‘නිල් අහ­සක් සඳහා පිරි­සුදු වාතය’ ජාත්‍ය­න්තර දිනය ඊයේ (07) දිනට යෙදී තිබූ බැවින් ඊට සම­ගා­මීව ලේක්හ­වුස් ආය­ත­නයේ ටියු­නප් කඳ­වු­රක් පසු­ගිය 04 වැනිදා මෝටර් රථ දෙපා­ර්ත­මේ­න්තුවේ ඉංජි­නේරු වායු විමෝ­චන භාර­කාර අර­මු­දලේ අධ්‍යක්ෂ දසුන් ගමගේ මහ­තාගේ ප්‍රධා­න­ත්ව­යෙන් පැවැ­ත්විය.

මෙහිදී ලේක්හ­වුස් ආය­ත­නයේ ත්‍රිරෝද රථ සහ යතු­රු­පැදි ද, සේවක සේවි­කා­වන්ගේ ත්‍රිරෝද රථ සහ යතු­රු­පැදි සඳහා ද මේ කඳ­වුර මඟින් සිය සේවා දීමට කට­යුතු කළහ. වායු විමෝ­චන භාර­කාර අර­මු­දලේ සේවක මහ­ත්වරු ද, ඩේවිඩ් පීරීස් සමා­ගමේ සේවක මහ­ත්වරු ද එක්ව වාහන සුසර කිරීම සඳහා වූ මේ ටියු­නප් කඳ­වුර පැවැ­ත්වූහ.

මෙහිදී අද­හස් දැක්වූ වායු විමෝ­චන භාර­කාර අර­මු­දලේ අධ්‍යක්ෂ දසුන් ගමගේ මහතා මෙලෙස පැව­සීය.

‘නිල් අහ­සත් සඳහා පිරි­සුදු වාතය’ කියන ජාත්‍ය­න්තර දිනය 2020 වසරේ තමයි ප්‍රකා­ශ­යට පත් කළේ. මුළු ලෝක­යම මේක සිහි­පත් කර­මින් සැප්තැ­ම්බර් මස 07 වැනිදා එය සම­ර­නවා. වායු දූෂ­ණ­යෙන් සෑම වස­ර­ක­දීම ලක්ෂ අසූ­ව­කට වැඩි පිරි­සක් මර­ණ­යට පත්වෙ­නවා. වායු දූෂ­ණය නිසා අකල් මරණ සිදු වෙනවා. අද වන විට ලෝකයේ තියෙන පළ­මු­වැනි සෞඛ්‍ය තර්ජ­නය වායු දූෂ­ණය.

මේ තත්ත්වය අවම කරන්න සමස්ත ලෝක­යම එකතු වෙලා වැඩ­ස­ට­හන් ක්‍රියා­ත්මක කරන්න ඕනෙ. දරු­වන්ට පිරි­සුදු වාතය අව­ශ්‍යයි. වායු දූෂ­ණ­යට සීමා මායිම් නෑ. ඕනෑම රටක ඇති වන වායු දූෂ­ණය සුළං හරහා එන්න පුළු­වන්. මේක හැමෝම එකතු වෙලා අවම කරන්න ඕන වැඩක්. අපට මේකෙන් බේරෙන්න බෑ. ඒ නිසා මේ දින­යට සම­ගා­මීව ප්‍රවා­හන දෙපා­ර්ත­මේ­න්තුවේ වායු විමෝ­චන භාර­කාර අර­මු­දල වාහන සුසර කිරීමේ වැඩ­ස­ට­හන් පව­ත්ව­නවා.”

ලේක­හ­වුස් ආය­ත­නයේ අධ්‍යක්ෂ මෙහෙ­යුම් චාමර පීරිස් මහතා

“අපට මීට කලින් කාර්මික විප්ල­ව­යක් තිබුණේ නෑ. ඒ නිසා මිනි­සුන්ගේ ජීවන රටාව තිබුණේ වෙන විදි­හක. ලෝකය නවී­ක­ර­ණය වෙනවා කියන්නේ දැන් සැප සේ දුක විඳින එක. ඇත්ත­ටම වෙලා තියෙන්නේ ඉස්සර අපි දුක සේ සැප වින්දා. දැන් අපි දියු­ණුවේ ප්‍රති­ඵ­ල­යක් හින්දා සැප විඳි­නවා. අපේ පර­ම්ප­රා­වට එන­කොට තමයි මේකේ ප්‍රති­ඵල ඇවිල්ලා තියෙන්නේ. ඔක්කොම අහස අළු පාට වෙලා. විමෝ­ච­නය හැම තැන­ටම ඇවිල්ලා. ඇත්ත­ටම දැන­ට­මත් පරක්කු වැඩියි. සම­හර පැති­ව­ලින් වායුව එනවා. මිනිස්සු ලෙඩ වෙනවා. එම නිසා මේ වගේ වැඩ තව තවත් සිදු කර රට ක්ලීන් කර ගන්න පුළු­වන් නම් අපට පෙණ­හලු පරි­ස්සම් කර­ගෙන ජීව­ත්වෙන්න පුළු­වන්.”

මේ අව­ස්ථා­වට ලේක්හ­වුස් ආය­ත­නයේ සාමා­න්‍යා­ධි­කාරී සුමිත් කොත­ලා­වල, ප්‍රවා­හන කළ­ම­නා­කරු අරුණ රූප­සිංහ, මෝටර් රථ ප්‍රවා­හන දෙපා­ර්ත­මේ­න්තුවේ මාධ්‍ය ලේකම් චසිත බුල­ත්සිං­හල මහ­ත්වරු සහ­භාගි වූහ.

2025 සැප්තැම්බර් 03 දින රැස් වූ අමාත්‍ය මණ්ඩලය විසින් ගනු ලැබූ තීරණ ප්‍රකාශයට පත් කිරීම සඳහා කැබිනට් මාධ්‍ය ප්‍රකාශක, සෞඛ්‍ය හා ජනමාධ්‍ය ඇමැති වෛද්‍ය නලින්ද ජයතිස්ස සහ රජයේ ප්‍රවෘත්ති දෙපාර්තමේන්තුවේ අධ්‍යක්ෂ ජනරාල් එච්.එස්.කේ.ජේ. බණ්ඩාර මහත්වරුන් රජයේ ප්‍රවෘත්ති දෙපාර්තමේන්තුවේදී ඊයේ (04) පැවති මාධ්‍ය හමුවට එක් වූයේ මෙලෙසිනි.

කෙරවළපිටිය රේගු සත්‍යෙක්ෂණ මධ්‍යස්ථානය ස්ථාපනය

යෝජිත කෙරවළපිටිය රේගු සත්‍යෙක්ෂණ මධ්‍යස්ථානය ස්ථාපනය කිරීමේ ව්‍යාපෘතිය දෙමුහුන් රාජ්‍ය‑පෞද්ගලික හවුල්කාරිත්ව ආකෘතියක් යටතේ ක්‍රියාත්මක කිරීම පිණිස සුදුසු පෞද්ගලික හවුල්කරුවකු තෝරා ගැනීම සඳහා අභිලාෂ කැඳවීමේ ඉල්ලීම් සහ යෝජනා සඳහා වන ක්‍රියාවලිය අනුගමනය කිරීමට කැබිනට් අනුමැතිය හිමි වේ.

මුදල්, ක්‍රමසම්පාදන සහ ආර්ථික සංවර්ධන ඇමැතිවරයා වශයෙන් ජනාධිපති අනුර කුමාර දිසානායක මහතා මේ යෝජනාව ඉදිරිපත් කර තිබේ.

