද්‍යාවේ සිට ගෝලීය ක්‍රියාකාරකම් දක්වා” යන්නයි. මෙම තේමාව මඟින් ඕසෝන් වියන ආරක්ෂා කිරීමට ලෝකයේ රටවල්, පුද්ගලයන්, සහ ආයතන එකතු වී ක්‍රියා කළ යුතු බව අවධාරණය කරයි. එය තිරසර ජීවන රටාවන්, පරිසර හිතකාමී තාක්ෂණය, සහ ගෝලීය සහයෝගීතාව ප්‍රවර්ධනය කෙරේ. මෙම තේමාව  තේරුම් ගැනීමට පහසු වන අතර, එය ඕසෝන් වියන රැකගැනීමට ඔවුන්වත් උනන්දු කරවීම අරමුණු කොටගනී.

රාජ්‍ය සේවය ඵලදායි සහ කාර්යක්ෂම සේවයක් බවට පරිවර්තනය කිරීම සඳහා කෘත්‍රිම බුද්ධිය භාවිතය පිළිබඳව රජයේ විධායක නිලධාරීන් වෙනුවෙන් සංවිධානය කරන විශේෂ වැඩමුළු මාලාවේ තවත් එක් වැඩමුළුවක් පසු­ගි­යදා (12) අරලියගහ මන්දිරයේදී පැවැත්විණි.

‘AI for Transforming Public Service’ යන මැයෙන් ජනාධිපති ලේකම් කාර්යාලයේ සහාය ඇතිව ඩිජිටල් ආර්ථික අමාත්‍යාංශය විසින් සංවිධානය කළ මෙම වැඩමුළුව සඳහා රජයේ අමාත්‍යාංශ විධායක නිලධාරීහු එක්ව සිටියහ.

රාජ්‍ය සේවය ඩිජිටල්කරණය කිරීමේ රජයේ වැඩපිළිවෙළෙහි ආරම්භක ප්‍රවේශයක් ලෙස රාජ්‍ය නිලධාරීන් දැනුවත් කිරීම සහ සුදානම් කිරීම, කෘත්‍රිම බුද්ධිය පිළිබඳව රාජ්‍ය සේවය තුළ ධනාත්මක ආකල්පයක් ඇති කිරීම යන අරමුණු ඇතිව මෙම වැඩමුළුව සංවිධානය කර ඇත.

රාජ්‍ය සේවය ඩිජිටල් පරිවර්තනයකට සූදානම් විය යුතු බවත්, ඒ සඳහා දැනට පවතින රාජ්‍ය සේවය වෙනස් විය යුතු බවත් ජනාධිපති ලේකම් ආචාර්ය නන්දික සනත් කුමානායක මහතා මෙහිදී සඳහන් කළේය. රාජ්‍ය සේවය කෙරෙහි ජනතා විශ්වාසය දිනා ගැනීමේ අභියෝගය ජය ගැනීම සඳහා කෘත්‍රිම බුද්ධිය භාවිත කරමින් ජනතාවට වඩාත් කාර්යක්ෂම සේවාවක් ලබා දීමට අවධානය යොමු කළ යුතු බවද ජනාධිපති ලේකම්වරයා වැඩිදුරටත් කියා සිටියේය.

ඩිජිටල් ආර්ථිකය පිළිබඳ ජනාධිපති ජ්‍යෙෂ්ඨ උපදේශක ආචාර්ය හාන්ස් විජේසූරිය මහතා මෙම වැඩමුළුවේ ප්‍රධාන දේශනය සිදු කළ අතර, ශ්‍රී ලංකා තොරතුරු සහ සන්නිවේදන තාක්‍ෂණ නියෝජිතායතනයේ (ICTA) අධ්‍යක්ෂ මණ්ඩල සාමාජික හර්ෂ පුරසිංහ, සමිස අබේසිංහ යන මහත්වරු ඇතුළු එම ආයතනයේ නිලධාරීහු මෙම වැඩමුළුවට සම්පත්දායකත්වය සැපයූහ.

ප්‍රජා­වගේ දෛනික අව­ශ්‍යතා සපි­රෙන සහ ජීව­ත්වෙන වට­පි­ටාව සුර­ක්ෂිත කෙරෙන පරි­ස­ර­යක් නිර්මා­ණය කිරීමේ අර­මු­ණෙන් ක්‍රියා­ත්මක ‘පුන­රු­දයේ පුර­වර’ පළාත් පාලන සතිය අදින් (15) ඇරඹේ.

‘පොහො­සත් රටක් – ලස්සන ජීවි­ත­යක්’ ප්‍රති­පත්ති ප්‍රකා­රව වසර නව­ය­කට පසු මෙසේ පළාත් පාලන සති­යක් ක්‍රියා­වට නැංවේ.

මෙහි සමා­ර­ම්භක ජාතික උත්ස­වය රාජ්‍ය පරි­පා­ලන පළාත් සභා සහ පළාත් පාලන ඇමැති, ආචාර්ය චන්දන අබ­ය­රත්න, වැවිලි සහ ප්‍රජා යටි­තල පහ­සු­කම් ඇමැති සමන්ත විද්‍යා­රත්න, පළාත් සභා සහ පළාත් පාලන නියෝජ්‍ය ඇමැති රුවන් සෙන­රත් මහ­ත්ව­රුන්ගේ සහ­භා­ගි­ත්ව­යෙන් සමස්ත පළාත් පාලන ආය­තන 341 අත­රින් අඩුම ආදා­ය­මක් සහිත පළාත් පාලන ආය­ත­නය වන බදුල්ල දිස්ත්‍රි­ක්කයේ මීග­හ­කි­වුල ප්‍රාදේ­ශීය සභා­වට අයත් සති­පොළ පරි­ශ්‍ර­යේදී අද (15) පැවැත්වේ.

ජංගම සේවා දිනය, පරි­සර සහ රුක් රෝපණ දිනය, සෞඛ්‍ය සහ සනී­පා­ර­ක්ෂක දිනය, ආදා­යම් ප්‍රව­ර්ධන දිනය, සාහිත්‍ය අධ්‍යා­පන සහ පුස්ත­කාල ප්‍රව­ර්ධන දිනය, මහ­ජන උප­යෝ­ගීතා සහ ක්‍රීඩා දිනය වශ­යෙන් ලබන 21 වැනිදා දක්වා මේ සතියේ වැඩ­ස­ට­හන් සකස් වී තිබේ.

ජනා­ධි­පති කාර්යා­ලය, ක්ලීන් ශ්‍රී ලංකා වැඩ­ස­ට­හන, සෞඛ්‍ය, ආර­ක්ෂක, නාග­රික සංව­ර්ධන ඉදි­කි­රීම් සහ නිවාස, පරි­සර යන අමා­ත්‍යාංශ සහ ශ්‍රී ලංකා පොලී­සිය, නාග­රික සංව­ර්ධන අධි­කා­රිය, මහ­වැලි අධි­කා­රිය, නාග­රික ජනා­වාස සංව­ර්ධන අධි­කා­රිය, වන සංර­ක්ෂණ දෙපා­ර්ත­මේ­න්තුව, සහා­ධි­පත්‍ය කළ­ම­නා­ක­රණ අධි­කා­රිය, සමු­ද්‍රිය පරි­සර ආර­ක්ෂණ අධි­කා­රිය, ගොවි­ජන සංව­ර්ධන දෙපා­ර්ත­මේ­න්තුව, ශ්‍රී ලංකා ඉඩම් සංව­ර්ධ­නය කිරීමේ සංස්ථාව, භූ විද්‍යා සමී­ක්ෂණ හා පතල් කාර්යාං­ශය, ජාතික ප්‍රජා ජල සැප­යුම් දෙපා­ර්ත­මේ­න්තුව ඇතුළු රාජ්‍ය ආය­තන රැසක් මේ සඳහා සහ­යෝ­ගය දක්වයි.

ඊට අම­ත­රව එම ආය­තන මට්ට­මින් ද පළාත් පාලන සති­යට සම­ගා­මීව වැඩ­ස­ට­හන් විශාල ප්‍රමා­ණ­යක් සැල­සුම් කොට ඇතැයි රාජ්‍ය පරි­පා­ලන අමා­ත්‍යාං­ශය පව­සයි.