ජනලේඛන හා සංඛ්‍යාලේඛන අධ්‍යක්ෂ ජනරාල් කේ.එම්.ඩී.එස්.ඩී. කරුණාරත්න

ජනලේඛන හා සංඛ්‍යාලේඛන දෙපාර්තමේන්තුවේ අධ්‍යක්ෂ ජනරාල් තනතුරට එම දෙපාර්තමේන්තුවේ සේවය කරන ජ්‍යෙෂ්ඨතම අතිරේක අධ්‍යක්ෂ ජනරාල්වරිය වන කේ.එම්.ඩී.එස්.ඩී. කරුණාරත්න මහත්මිය පත් කර තිබේ. දැනට ජනලේඛන හා සංඛ්‍යාලේඛන දෙපාර්තමේන්තුවේ අධ්‍යක්ෂ ජනරාල් ලෙස සේවය කරනු ලබන ඩී.ඩී.ජී.ඒ. සෙනෙවිරත්න මහත්මිය වයස අවුරුදු 60 සම්පූර්ණ වීම මත අද (05) විශ්‍රාම යාමට නියමිත අතර ඒ පුරප්පාඩුව සඳහා ඇය පත් කිරීමේ යෝජනාව මුදල්, ක්‍රමසම්පාදන සහ ආර්ථික සංවර්ධන ඇමැතිවරයා වශයෙන් ජනාධිපති අනුර කුමාර දිසානායක මහතා කැබිනට් මණ්ඩලයට ඉදිරිපත් කර තිබේ.

ඉලෙක්ට්‍රොනික වේදිකා බද්ද බලාත්මක දිනය වෙනස් වෙයි

නිර්වාසික සැපයුම්කරුවන් විසින් ඉලෙක්ට්‍රොනික වේදිකා හරහා සේවා සැපයීම සඳහා එකතු කළ අගය මත බද්ද බලාත්මක කිරීමේ දිනය සංශෝධනය කිරීමට අනුමැතිය හිමිව ඇත.

මුදල්, ක්‍රමසම්පාදන සහ ආර්ථික සංවර්ධන ඇමැතිවරයා ලෙස ජනාධිපති අනුර කුමාර දිසානායක මහතා මේ යෝජනාව ඉදිරිපත් කර ඇත.

ඇන්ටිගුවා සහ බාබියුඩා සමඟ රාජ්‍යතාන්ත්‍රික සබඳතා

ඇන්ටිගුවා සහ බාබියුඩා සමඟ රාජ්‍යතාන්ත්‍රික සබඳතා ආරම්භ කිරීමට අදාළව ගිවිසුම් අත්සන් තැබීමට කැබිනට් අනුමැතිය හිමි වේ.

දෙරටට ම අන්‍යෝන්‍ය වශයෙන් ප්‍රතිලාභ අත් කර ගැනීමේ සහ දෙරටේ දේශපාලන, සමාජ‑ආර්ථික සහ සංස්කෘතික ක්ෂේත්‍රවල පවතින මිත්‍ර සබඳතා සහ සහයෝගිතාව වැඩිදියුණු කිරීමේ අරමුණින් මෙසේ ගිවිසුම් අත්සත් තැබේ. විදේශ කටයුතු, විදේශ රැකියා සහ සංචාරක ඇමැති විජිත හේරත් මහතා මේ යෝජනාව ඉදිරිපත් කර තිබේ.

සේනානායක සමුද්‍රයේ අලුත්වැඩියා

සේනානායක සමුද්‍රයේ සොරොව් කුලුන, සොරොව් බැරලය හා අවශේෂී කොටස් නැවත ඉදිකිරීමේ ව්‍යාපෘතිය ඇරඹීමට අනුමැතිය ලැබී ඇත.

සේනානායක සමුද්‍ර‍ෙයන් කුඹුරු අක්කර 120,000ක පමණ ප්‍රදේශයකට වාරි ජලය සපයනු ලබන අතර, මෙගාවොට් 20ක ධාරිතාවක විදුලිය ජාතික පද්ධතියට එක් කිරීමට දායක වේ. ලෝකයේ දැනට පවතින නවීනතම තාක්ෂණික දැනුම ලබා ගැනීමට හැකි වන පරිදි, ජාත්‍යන්තර තරගකාරී ලංසු කැඳවා අදාළ ඉදිකිරීම් සඳහා සුදුසු කොන්ත්‍රාත්කරුවකු තෝරා ගැනීමට අදාළව කෘෂිකර්ම, පශු සම්පත්, ඉඩම් සහ වාරිමාර්ග ඇමැති කේ.ඩී. ලාල්කාන්ත මහතා මේ යෝජනාව ඉදිරිපත් කර තිබේ.

මිරිදිය මත්ස්‍ය නිෂ්පාදන අස්වනු ආරක්ෂා කර ගැනීම

මිරිදිය මත්ස්‍ය නිෂ්පාදන අස්වනු ආරක්ෂා කර ගැනීම සඳහා තෝරා ගත් නිත්‍ය ජලාශවල බාධක දැල් ස්ථාපනය කිරීමට කැබිනට් අනුමැතිය හිමි වේ.

මිරිදිය මත්ස්‍ය අස්වැන්න අහිමි වීම වැළැක්වීම සඳහාත්, මිරිදිය මත්ස්‍ය නිෂ්පාදනය ඉහළ නංවාගැනීම සඳහාත් වසර 02ක් තුළ තෝරා ගත් නිත්‍ය මිරිදිය ජලාශ 250ක බාධක දැල් ස්ථාපනය කිරීමේ වැඩසටහනක් ශ්‍රී ලංකා ජාතික ජල ජීවී වගා සංවර්ධන අධිකාරිය මඟින් මේ අනුව ක්‍රියාත්මක කිරීමට නියමිතය.

ධීවර, ජලජ සහ සාගර සම්පත් ඇමැති රාමලිංගම් චන්ද්‍ර‍ෙස්කර් මහතා මේ යෝජනාව ඉදිරිපත් කර ඇත.

ජාතික කලාභවන සංරක්ෂණයට

ජාතික කලාභවන වැඩිදියුණු කර සංරක්ෂණය කිරීමේ ව්‍යාපෘතිය කඩිනමින් නිම කිරීමට අමතර අය-වැය ප්‍රතිපාදන සැපයීමට කැබිනට් මණ්ඩලය තීරණය කරයි.

බුද්ධශාසන, ආගමික සහ සංස්කෘතික කටයුතු ඇමැති මහාචාර්ය හිනිදුම සුනිල් සෙනෙවි මහතා මේ සම්බන්ධයෙන් යෝජනාවක් කැබිනට් මණ්ඩලයට ඉදිරිපත් කර තිබූ අතර ඊට අනුමැතිය හිමිව තිබේ.

ළමයින් සේවයෙහි යෙදවීමේ දඩ මුදල් සංශෝධනයට

1956 අංක 47 දරන ස්ත්‍රීන්, තරුණ අය හා ළමයින් සේවයෙහි යෙදවීම පනත යටතේ වන වැරදිවලට අදාළ දඩ මුදල් සංශෝධනය කිරීමට කැබිනට් අනුමැතිය හිමිව තිබේ.