මෙරට තැපැල් සේවාවේ අනාගත නව්‍යකරණයට රුපියල් මිලියන 2085 ක මුදලක් මෙම වර්ෂයේ වෙන්කර ඇතිබව තැපැල් විෂයභාර අමාත්‍ය වෛද්‍ය නලින්ද ජයතිස්ස මහතා අවධාරණය කරයි.

ගාල්ල දිස්ත්‍රික්කයේ බලපිටිය නව තැපැල් කාර්යාල ගොඩනැගිල්ල සදහා මුල්ගල තැබීම සෞඛ්‍ය හා ජනමාධ්‍ය අමාත්‍ය වෛද්‍ය නලින්ද ජයතිස්ස මහතාගේ ප්‍රධානත්වයෙන් ඊයේ පස්වරුවේ (12) සිදුවිය.

යෝජිත බලපිටිය නව තැපැල් කාර්යාල ගොඩනැගිල්ල ඉදිකිරීම සඳහා වෙන්කර ඇති මුදල රුපියල් මිලියන 12.22 කි. මෙම වර්ෂය නිමවීමට පෙර මෙහි ඉදිකිරීම් අවසන් කිරීමට සැලසුම් කර ඇත.

දීර්ඝ ඉතිහාසයකට හිමිකම් කියන බලපිටිය තැපැල් කාර්යාලය මේවන තෙක් විවිධ ස්ථානවල කුලි පදනම මත පවත්වාගෙන යනු ලැබීය. වර්තමානය වනවිට පළමු ශ්‍රේණියේ තැපැල් කාර්යාලයක්වන බලපිටිය තැපැල් කාර්යාලයෙන් සෘජුවම සේවය සැලසෙන පවුල් සංඛ්‍යාව 5520 කි. රජයේ ආයතන 48 කට සහ හෝටල්, කර්මාන්ත ශාලා ඇතුළු ආයතන රැසකට මෙම තැපැල් කාර්යාලය මගින් සේවය සලසනු ලබයි. මේවන විට ගාල්ල දිස්ත්‍රික්කය තුළ තැපැල් කාර්යාල 40 ක් ස්ථාපනය කර ඇති අතර උප තැපැල් කාර්යාල ගණන 215 කි.

තැපැල් සේවාවේ අනාගත නව්‍යකරණය සදහා මෙම වර්ෂයේ රුපියල් මිලියන 2085 ක මුදලක් වෙන්කර ඇති බව සෞඛ්‍ය හා ජනමාධ්‍ය අමාත්‍ය වෛද්‍ය නලින්ද ජයතිස්ස මහතා මුල්ගල තැබීමෙන් පසු මෙහි දී අදහස් දක්වමින් පැවසීය.

ඒ් යටතේ තැපැල් දෙපාර්තුමේන්තුවට අවශ්‍යවන ලොරි රථ මිල දී ගැනීම සදහා රුපියල් මිලියන 250ක මුදලක් ද, කැබ් රථ මිල දී ගැනීම සදහා රුපියල් මිලියන 320 ක මුදලක් ද, උප තැපැල් කාර්යාල වලට නවීණ තාක්ෂණය එක් කිරීම සදහා අවශ්‍යවන ටැබ් පරිඝණක යන්ත්‍ර 1500 ක් මිල දී ගැනීම සදහා රුපියල් මිලියන 180 ක මුදලක් ද, පරිඝණක යන්ත්‍ර 225 ක් මිලදී ගැනීම සදහා රුපියල් මිලියන 75ක මුදලක් ද වෙන්කර ඇති බව ද, තැපැල් කාර්යාල යම් ප්‍රමාණයකට පුණර්ජනනීය සූර්යබල ශක්තිය ලබා දීමට රුපියල් මිලියන 40 ක මුදලක් ද වෙන්කර ඇති බව ද අමාත්‍යවරයා මෙහි දී පැවසීය.