2003 වර්ෂයේ දී සිදු කරන ලද සංශෝධනය මඟින් එම පනතේ විධිවිධාන අනුව වරදකරු වන පුද්ගලයෙකුට රුපියල් 10, 000/- නොඉක්මවන දඩ මුදලක් හෝ මාස 12ක් නොඉක්මවන කාලයක සිර දඬුවමක් යන දෙයාකාරයකින් එක් ආකාරයක දඬුවමක් හෝ එකී දඩය සහ සිර දඬුවම යන දෙකම සහ අධිකරණයේ අභිමතය පරිදි අගතියට පත් දරුවා වෙනුවෙන් වන්දි මුදලක් ද නියම කිරීම සඳහා විධිවිධාන හඳුන්වා දී තිබිණි. එහෙත්, අදාළ දඩ මුදල් වටිනාකම ප්‍රමාණවත් නොවන බවට නිරීක්ෂණය වී තිබෙන බැවින් මේ සංශෝධන සිදු කිරීමට අදාළව කම්කරු ඇමැති ආචාර්ය අනිල් ජයන්ත ප්‍රනාන්දු මහතා ඇමැති මණ්ඩලයට යෝජනාව ඉදිරිපත් කර ඇත.

වෛද්‍ය උපකරණ මිලදී ගැනීම

අස්ථි සවි කිරීම, කැඩුණු අස්ථි ස්ථායීකරණ සහ පෙළගැස්ම සහතික කිරීම සඳහා භාවිත කරනු ලබන උපකරණ කට්ටල සැපයීම සඳහා වූ ප්‍රසම්පාදනය ශ්‍රී ලංකාවේ Medisurg International (Pvt) Ltd. වෙත අමෙරිකානු ඩොලර් 435,000ක මුදලකට ප්‍රදානය කිරීමට අනුමැතිය හිමිව ඇත.

සෞඛ්‍ය සහ ජනමාධ්‍ය ඇමැති, වෛද්‍ය නලින්ද ජයතිස්ස මහතා මේ යෝජනාව ඉදිරිපත් කර තිබේ.

හියුමන් ඉමියුනොග්ලොබියුලීන් සපයා ගැනීම

ප්‍රතිශක්ති ඌනතා සහිත රෝගීන්ට ප්‍රතිකාර කිරීම සඳහා යොදා ගනු ලබන අන්තඃශෛරික භාවිතය සඳහා වූ හියුමන් ඉමියුනොග්ලොබියුලීන් බීපී, ග්‍රෑම් 5‑6 වයල් 120,000ක් මිලදී ගැනීමට කැබිනට් අනුමැතිය හිමිව තිබේ. එම ප්‍රසම්පාදනය ඉහළ මට්ටමේ ස්ථාවර ප්‍රසම්පාදන කමිටුවේ නිර්දේශය අනුව ජාත්‍යන්තර තරගකාරී ලංසු කැඳවීමෙන් පසු අවම ලංසුකරු වන ඉන්දියාවේ Reliance Life Sciences (Pvt) Ltd. වෙත අමෙරිකානු ඩොලර් මිලියන 10.506ක මුදලකට ප්‍රදානය කිරීම පිණිස සෞඛ්‍ය සහ ජනමාධ්‍ය ඇමැති වෛද්‍ය නලින්ද ජයතිස්ස මහතා මේ යෝජනාව ඉදිරිපත් කර ඇත.

වියත්පුරෙන් නිවාස ගන්න මන්ත්‍රීවරුන්ට දුන් සහනය ඉවතට

අරගල සමයේ ගිනි ගෙන විනාශ වූ නිවාස වෙනුවට වියත්පුර නිවාස ව්‍යාපෘතියෙන් නිවාස මිල දී ගැනීමේ දී පාර්ලිමේන්තු මන්ත්‍රීවරුන්ට ලබා දී ඇති සහන හේතුවෙන් නාගරික සංවර්ධන අධිකාරියට රුපියල් මිලියන 92කට අධික (92.126 ක) පාඩුවක් සිදුව ඇතැයි හෙළි වේ.

මීට අමතරව මේ නිවාස ව්‍යාපෘතිය සඳහා නාගරික සංවර්ධන අධිකාරිය දරන ලද පිරිවැයද ආවරණය කර ගැනීමට නොහැකි වීම නිසා පාර්ලිමේන්තු මන්ත්‍රීවරුන්ට එම නිවාස මිලදී ගැනීමේ දී ලබා දුන් සහන සියල්ල ඉවත් කිරීමට රජය තීරණය කළ බව කැබිනට් ප්‍රකාශක, ඇමැති වෛද්‍ය නලින්ද ජයතිස්ස මහතා රජයේ ප්‍රවෘත්ති දෙපාර්තමේන්තුවේ පැවැති මාධ්‍ය හමුවේ දී ඊයේ (04) පැවැසීය.

පසුගිය 2022 මැයි 29 දා රට තුළ ඇති වූ කලබලකාරී තත්ත්වය මත නිවාස අහිමි වූ එවකට පාර්ලිමේන්තු මන්ත්‍රීවරුන් සඳහා නාගරික සංවර්ධන අධිකාරිය මඟින් ඉදිකරන ලද මෙම වියත්පුර නිවාස සංකීර්ණයෙන් නිවාස ඒකක 101ක් කුලී පදනම මත එක් වසරක කාලයක් සඳහා ලබාදීමට 2022 ජූලි 4 වන දින පැවැති අමාත්‍ය මණ්ඩල රැස්වීමේ දී අනුමැතිය ලබා දී තිබිණි.

එම නිවාස සහනදායි ක්‍රමවේදයක් යටතේ මිල දී ගැනීමට අවස්ථාව ලබාදෙන ලෙස අදාළ පාර්ලිමේන්තු මන්ත්‍රීවරුන් විසින්ම පසුව ඉල්ලීමක් ඉදිරිපත් කර තිබුණි.

ඒ අනුව රුපියල් මිලියන 15.5ක අවම වටිනාකමකට සහ රුපියල් මිලියන 22ක උපරිම වටිනාකමකට සාමාන්‍ය ජනතාව වෙත විකුණනු ලබන එම නිවාස ඒකකයක්, අවම වටිනාකම රුපියල් මිලියන 13.34ක් ලෙස සහ උපරිම වටිනාකම රුපියල් මිලියන 18.21ක් ලෙස අඩුකර සහනදායි ක්‍රමවේදයක් යටතේ පාර්ලිමේන්තු මන්ත්‍රීවරුන් වෙත ලබාදීමට සහ විකුණුම් මිලෙන් 25%ක මුදලක් පළමුව අය කරගෙන ඉතිරි මුදල වසර 15ක කාලයක් තුළ වාර්ෂිකව 10%ක පොලී අනුපාතයක් යටතේ ඔවුන්ගෙන් අයකර ගැනීමට 2024 ජූලි 15 වන දා කැබිනට් අනුමැතිය ලබා ගෙන ඇත.

එම ක්‍රමවේදය යටතේ නිවාස මිල දී ගැනීම සඳහා හිටපු පාර්ලිමේන්තු මන්ත්‍රීවරුන් 29 දෙනෙකුට 2024.12.31 දින වනවිට විකුණුම් මිලෙන් 25%ක මුදලක් තැන්පත් කර තිබේ.

මෙම සහනදායි ක්‍රමවේදය හේතුවෙන් නාගරික සංවර්ධන අධිකාරියට රු මි 92.126ක පමණ පාඩුවක් විඳීමට සිදුව ඇති අතර, දරන ලද පිරිවැය ආවරණය කර ගැනීමට නොහැකි වී ඇත.

ඒ නිසා අනුමත කර ඇති සහනදායී ක්‍රමවේදය වහාම ක්‍රියාත්මක වන පරිදි අහෝසි කිරීමටත්, අදාළ පාර්ලිමේන්තු මන්ත්‍රීවරුන් 29 දෙනා එකඟ වන්නේ නම් සාමාන්‍ය ජනතාවට එම නිවාස ලබාගැනීම සඳහා වන ක්‍රමවේදයක් සහ එම මිල ගණන් යටතේ ඔවුන්ට ද නිවාස මිල දී ගැනීමට අවස්ථාව ලබාදීමටත් රජය තීරණය කර ඇත.

ගලේ­වෙල නව තැපැල් කාර්යාල ගොඩ­නැ­ඟිල්ල සඳහා මුල්ගල තැබීම  සෞඛ්‍ය හා ජන­මාධ්‍ය ඇමැති වෛද්‍ය නලින්ද ජය­තිස්ස මහ­තාගේ ප්‍රධා­න­ත්ව­යෙන් අද (04)  පස්වරු 4.00 ට සිදු කෙරේ. තැපැල් දෙපා­ර්ත­මේ­න්තුවේ මූල්‍ය ප්‍රති­පා­දන මත ඉදි­කි­රී­මට යෝජිත මෙම නවීන ගොඩ­නැ­ඟිල්ල සඳහා රුපි­යල් මිලි­යන 14.70ක්  වැය කිරී­මට අපේ­ක්ෂි­තය.

වත්මන් ගොඩ­නැ­ඟිල්ල 1970 වර්ෂයේ ස්ථාප­නය කර ඇත. එම ගොඩ­නැ­ඟිල්ලේ පව­තින ඉඩ­කඩ ප්‍රමා­ණ­වත් නොවීම, මෙන්ම පව­තින ප්‍රායෝ­ගික ගැටලු කිහි­ප­යක් හේතු­වෙන් නව තැපැල් කාර්යාල ගොඩ­නැ­ඟි­ල්ලක් ග‍ෙල්වෙල ස්ථාප­නය කිරී­මට සෞඛ්‍ය හා ජන­මාධ්‍ය අමා­ත්‍යාං­ශය පිය­වර ගෙන ඇත.

වත්මන් රජය මෙම වර්ෂයේ තැපැල් දෙපා­ර්ත­මේ­න්තුවේ නව ඉදි­කි­රීම් සඳහා රුපි­යල් මිලි­යන 600ක මුද­ලක් වෙන්කර තිබේ. නව්‍ය­ක­ර­ණය වූ බහු­විධ සේවා සැප­යී­මෙන් විශි­ෂ්ට­තම සබ­ඳතා සහ­කරු වීම ශ්‍රී ලංකා තැපැල් දෙපා­ර්ත­මේ­න්තුවේ ඉදිරි දැක්ම වේ.

“විෂ සහිත ඉඟිය” (Toxic Tip) ලෙස නම් කර ඇතිමෙරට වනජීවී ඡායාරූප ශිල්පියකුවන ලක්ෂිත කරුණාරත්නගේ ඡායාරූපය, ලන්ඩනයේ ස්වභාවික ඉතිහාස කෞතුකාගාරයේ පවත්වන ලද, වනජීවී ඡායාරූප ශිල්පී තරගයේ (Wildlife Photographer of the Year) හොඳම ඡායාරූප 100 අතරට තේරී පත්ව ඇත.

ලෝකයේ වනජීවී ඡායාරූපකරණයේ විශාලතම සහ කීර්තිමත්ම තරගයක් වන මෙයට, ලොව පුරා රටවල් 95 කින් තරඟකරුවන් 60,636 ක වාර්තාගත ඡායාරූප සංඛ්‍යාවක් ඉදිරිපත් වී තිබුණි. එම ඡායාරූප අතරින් ලක්ෂිතගේ ඡායාරූපය, හොඳම ඡායාරූප 100 අතරට තේරී පත්වීම ශ්‍රී ලංකාවට ගෞරවයකි.

ලක්ෂිත විසින් ගත් මෙම ඡායාරූපයේ දැක්වෙන්නේ කුණු කන්දක් ආශ්‍රිතව ආහාර සොයන අලියෙකි. මෙහිදී, මේ ඡායාරූපයේ සෞන්දර්යය සේම එය සමාජයට ලබා දෙන පණිවිඩයත් වැදගත් වේ.

එමගින් ශ්‍රී ලංකාවේ අලි මිනිස් ගැටුම සේම, කුණු කඳු නිසා වන අලි ජීවිතවලට ඇතිවන තර්ජනයත් අවධානය යොමු කළ යුතු කරුණක් බවට පත් කර ඇත. කුණු කඳු ආශ්‍රිතව අපද්‍රව්‍යවලට හුරු වන අලි ඇතුන් විෂ සහිත ද්‍රව්‍ය අනුභව කිරීම නිසා බරපතල සෞඛ්‍ය ගැටලුවලට මුහුණ දෙයි. ඇතැම් විට මෙය ඔවුන්ගේ ජීවිතවලට පවා තර්ජනයකි.

මෙම ඡායාරූපය හරහා ලක්ෂිත කරුණාරත්න ලෝකයටම පෙන්වා දෙන්නේ මේ ඛේදවාචකයයි.

“ඡායාරූපකරණය කලාවක් පමණක් නොව, හඬක් නැති අය සඳහා හඬක් ද බව නැවත වරක් ලෝකයට මතක් කර දී තිබෙනවා. නිල මාධ්‍ය නිකුතුව සඳහා ‘විෂ ඉඟිය’ තෝරා ගැනීම ගැන මම සැබවින්ම කෘතඥ වෙනවා. අද වන විට ලෝකයේ සෑම අස්සක් මුල්ලක් නෑරම මුද්‍රිත, විකාශන සහ ඩිජිටල් මාධ්‍ය ආයතන හරහා මෙම කතාවට දේශසීමා ඉක්මවා වේදිකාවක් ලබා දෙනවා” යනුවෙන් ලක්ෂිත අදහස් දක්වමින් පැවසීය.

“අපද්‍රව්‍ය වගකීමෙන් යුතුව කළමනාකරණය කරන ලෝකයක් කරා අපි ගමන් කළ යුතුයි, තිරසාරභාවය යනු තේරීමක් නෙවෙයි ජීවන රටාවක්. අපේ අලි ඇතුන් ආරක්ෂා කිරීමෙන්, අපි විශේෂයක් පමණක් නෙවෙයි අප සැමට අයත් සොබාදහමේ ආත්මය ද ආරක්ෂා කරනවා,” යනුවෙන් ඔහු සමාජ මාධ්‍ය ඔස්සේ ප්‍රකාශයක් නිකුත් කරමින් වැඩිදුරටත් සදහන් කර ඇත.

ජන­තා­වට ගුණා­ත්මක සෞඛ්‍ය සේවා­වක් ලබා­දී­මට වත්මන් රජය ක්‍රියා­ත්මක කරන වැඩ­පි­ළි­වෙළ ශක්ති­මත් කර­ලීම සඳහා ඉන්දු­නී­සි­යානු රජයේ සහාය නිර­න්ත­ර­යෙන්ම ලබා­දෙන බව මෙරට ඉන්දු­නී­සි­යානු තානා­ප­තිනි දෙවි ගුස්ටිනා ටොබිං (Dewi Gustina Tobing) මහ­ත්මිය පැවැ­සු­වාය.

සෞඛ්‍ය ක්ෂේත්‍රයේ උන්න­තිය වෙනු­වෙන් ක්‍රියා­ත්මක රජයේ ඉදිරි වැඩ­පි­ළි­වෙළ පිළි­බ­ඳව මෙරට ඉන්දු­නී­සි­යානු තානා­ප­ති­නිය සිය ප්‍රසා­දය ද මෙහිදී පළ කළාය.