රුපියල් මිලියන 600 ක මුදලක් නව තැපැල් කාර්යාල ඉදිකිරීම සදහා වෙන් කර ඇති බවත්,ඒ යටතේ නව තැපැල් කාර්යාල විස්සක් ඉදිකිරීමට බලාපොරොත්තු වන බවද සදහන් කර සිටියේ ය. 2016 වර්ෂයෙන් පසු මේ දක්වා කිසිදු තැපැල් කාර්යාල ඉදිකිරීමක්, තැපැල් දෙපාර්තුමේන්තුවෙන් සිදු නොවුනු බවත්,ඊට පැවති රජයන් උත්සහ නොකළ බවත්, වත්මන් රජය බලයට පත්වී මුල්ගල තැබූ සිවිවන තැපැල් කාර්යාලය මෙය බවත්, මෙහි ඉදිකරීම් දෙසැම්බර් මාසය අවසන් වීමට පෙර නිමකරන බව ද අමාත්‍යවරයා පැවසී ය.

තවත් රුපියල් මිලියන 600 මුදලක් තැපැල් කාර්යාල නවීකරණය කිරීමට වෙන් කර ඇති බවත්, මෙරට ඓතිහාසික තැපැල් කාර්යාල වන නුවර, නුවරඑළිය ඇතුළු තැපැල් කාර්යාල තැපැල් කාර්යාල 209 ක් නවීකරණය කිරීමට අවශ්‍ය කටයුතු කරන බව ද වැඩිදුරටත් පැවසී ය. මේ සියල්ල තුළින් ශ්‍රී ලංකා තැපැල් සේවාව නව මානයකට රැගෙන යන බවත්, එයින් මෙරට ජනතාවට විශිෂ්ට, කාර්යක්ෂම තැපැල් සේවාවක් ලැබෙනු ඇතැයි ද අමාත්‍යවරයා සදහන් කර සිටියේ ය.

විසි තුන්දහසකට දහසකට ආසන්න තැපැල් සේවකයන්ගේ ක්‍රියාකලාපයන් මෙරට ජීවත්වන ජනතාවට විවිධ ආකාරයෙන් විවිධ පැතිකඩවලින් බලපාන බවත්, ඒ සියලු දෙනා එක්ව එක පවුලක් ලෙස එකට බැදී කටයුතු කිරීම තුළින් තැපෑලට විශිෂ්ට අගයක් එකතු වන බවත්, මෙරට ආර්ථිකය ශක්තිමත් කිරීමට සියලු වෘත්තිකයන්ගේ මෙන්ම සැම දෙනාගේම දායකත්වය අතිශයින්ම වැදගත් වන බවත්, තැපැල් සේවාවේ සංවර්ධනයට වත්මන් රජය සිදුකරන විශාල කාර්යභාරය මනාව තේරුම්ගෙන සියලුම තැපැල් සේවකයන් වගකීමකින් යුතුව4 කටයුතු කරනු ඇතැයි ද තමා බලාපොරොත්තු වන බව ද ඇමතිවරයා වැඩිදුරටත් පැවසී ය.

මෙරට ක්‍රියාත්මක තැපැල් සේවාවට වසර 200 කට අධික ඉතිහාසයක් පවතින අතර නව්‍යකරණය වූ බහුවිධ සේවා සැපයීම තුළින් විශිෂ්ටතම සබඳතා සහකරු වීම ශ්‍රී ලංකා තැපැල් දෙපාර්තමේන්තුවේ ඉදිරි දැක්ම වේ.

රුපියල් මිලියන 9000 ක පමණ පිරිවැයකින් ත්‍රිකුණාමලය දිස්ත්‍රික් මහ රෝහලේ නවීන හෘද රෝග ඒකකයේ ඉදිකිරීමේ කටයුතු මේ වසරේ ආරම්භ කර වසර 02 ක් තුළ එහි ඉදිකිරීම් කටයුතු අවසන් කිරීමට කටයුතු කරන බව සෞඛ්‍ය හා ජනමාධ්‍ය අමාත්‍ය වෛද්‍ය නලින්ද ජයතිස්ස මහතා පවසයි.

අමාත්‍යවරයා මේ බව කියා සිටියේ පසුගිය දා ත්‍රිකුණාමලය දිස්ත්‍රික් මහ රෝහලේ පැවැති වැඩසටහනකට සහ රෝහල් පාලන අධිකාරිය සමඟ පැවැති සාකච්ඡාවකට එක්වෙමිණි.