මෙරට ඉන්දු­නී­සි­යානු තානා­ප­තිනි දෙවි ගුස්ටිනා ටොබිං (Dewi Gustina Tobing) මහ­ත්මිය සහ සෞඛ්‍ය හා ජන­මාධ්‍ය අමාත්‍ය වෛද්‍ය නලින්ද ජය­තිස්ස මහතා අතර විශේෂ හමු­වක් පෙරේදා (01) පස්ව­රුවේ සෞඛ්‍ය හා ජන­මාධ්‍ය අමා­ත්‍යාං­ශයේ දී පැවැති අතර එහිදී ඇය මේ බව කියා සිටි­යාය.

ඉන්දු­නී­සි­යාවේ නිෂ්පා­ද­නය කරන ඖෂධ මෙරට වෙළෙ­ඳ­පොළ වෙත ලබා­දී­මත්, රජ­යන් – රජ­යන් අතර ඖෂධ ලබා­ගැ­නීම වෙනු­වෙන් මෙරට ක්‍රියා­ත්මක වැඩ­පි­ළි­වෙළ පිළි­බ­ඳ­වත් තානා­ප­ති­නිය සෞඛ්‍ය හා ජන­මාධ්‍ය අමා­ත්‍ය­ව­ර­යා­ගෙන් කරුණු විමසා සිටි­යාය. මෙරට ඖෂධ නිෂ්පා­දන වැඩ­පි­ළි­වෙළ ශක්ති­මත් කිරී­මට රජය ගෙන­යන වැඩ­පි­ළි­වෙළ, රජ­යන්, රජ­යන් අතර ඖෂධ ලබා­ගැ­නීමේ ක්‍රම­වේ­දය මෙන්ම ඉන්දු­නී­සි­යාවේ නිෂ්පා­ද­නය කරන ඖෂධ මෙරට වෙළෙ­ඳ­පො­ල­වෙත ලබා­ගැ­නීම, රජය ක්‍රියා­ත්මක කිරී­මට සැල­සුම් කර ඇති ප්‍රාථ­මික සෞඛ්‍ය ප්‍රව­ර්ධන වැඩ­ස­ට­හන යනා­දිය පිළි­බ­ඳව ද අමා­ත්‍ය­ව­රයා මෙහිදී මෙරට ඉන්දු­නී­සි­යානු තානා­ප­තිනි ඩිවි ගුස්ටිනා ටොබිං මහ­ත්මිය දැනු­වත් කරන ලදි.

එමෙන්ම අමා­ත්‍ය­ව­රයා සංස්කෘ­තික, දේශ­පා­ල­නික හා ආර්ථික වශ­යෙන් ශ්‍රී ලංකා­වත් ඉන්දු­නී­සි­යා­වත් අතර ඇති රාජ්‍ය­තා­න්ත්‍රික සබ­ඳ­තා­වන් තවත් ශක්ති­මත් කර­ගැ­නීමේ වැද­ග­ත්කම පිළි­බ­ඳව හා සෞඛ්‍ය හා ජන­මාධ්‍ය අමා­ත්‍යාං­ශය මඟින් ක්‍රියා­ත්මක කෙරෙන සංව­ර්ධන වැඩ­ස­ට­හන් සහ සෞඛ්‍ය ක්ෂේත්‍රය සවි­බල ගැන්වීමේ ව්‍යාපෘති පිළි­බ­ඳව ද තානා­ප­ති­ව­රිය දැනු­ම්වත් කිරී­මට මෙහිදී කට­යුතු කළේය.

මෙම හමුව සඳහා සෞඛ්‍ය හා ජන­මාධ්‍ය අමා­ත්‍යාං­ශයේ ලේකම් විශේ­ෂඥ වෛද්‍ය අනිල් ජාසිංහ, මෙරට ඉන්දු­නී­සි­යානු තානා­පති කාර්යා­ලයේ තෙවන ලේකම් ශීලා අනන්තා උලී (Sheila Ananta Ully) මහත්ම මහ­ත්මී­හුද එක්ව සිටි­යහ.

රාජ්‍ය ආය­ත­න­වල ගොඩ­ගැසී ඇති අන­වශ්‍ය දෑ ඉවත් කිරීම සහ සංවි­ධිත බව පව­ත්වා­ගෙන යෑම සඳහා ක්ලීන් ශ්‍රී ලංකා ජාතික වැඩ­ස­ට­හ­නට සම­ගා­මීව ක්‍රියා­ත්මක කරන (සෙයිරි සතිය) අදින් (01) ඇරඹේ. සියලු රාජ්‍ය ආය­ත­න­වල අද (01) සිට ලබන 4 දා දක්වා සෙයිරි සතිය ක්‍රියා­ත්ම­කය.

සෙයිරි යනු ඵල­දා­යි­තාව පිළි­බඳ පංච­විධ සංක­ල්ප­යට අනුව සංවි­ධිත බවය. අවශ්‍ය දෑ සහ අන­වශ්‍ය දෑ හඳුනා ගැනීම හා අන­වශ්‍ය දේ බැහැර කිරීම එහි අර­මුණ වේ.

ඒ අනුව සෑම ආය­තන ප්‍රධා­නි­යකු විසින්ම මෙම සතිය තුළ සෑම දින­කම උදේ වරුවේ පැය දෙකක කාල­යක් ආය­ත­නයේ ගොඩ­නැ­ඟිලි ඇතු­ළත පිටත සහ ගොඩ­නැ­ඟි­ලි­ව­ලින් බාහිර පරි­ස­රය මනාව පවත්වා ගැනී­මට කට­යුතු කළ යුතු බව රාජ්‍ය පරි­පා­ලන අමා­ත්‍යාංශ ලේකම් එස්. ආලෝක බණ්ඩාර මහතා පව­සයි.

මේ වැඩ­ස­ට­හන් ක්‍රියා­ත්මක කළ යුතු ආකා­රය සහි­තව ලේක­ම්ව­ර­යාගේ අත්ස­නින් විශේෂ චක්‍ර­ලේ­ඛ­යක් ද නිකුත් කර ඇත. චක්‍ර­ලේ­ඛ­යට අනුව ආය­තන පරි­ශ්‍රයේ මෙන්ම ආය­තන ඉදි­රි­පස ඇති මාර්ග දෙපස සුන්දර පරි­ස­ර­යක් නිර්මා­ණය වන ආකා­ර­යට පවත්වා ගැනී­මට අවශ්‍ය කට­යුතු සිදු කළ යුතුය. විශේ­ෂ­යෙන්ම ආබා­ධිත ප්‍රජා­වට අවශ්‍ය පහ­සු­කම් නිර්මා­ණය කෙරෙහි අව­ධා­නය යොමු කළ යුතුය.

රාජ්‍ය ආය­ත­න­ව­ලට අයත් පරිශ්‍ර ප්‍රශ­ස්තව උප­යෝ­ජ­නය සඳහා අවශ්‍ය පිය­වර ගත යුතු අතර ඉඩ­ම්වල හැකි සෑම ස්ථාන­ය­කම පරි­සර හිත­කාමී වන­ග­හ­න­යක් පවත්වා ගැනී­මට අවශ්‍ය කට­යුතු ඇර­ඹිය යුතුය. රාජ්‍ය ආය­ත­න­වල පොලි­තින් භාවි­තය අවම කිරීම හා ඒවා නිසි පරිදි බැහැර කිරී­මට අවශ්‍ය පිය­වර ගත­යු­තුය. රාජ්‍ය ආය­තන පරි­ශ්‍ර­වල අනා­ර­ක්ෂිත හා පිළි­ස­කර කළ යුතු අව­දා­නම් සහිත ස්ථාන ඇත්නම් ඒවා නිවැ­රදි කර ගැනී­මට කට­යුතු කළ යුතුය.

සෙයිරි සතිය අව­සන් වුවද කාර්යා­ලීය පරි­ස­රය ස්ථායීව හා සංවි­ධි­තව පව­ත්වා­ගෙන යෑම සඳහා ක්‍රම­වේ­ද­යක් ගොඩ­නැ­ඟීම හා ඒ වෙනු­වෙන් ආය­තන ප්‍රධා­නියා සුදුසු නිල­ධා­රි­යෙක්ට වග­කීම් පවරා ක්‍රම­වේ­ද­යක් යටතේ පව­ත්වා­ගෙන යෑම අඛ­ණ්ඩව ක්‍රියා­ත්මක කළ යුතු බව ද එම චක්‍ර­ලේ­ඛයේ වැඩි­දු­ර­ටත් සඳ­හන් වේ.

ජන­මා­ධ්‍ය­වේ­දීන් සඳහා වන සෞඛ්‍ය රක්ෂ­ණා­ව­ර­ණය ද මෙවර අය-වැයෙන් ලබා­ දී­මට උත්සාහ ගන්නා බව සෞඛ්‍ය හා ජන­මාධ්‍ය නියෝජ්‍ය ඇමැති, වෛද්‍ය හංසක විජේ­මුණි මහතා පැව­සීය.

මෙහිදි වැඩි­දු­ර­ටත් අද­හස් දැක්වූ නියෝජ්‍ය ඇමැ­ති­ව­රයා මෙලෙස ද කීවේය.

“වයස අවු­රුදු තිස්ප­හට වැඩි සෑම පුර­වැ­සි­ය­කු­ටම තම සෞඛ්‍ය තත්ත්වය පරීක්ෂා කර­ගැ­නීම සඳහා වූ විශේෂ සෞඛ්‍ය පැකේ­ජ­යක් දීමට පිය­වර ගන්නවා. ප්‍රති­කාර කර සුව­කර ගැනී­මට හැකි රෝගා­බාධ තිබු­ණත් ඒ පිළි­බ­ඳව නොදැ­නු­ම්ව­ත්කම නිසා බොහෝ පිරි­ස­කට රෝහ­ල්ග­ත­වී­මට සිදුව තිබෙ­නවා. එම රෝග තත්ත්ව­යන් කලින් හඳුනා ගැනී­මට මේ සෞඛ්‍ය පැකේ­ජය උදව් වෙනවා.

මෙයින් ප්‍රති­කාර වෙනු­වෙන් රජ­යට දැරී­මට සිදුව තිබෙන විශාල වැය බරක් අවම කර­ගැ­නී­මට හැකි වෙනවා. මෙවර අය-වැයෙන් මේ සෞඛ්‍ය පැකේ­ජ­යට ප්‍රති­පා­දන වෙන්කර ගැනී­මට හැකි­වනු ඇති බවට විශ්වාස කර­නවා. රෝහල් කරා පැමි­ණෙන සියලු රෝගීන් සුව­පත් කිරීම රජයේ වග­කීම ලෙස සලකා සෞඛ්‍ය අමා­ත්‍යාං­ශය කට­යුතු කර­මින් සිටි­නවා.”

සෞඛ්‍ය හා ජනමාධ්‍ය අමාත්‍ය වෛද්‍ය නලින්ද ජයතිස්ස මහතා සහ ශ්‍රී ලංකාවේ, සෞදි අරාබි රාජ්‍යයේ තානාපති, කාලීඩ් හාමඩ් නසර් අල්කතානි (Khalid Hamoud Nasser Alkahtani) මහතා අතර හමුවක් පසුගිය දා සෞඛ්‍ය අමාත්‍යාංශයේ දී සිදු විය.

මෙහි දී ශ්‍රී ලංකාව සහ සෞදි අරාබි රාජ්‍යය අතර පවතින දීර්ඝ කාලීන මිතුදම මෙන් ම, මෙරට සෞඛ්‍ය සේවාවේ ඉදිරි සංවර්ධනය සඳහා අවශ්‍ය සහයෝගය පිළිබඳව සාකච්ජා විය.

එමෙන් ම දෙරට අතර පවතින ද්විපාර්ශ්වික සබඳතා තවදුරටත් ඵලදායී ලෙස අඛණ්ඩව ඉදිරියට ගෙන යාම සහ ජනමාධ්‍ය ක්ෂේත්‍රයේ ප්‍රවර්ධනය වෙනුවෙන් ද දීර්ඝව මෙහි දී කරුණු, අදහස් හුවමාරු කර ගන්නා ලදී.

නාස්තිය සහ වංචා දූෂණයෙන් තොර ජනතා හිතවාදී සෞඛ්‍ය සේවාවක් මෙරට තුළ බිහි කිරීමේ රජයේ නව ප්‍රතිපත්තිය පිළිබඳව සෞදි අරාබි රාජ්‍යයේ ප්‍රශංසාව තානාපතිවරයා මෙහි දී අමාත්‍යවරයාට පළ කර සිටි අතර මෙරට සෞඛ්‍ය හා ජනමාධ්‍ය අංශයන්හි අභිවෘද්ධිය වෙනුවෙන් අවශ්‍යය සහාය ඉදිරියටත් ලබා දෙන බව තානාපතිවරයා මෙහි දී පැවසී ය.

සෞදි අරාබි රාජ්‍ය මෙරට සියලු අංශවල සංවර්ධනය වෙනුවෙන් ලබාදුන් සහයෝගය සිහිපත් කළ අමාත්‍යවරයා ඉදිරියටත් එම සහයෝගය අපේක්ෂා කරන බවත්, ලබාදුන් සහයෝගයට විශේෂ ස්තූතියක් ද සෞදි අරාබි රාජ්‍යයේ තානාපතිවරයාට අමාත්‍යවරයා මෙහි දී පළ කර සිටියේ ය.

විසි­එක් වැනි සිය­වසේ අභි­යෝ­ග­යන්ට සාර්ථ­කව මුහුණ දීම සඳහා ජන­මා­ධ්‍ය­වේ­දීන් දැනු­මෙන්, කුස­ල­තා­වෙන් හා ආක­ල්ප­මය වශ­යෙන් සන්නද්ධ කර­මින් වෘත්තීය ජන­මාධ්‍ය කලා­වක් ස්ථාපිත කිරීම උදෙසා පුහුණු පාඨ­මාලා මඟින් තම වෘත්තීය කුස­ලතා වර්ධ­නය කර­ගැ­නී­මට ඉඩ ප්‍රස්තා සලසා දීම “ඇසි­දිසි ජන­මාධ්‍ය ශිෂ්‍යත්ව” වැඩ­ස­ට­හ­නෙන් සිදු කරන බව සෞඛ්‍ය හා ජන­මාධ්‍ය ඇමැති වෛද්‍ය නලින්ද ජය­තිස්ස මහතා පැව­සීය.

ජන­මා­ධ්‍ය­වේ­දීන්ට විධි­මත් රක්ෂණ යෝජනා ක්‍රම­යක් ලබන වර්ෂ­යේදී ආරම්භ කිරී­මට සැල­සුම් කර ඇතැයි ද ඇමැ­ති­ව­රයා පැව­සු­වේය. සෞඛ්‍ය හා ජනමාධ්‍ය අමාත්‍යංශයේ,ජනමාධ්‍ය අංශය මඟින් සංවි­ධා­නය කරනු ලබන ඇසි­දිසි ජන­මාධ්‍ය ශිෂ්‍යත්ව ප්‍රදාන වැඩ­ස­ට­හනේ 2025 ශිෂ්‍යත්ව ප්‍රදා­නය පසු­ගි­යදා (22) අමා­ත්‍ය­ව­ර­යාගේ ප්‍රධා­න­ත්ව­යෙන් නාරා­හේ­න්පිට සෞඛ්‍ය හා ජනමාධ්‍ය අමාත්‍යංශයේ,ජනමාධ්‍ය අංශයේ දී පැවැ­ත්විණි.