මෙහි දී සෞඛ්‍ය හා ජනමාධ්‍ය අමාත්‍ය වෛද්‍ය නලින්ද ජයතිස්ස මහතා කියා සිටියේ ත්‍රිකුණාමලය දිස්ත්‍රික්කය ජාතික වශයෙන් රටේ ආර්ථික, සමාජීය සංස්කෘතික අංශයන්ගෙන් වැදගත් ප්‍රදේශයක් බැවින් රෝහල සංවර්ධනය කිරීම ඇතුළු සිදු කෙරෙන සංවර්ධන ව්‍යාපෘති ත්‍රිකුණාමලය දිස්ත්‍රික්කය සහ නැගෙනහිර පළාතේ ජනතාවට පමණක් නොව දේශීය විදේශීය සංචාරක ක්ෂේත්‍රය පිළිබඳව ද අවධානය යොමු කරමින් සිදු කරන බවයි.

ඒ අනුව ත්‍රිකුණාමලය දිස්ත්‍රික් මහ රෝහලේ හදිසි ප්‍රතිකාර ඒකකයේ ඉදිකිරීම් කටයුතු යළි ආරම්භ කිරීමට රුපියල් මිලියන 1074 ක මුදලක් වෙන් කරමින් ලබන වසරේ අංග සම්පූර්ණ හදසි අනතුරු සහ හදිසි ප්‍රතිකාර ඒකකයක් රෝහලට ලබාදෙන බව ද පැවසී ය.

ජපන් රජයේ සහන ණය ක්‍රමවේදයක් යටතේ අනුරාධපුර, කුරුණෑගල, නුවර, බදුල්ල සහ ත්‍රිකුණාමලය යන මහ රෝහල්වලට අති නවීන පහසුකම් සහිත හෘද රෝග ඒකක ලබාදීමේ ව්‍යාපෘතිය නැවැත ආරම්භ කරමින් රුපියල් මිලියන 9000 ක පමණ පිරිවැයකින් ත්‍රිකුණාමලය දිස්ත්‍රික් මහ රෝහලේ නවීන හෘද රෝග ඒකකයේ ඉදිකිරීමේ කටයුතු මේ වසරේ ආරම්භ කර වසර 02 ක් තුළ එහි ඉදිකිරීම් කටයුතු අවසන් කිරීමට කටයුතු කරන බව ද අමාත්‍යවරයා මෙහි දී අවධාරණය කරන ලදි.

ත්‍රිකුණාමලය දිස්ත්‍රික් මහ රෝහලේ අත්‍යාවශ්‍ය නවීකරණ කටයුතු සඳහා මුල්‍ය ප්‍රතිපාදන ලබාදෙන බවත්, අප ජල හා අපද්‍රව්‍ය කළමනාකරණ ඒකකයන් සඳහා රුපියල් මිලියන 300 ක් වෙන් කිරීමට කටයුතු කරන බව ද පෙන්වා දුන් අමාත්‍යවරයා ජනාධිපතිවරයා‌ගේ පළමු ධූර කාලයේ දී මෙරට පළමු ජාතික හෘද රෝහල් ඒකකය කොළඹ දී ඉදිකර අවසන් කරන බව ද වැඩිදුරටත් පැවසී ය.

එම සාකච්ඡාවේ දී රොහල් කාර්ය සාධනය, ප්‍රවණතා, සායනික සේවා කාර්ය සාධනය, රෝග විනිශ්චය සේවා කාර්ය සාධනය, වකුගඩු රෝග සායන කාර්ය සාධනය, රෝහලේ ක්‍රියාත්මක ව්‍යාපෘති, මානව සම්පත් සහ භෞතික සම්පත් අවශ්‍යතාාවයන් පිළිබඳව කරුණු සොයා බැලීමට කටයුතු කරන ලද අතර, කඩිනම් විසදුම් ලබාදිය හැකි ගැටළු සඳහා විසදුම් ලබාදීමට ද සෞඛ්‍ය හා ජනමාධ්‍ය අමාත්‍යවරයා පියවර ගන්නා ලදි.