ජන­මා­ධ්‍ය­වේ­දීන් 61ක් සඳහා මෙම ශිෂ්‍යත්ව ප්‍රදා­නය කළ අතර උපාධි, පශ්චාත් උපාධි පාඨ­මාලා සඳහා රුපි­යල් ලක්ෂ දෙකක උප­රිම මුද­ලක් ද, කෙටි කාලීන හෝ දිගු කාලීන සහ­තික පත්‍ර පාඨ­මාලා, ඩිප්ලෝමා, උසස් ඩිප්ලෝමා පාඨ­මාලා සඳහා රුපි­යල් ලක්ෂ­යක උප­රි­ම­ය­කට යටත්ව මෙම ශිෂ්‍යත්ව ලබා­දෙයි. ශිෂ්‍ය­ත්ව­ලා­භීන්ට පිළි­ගත් විශ්ව­වි­ද්‍යාල, උසස් අධ්‍ය­යන පුහුණු ආය­තන මඟින් පව­ත්වනු ලබන මාධ්‍ය ක්ෂේත්‍ර­යට අදාළ පාඨ­මාලා හැදෑ­රිය හැකිය. මේ සඳහා රජය රුපි­යල් මිලි­යන හතක මුද­ලක් වෙන්කර ඇත.

මෙරට පිළි­ගත් විද්‍යුත් හා මුද්‍රිත මාධ්‍ය ආය­ත­න­වල වසර තුනක සේවා කාල­යක් සපුරා ඇති පූර්ණ­කා­ලීන හෝ අර්ධ­කා­ලීන පද­නම මත සේවයේ නියැළී සිටින මාධ්‍ය­වේ­දීන්, නිද­හස් මාධ්‍ය­වේ­දීන්, ප්‍රාදේ­ශීය මාධ්‍ය­වේ­දීන්, වෙබ් මාධ්‍ය­වේ­දීන් සහ මාධ්‍ය තාක්ෂණ ශිල්පීන්ට යළි නොගෙ­වන පද­නම මත මෙම ශිෂ්‍යත්ව ප්‍රදා­නය කරනු ලබයි.

ජන­මාධ්‍ය අමා­ත්‍යාං­ශය මඟින් 2006 වර්ෂ­යේදී මාධ්‍ය­වේ­දීන් 11කට ශිෂ්‍යත්ව ලබා­දෙ­මින් ආරම්භ කළ මෙම ව්‍යාපෘ­තිය මඟින් වර්ත­මා­නය වන විට මාධ්‍ය­වේ­දීන් 1133කට ශිෂ්‍යත්ව ප්‍රදා­න­යට පිය­වර ගෙන ඇතැයි ද ඇමැ­ති­ව­රයා පැව­සු­වේය. අමා­ත්‍යාංශ ලේක­ම්ව­ර­යාගේ ප්‍රධා­න­ත්ව­යෙන් තෝරා­ගත් කමි­ටු­වක් මඟින් මෙම මාධ්‍ය­වේ­දීන් තෝරා­ගත් බව අව­ධා­ර­ණය කළ අමා­ත්‍ය­ව­රයා කිසිදු අයු­ර­කින් දැන හැඳු­නු­ම්කම් මත හෝ වෙනත් බල­පෑම් මත අදාළ නිර්ණා­යක මඟ­හ­රි­මින් මෙම ශිෂ්‍යත්ව ලබා නොදුන් බව ද පැව­සීය.

මෙරට ජන­මා­ධ්‍ය­වේ­දීන්ට ජන­මාධ්‍ය වෘත්තීය කුස­ලතා වර්ධ­නය කර­ගැ­නී­මට රජය අවස්ථා සල­සන අතර නව මාධ්‍ය ප්‍රති­පත්ති සකස් කිරීම, ජන­මා­ධ්‍ය­වේ­දීන් සඳහා ආචා­ර­ධර්ම පද්ධ­ති­යක් සකස් කිරීම, මාධ්‍ය­වේ­දීන් සඳහා වර­ලත් ආය­ත­න­යක් ආරම්භ කිරීම වැනි තවත් වැඩ­ස­ට­හන් ගණ­නා­වක්ම ජන­මාධ්‍ය අමා­ත්‍යාං­ශය මඟින් මේ වන­විට ක්‍රියා­ත්මක කර ඇතැයි ද ඇමැ­ති­ව­රයා ප්‍රකාශ කළේය.

සමා­ජ­යක පව­තින ප්‍රධාන කුලුනු හත­රෙන් එකක් මාධ්‍ය ක්‍ෂේත්‍රය බවත් අනෙක් ත්‍රිත්වය විධා­ය­කය, ව්‍යව­ස්ථා­දා­ය­කය, අධි­ක­ර­ණය බවත් ඇමැ­ති­ව­රයා පැව­සු­වේය. මහ­ජ­න­තා­වගේ කැමැත්ත සහි­තව දේශ­පා­ලන ක්ෂේත්‍ර­යට පිවි­සුණු පසු විශේ­ෂ­යෙන්ම රාජ්‍ය පාල­න­යේදී, ආණ්ඩු­ක­ර­ණ­යේදී තමන්ගේ හැකි­යාව කුස­ල­තාව, විශේ­ෂ­ඥ­භා­වය වර්ධ­නය කර­ගත යුතු බව ද පැව­සීය.

පෑනක්, කැම­රා­වක් අතේ තිබූ පම­ණින්ම යමක් ලියන්න කියන්න පුළු­වන් වූ පම­ණින්ම ජන­මා­ධ්‍ය­වේ­දි­යෙක් ද යන ප්‍රශ්නය තමන් තුළ පව­තින බවත්, ජන­මා­ධ්‍ය­වේ­දි­යා­ගෙන් තමන් ඊට වඩා දෙයක් බලා­පො­රොත්තු වන බවත් ඇමැ­ති­ව­රයා පැව­සීය.

රජය කර­ව­න්නන් වුවත්, රාජ්‍ය නිල­ධා­රීන් වුවත්, අනෙ­කුත් ක්ෂේත්‍ර­වල වුවත්, වග­කීම් දරන අය ජන­තා­වගේ පැත්තේ සිට නිවැ­රැ­දිව කට­යුතු කර­නවා ද සහ ඒ මොහොතේ ගනු ලබන තීන්දු කොත­රම් දුරට අනා­ග­තය වෙනු­වෙන් වැඩ­දායි ද, ඵල­දායී ද සහ සුබ­දායී ද යන්න පිළි­බ­දව මඟ පෙන්වී­මක්, යෝජනා කිරී­මක්, ප්‍රශ්න කිරී­මක් මාධ්‍ය­වේ­දි­යා­ගෙන් සමා­ජය බලා­පො­රොත්තු වන්නේ යැයි ද ඇමැ­ති­ව­රයා ප්‍රකාශ කළේය.

විදේශ රට­වල පිළි­ගත් පුහුණු පාඨ­මාලා, උපාධි සහ අත්දැ­කීම් හුව­මාරු කර­ගන්නා වැඩ­ස­ට­හන් සඳහා මෙරට ජන­මා­ධ්‍ය­වේ­දීන් සහ­භාගි කර­වී­මට තමන් විදේ­ශීය රාජ්‍ය තාන්ත්‍රික නිල­ධා­රීන් සමඟ සාකච්ජා කරන බවත්, ඒ සඳහා අව­ස්ථාව නුදු­රේ­දීම මෙරට මාධ්‍ය­වේ­දීන්ට ලැබෙනු ඇතැයි තමා විශ්වාස කරන බවත් ඇමැ­ති­ව­රයා කීය.