අනතුරුව රෝහලේ දැනට ක්‍රියාත්මක හෘද රෝග ඒකකය ඇතුළු එක් එක් අංශ නිරීක්ෂණය කිරීමට ද කටයුතු කරන ලදි.

මෙරට රජයේ රෝහල් පද්ධතියේ ප්‍රධානතම රෝහලවන ශ්‍රී ලංකා ජාතික රෝහලේ ජපන් රජයෙන් පරිත්‍යාග ලෙස ස්ථාපිත යන්ත්‍ර සූත්‍ර නිරීක්ෂණය කරමින් බාහිර රෝගී අංශයේ ස්ථාපිත රෝග විනිශ්චය නිරූපණ මධ්‍යස්ථානය, හදිසි ප්‍රතිකාර ඒ්කකය සහ හදිසි අනතුරු ප්‍රතිකාර අංශය සෞඛ්‍ය හා ජනමාධ්‍ය අමාත්‍ය වෛද්‍ය නලින්ද ජයතිස්ස මහතාගේ සහ මෙරට ජපාන තානාපති අකියෝ ඉසෝමාටා (H.E. Akio Isomata) මහතා ඇතුළු ජපාන දූත පිරිසකගේ විශේෂ නිරීක්ෂණයක ඊයේ (10) ලක්විය.

ජපන් රජයේ සහ ජපන් ජනතාවගේ පරිත්‍යාගයන් ලෙස ශ්‍රී ජාතික රෝහලට ලබා දුන් උපකරණ වලින් සිදුවන ප්‍රතිකාර සේවාවන් පිළිබදව යම් අවබෝධයක් ලබා ගැනීමත්, ජපාන රජයේ සහයෝගය ඉදිරියටත් මෙරට සෞඛ්‍ය පද්ධතියේ සංවර්ධනයට දායක කරගැනීමත් අරමුණු කරගනිමින් මෙම නිරීක්ෂණය සිදුකෙරිණි.

මෙරට ජනතාවගේ සෞඛ්‍ය තතත්වය ඉහළ නංවාලීම සදහා මෙන්ම කාර්යක්ෂම, විශිෂ්ට ප්‍රතිකාර සේවාවක් ජනතාවට ලබාදීමේ අරමුණින් M.R.I යන්ත්‍රයක්, C.T. Scan යන්ත්‍රයක්, Cathlab ප්‍රතිකාර අංශයක්, ඇතුළුව වෛද්‍ය හා ශල්‍ය උපකරණ, මෙන්ම අත්‍යවශ්‍ය උපකරණ රාශියක් ශ්‍රී ලංකා ජාතික රෝහලට මීට මාස කිහිපයකට පෙර ජපන් රජයෙන් ලබා දීමට කටයුතු කර තිබුණි. එම උපකරණ සියල්ලෙහි වටිනාකම ජපන් යෙන් මිලියන 1000 කි.

මෙරට පළමු ජාතික රෝහලවන ශ්‍රී ලංකා රෝහල සංවර්ධනය කිරීමට වත්මන් රජය, සෞඛ්‍ය අමාත්‍යාංශය විශේෂ අවධානයක් යොමුකර කටයුතු කරන බවත්, ඒ් සදහා විදේශයන්ගේද සහාය නිබඳව ලබා ගන්නා බවත්, ජපන් තානාපතිතුමාගේ මැදිහත්වීමෙන් ජපන් රජයේ පරිත්‍යාග ද මෙරට සෞඛ්‍ය ක්ෂේත්‍රයේ අනාගත ප්‍රගමණය වෙනුවෙන් ලබා දීමට කටයුතු කිරීම පිළිබදව ජපාන තානාපතිතුමාටත්, ජපන් රජයටත් සෞඛ්‍ය හා ජනමාධ්‍ය අමාත්‍ය වෛද්‍ය නලින්ද ජයතිස්ස මහතා මෙහි දී විශේෂ ස්තූතිය ද පලකර සිටියේ ය.

මෙරට ජපාන තානාපති අකියෝ ඉසෝමාටා මහතා අදහස් දක්වමින් කියා සිටියේ ශ්‍රි ලංකාව හා ජපානය අතර දීර්ඝකාලීන මිතුදමක් පවතින බවත්, මෙරට සෞඛ්‍ය ක්ෂේත්‍රයේ අනාගත සංවර්ධනය වෙනුවෙන් මෙතෙක් ලබාදුන් සහාය ඉදිරියටත් අඛණ්ඩව ලබාදෙන බව ය.

සෞඛ්‍ය හා ජනමාධ්‍ය අමාත්‍යාංශය විසින් නව වැඩපිළිවෙලක් යටතේ රාජ්‍ය ආයතන කාර්ය මණ්ඩල සහ එම පවුල්වල සාමාජිකයින්ගේ සුවතාවය වෙනුවෙන් පවත්වනු ලබන  “ආරෝග්‍යා” ජංගම සුව සායන වැඩසටහනේ පළමු වැඩසටහන අද (10) ශ්‍රී ලංකා පො‌ලිස් දෙපාර්තමේන්තුවේ කාර්ය මණ්ඩලය සඳහා ගම්පහ දිස්ත්‍රික්කයේ සියලුම පොලිස් කොට්ඨාස කේන්ද්‍ර කර ගනිමින් සෞඛ්‍ය හා ජනමාධ්‍ය අමාත්‍ය වෛද්‍ය නලින්ද ජයතිස්ස මහතාගේ ප්‍රධානත්වයෙන් ආරම්භ කරන්නට යෙදුණි.

සුවපත් රටක් උදෙසා “Healthy Sri Lanka” යන තේමාව යටතේ පැවැති මෙම “ආරෝග්‍යා” ජංගම සුව සායනය සඳහා කැලණිය, ගම්පහ, මීගමුව පොලිස් කොට්ඨාස වල පොලිස් ස්ථාන නියෝජනය කරමින් 600 කට අධික කාර්ය මණ්ඩලයක් එක්ව සිටියහ,

මෙම ජංගම සායනය තුළින් බටහිර වෛද්‍ය සායනය, අක්ෂි සායනය, දේහ ස්කන්ධ දර්ශකය පරීක්ෂා කිරීම, නිදර්ශක ලබා ගැනීම, රසායනාගාර සේවා, රුධිර පීඩනය මැනීම, දන්ත සායනය, රුධිර සීනි පරීක්ෂාව, කොලස්ටරෝල් පරීක්ෂාව, ආයුර්වේද වෛද්‍ය සායනය, මානසික උපදේශක සේවා, ඖෂධ ලබාදීම, සහ පෝෂණවේදී උපදෙස් ලබාදීම ද සිදු කෙරුණි.

මෙම ජංගම සායනයෙන් හඳුනා ගනු ලබන රෝගීන් වැඩිදුර ප්‍රතිකාර සඳහා රජයේ රෝහල් වෙත යොමු කිරීමට කටයුතු යොදා තිබූ අතර, කොළඹ ජාතික රෝහල, මීගමුව රෝහල ඇතුළු රෝහල්වල විශේෂඥ වෛද්‍ය, වෛද්‍ය, හෙද ඇතුළු කාර්ය මණ්ඩල සහභාගීත්වයෙන් ජංගම සායනය පවත්වන්නට යෙදුණි.

සෞඛ්‍ය හා ජනමාධ්‍ය අමාත්‍යාංශය මගින් නව වැඩපිළිවෙලක් යටතේ ආරම්භ කරන ලද “ආරෝග්‍යා” ජංගම සුව සායන වැඩසටහනේ මෙය දෙවන වැඩසටහන බවත්, සුවපත් රටක් උදෙසා “Healthy Sri Lanka” යන තේමා පාඨය යටතේ මෙරට සියලු ජනතාවට ශාරීරික, මානසික නිරෝගි ජිවිතයක් ගත කිරිමට ප්‍රශස්ත සෞඛ්‍ය සෙවාවක් ලබාදීම සඳහා මෙම වැඩසටහන අඛණ්ඩව දියත් කරන බව සෞඛ්‍ය හා ජනමාධ්‍ය අමාත්‍ය වෛද්‍ය නලින්ද ජයතිස්ස මහතා මෙහි දී පැවැසීය.

සුවපත් රටක් උදෙසා “Healthy Sri Lanka” වැඩසටහනේ එක් අංශයක් ලෙස “ආරෝග්‍යා” ජංගම සුව සායන වැඩසටහන පෙන්වා දිය හැකි බව පැවසූ අමාත්‍යවරයා ඈත දුෂ්කර ප්‍රදේශවල ජනතාවගේ සෞඛ්‍ය ඉහළ නැංවිම සඳහා එම සායන වැඩසටහන  ක්‍රියාත්මක කරන බව ද රාජ්‍ය සේවකයින් වෙනුවෙන් වන “ආරෝග්‍යා” ජංගම සුව සායන වැඩසටහනේ ආරම්භය පොලිස් දෙපාර්තමේන්තුවෙන් මෙලෙස ආරම්භ කළ බව ද පෙන්වා දෙන ලදි.

මෙම සායන ප්‍රථමව වැඩසටහන පොලිස්  දෙපාර්තමේන්න්තු නිලධාරීන් වෙනුවෙන් ආරම්භ කිරීමට හේතු වූ කරුණු දෙකක් වන බවත්, ඒ අනුව මෙරට ලක්ෂ 16 කට ආසන්න රාජ්‍ය සේවකයින් අතරින් ඉතා ඉහළ කාර්යභාරයක්  84,000 ක් පමණ වන සේවක සංඛ්‍යාවකින් යුක්ත පොලිස් දෙපාර්තමේන්තුවට පැවරී ඇති බැවින් ඔවුන් නිරෝගීව තබා ගැනීමත්, දෙවන කරුණ ලෙස රාජ්‍ය සේවකයින් අතරින් වැඩිම බෝනොවන රෝගවලට ලක්වීමේ ප්‍රතිශතයක් එනම් සියයට 30 ක් පමණ  පොලිස් දෙපාර්තමේන්තුව තුළින් පෙන්නුම් කිරිමත්, සේවයේ නිරත වන අතරතුර දී බොනෝවන රෝග හේතුවෙන් ජීවිත අහිමි වන වැඩි පිරිසක් ද පොලිස් සේවාවේ වන බැවින් බව එය ද හේතු වු අමාත්‍යවරයා අවධාරණය කරන ලදි.

සුවපත් රටක් උදෙසා “Healthy Sri Lanka” වැඩසටහනේ ප්‍රධාන ඉලක්කයන් දෙකක් ලෙස වයස්ගත ජනගහණයේ සෞඛ්‍ය පවත්වාගෙන යාම සහ බෝනොවන රෝග  අභියෝගයට මුහුණ දෙමින් පාලනය කිරීම බව ද පෙන්වා දුන් අමාත්‍යවරයා මෙම සායනය තුළින් රෝගීන් කළින් හදුනාගෙන ප්‍රතිකාර සිදු කිරිමත් ඉදිරි ප්‍රතිකාර සඳහා යොමු කිරීමත් සිදු කෙරෙන බව ද වැඩිදුරටත් පෙන්වා දෙන ලදි.

සෞඛ්‍ය සහ ජනමාධ්‍ය අමාත්‍ය වෛද්‍ය නලින්ද ජයතිස්ස මහතාගේ උපදෙස් හා මඟ පෙන්වීම යටතේ මෙම ජංගම සෞඛ්‍ය වැඩසටහන සතියේ වැඩ කරන දිනයන් හි රාජ්‍ය ආයතන කේන්ද්‍ර කර ගනිමින් රාජ්‍ය ආයතන සේවකයින්, කාර්ය මණ්ඩල සහ එම කාර්ය මණ්ඩල පවුල්වල සාමාජිකයින් වෙනුවෙන් අඛණ්ඩව ක්‍රියාත්මක කිරීමට සෞඛ්‍ය හා ජනමාධ්‍ය අමාත්‍යාංශය කටයුතු යොදා ඇති අතර, සාමාන්‍ය ජනතාව වෙනුවෙන් ද ආරෝග්‍යා ජංගම සෞඛ්‍ය වැඩසටහන දුෂ්කර ප්‍රදේශවල ජනතාව ඉලක්කර ගනිමින් සති අන්ත දිනවල දී පවත්වනු ලබයි.