සෞඛ්‍ය හා ජන­මාධ්‍ය අමා­ත්‍යාං­ශයේ ලේකම් විශේ­ෂඥ වෛද්‍ය අනිල් ජාසිංහ, ජන­මාධ්‍ය අමා­ත්‍යාං­ශයේ අති­රේක ලේක­ම්ව­රුන් වන දීපා ලිය­නගේ, එන්.ඒ.කේ.එල්. විජේ­නා­යක, රජයේ ප්‍රවෘත්ති අධ්‍යක්ෂ ජන­රාල් හර්ෂ බණ්ඩාර, ශ්‍රී ලංකා ගුවන් විදුලි සංස්ථාවේ සභා­පති මහා­චාර්ය උදිත ගයා­ශාන් මහත්ම මහ­ත්මීන් ද, ජන­මා­ධ්‍ය­වේ­දීන්, ජන­මාධ්‍ය අමා­ත්‍යාං­ශයේ නිල­ධා­රීහු ඇතුළු පිරි­සක් මෙම අව­ස්ථා­වට සහ­භාගි වූහ.

රාජ්‍ය ආයතනවල ගොඩගැසී ඇති අනවශ්‍ය දෑ ඉවත් කිරීම සඳහා ‘ක්ලීන් ශ්‍රී ලංකා’ ජාතික වැඩසටහනට සමගාමීව සැප්තැම්බර් මස 01 දින සිට 04 දින දක්වා “සෙයිරි සතිය” නමින් විශේෂ වැඩසටහනක් ක්‍රියාත්මක කිරීමට රජය පියවර ගෙන තිබේ.

ඊට අදාළව රාජ්‍ය පරිපාලන පළාත් සභා සහ පළාත් පාලන අමාත්‍යාංශ ලේකම්වරයා විසින් විශේෂ චක්‍රලේඛයක් නිකුත් කර ඇත. එය සියලු අමාත්‍යාංශ ලේකම්වරුන්, පළාත් ප්‍රධාන ලේකම්වරුන්, දෙපාර්තමේන්තු ප්‍රධානීන්, දිස්ත්‍රික් ලේකම්වරුන්, රාජ්‍ය සංස්ථා හා ව්‍යවස්ථාපිත මණ්ඩල ප්‍රධානීන් වෙත යොමුකර ඇත.

රාජ්‍ය ආයතනවල සිටින නිලධාරීන් හට තම රාජකාරී කටයුතු නිසි පරිදි නිදහස්ව සිදු කිරීමට සුදුසු පිරිසුදු හා සෞඛ්‍යාරක්ෂිත අනතුරුදායක නොවන වටපිටාවක් නිර්මාණය කරදීම අරමුණු කරගනිමින් මෙම වැඩසටහන ක්‍රියාත්මක කර තිබේ.

‘ක්ලීන් ශ්‍රී ලංකා’ ජාතික වැඩසටහනට සමගාමීව මෙය ක්‍රියාත්මක කිරීමට නියමිත අතර අවශ්‍ය දෑ සහ අනවශ්‍ය දෑ හඳුනාගැනීම හා අනවශ්‍ය දේ බැහැර කිරීම මෙහිදි සිදු කිරීමට නියමිතය.

එම සතිය තුළ රාජ්‍ය ආයතන ක්‍රියා කළ යුතු ආකාරය සම්බන්ධයෙන් මාර්ගෝපදේශ මාලාවක් ද රාජ්‍ය පරිපාලන, පළාත් සභා සහ පළාත් පාලන අමාත්‍යාංශය විසින් නිකුත් කර තිබේ.

මෙටා සමාගමේ නියෝජිතයන් විසින් ඩිජිටල් මාධ්‍ය භාවිතය පිළිබඳ අමාත්‍යාංශ මාධ්‍ය ලේකම්වරුන් සහ රාජ්‍ය මාධ්‍ය ආයතනවල නියෝජිතයන් වෙනුවෙන් පවත්වන ලද විශේෂ වැඩමුළුවක් ඊයේ (25)    ශ්‍රී ලංකා තොරතුරු සහ සන්නිවේදන තාක්ෂණ නියෝජිතායතනයේදී (ICTA) පැවැත්විණි.

ඩිජිටල් ආර්ථික අමාත්‍යාංශය සහ ජනාධිපති මාධ්‍ය අංශය විසින් සංවිධානය කළ මෙම වැඩමුළුවට අමාත්‍යාංශ මාධ්‍ය ලේකම්වරු, ජාතික රූපවාහිනි සංස්ථාව, ස්වාධීන රූපවාහිනිය, ශ්‍රී ලංකා ගුවන් විදුලි සංස්ථාව, රජයේ ප්‍රවෘත්ති දෙපාර්තමේන්තුව ඇතුළු රජයේ මාධ්‍ය ආයතනයන්හි ඩිජිටල් මාධ්‍ය කටයුතුවල නිරතව සිටින නිලධාරීහු එක්ව සිටියහ.

මෙටා සමාගමේ ආසියා-පැසිෆික් කලාපයේ රජයේ සහ සමාජ බලපෑම් අධ්‍යක්ෂිකා කයා වඩෙල් (Kaiya Waddell), හවුල්කාර කළමනාකරු නේහා මාතූර් (Neha Mathur), දකුණු ආසියාවේ ආරක්ෂක ප්‍රතිපත්ති කළමනාකරු ආචාර්ය ප්‍රියංකා භල්ලා (Dr Priyanka Bhalla), මධ්‍යම ආසියාව, මොන්ගෝලියාව, ශ්‍රී ලංකාව සහ මාලදිවයින සඳහා රාජ්‍ය ප්‍රතිපත්ති ප්‍රධානී සෙනුර අබේවර්ධන යන මහත්ම මහත්මීන් විසින් මෙම වැඩමුළුව මෙහෙයවන ලදී.

මෙරට ජනතාවට ගුණාත්මක, කාර්යක්ෂම, විශිෂ්ට සෞඛ්‍ය සේවාවක් ලබා දීම ප්‍රමුඛ අරමුණ කර ගනිමින් රෝහල් පද්ධතියෙ හි භෞතික සම්පත්  ඉහළ නැංවීමට අති නවීන තාක්ෂණයෙන් යුත්  ගිලන් රථ 20 ක්  රජයේ රෝහල් වෙත බෙදා දීම සෞඛ්‍ය හා ජනමාධ්‍ය අමාත්‍ය වෛද්‍ය නලින්ද ජයතිස්ස මහතාගේ ප්‍රධානත්වයෙන් සෞඛ්‍ය හා ජනමාධ්‍ය  අමාත්‍යාංශ පරිශ්‍රයේ දී අද දින (25) සිදු කෙරිණි.

ආසියානු සංවර්ධන බැංකුවේ මූල්‍ය දායකත්වය මත සෞඛ්‍ය පද්ධති වැඩිදියුණු කිරීමේ ව්‍යාපෘතියේ අනුග්‍රහයෙන් මධ්‍යම රජයේ සහ පළාත් සභාව යටතේ පාලනය වන රෝ‍හල් සදහා බෙදාදෙන ලද මෙම එක් ගිලන් රථයක වටිනාකම රුපියල් ලක්ෂ 257කට අධික වේ.

මෙම නව ගිලන් රථ තුළ අති නවීන පහසුකම් රැසක් පවතින අතර රෝගීයා වෙනත් රෝහලක් කරා ගෙනයන අතරතුර ද ප්‍රතිකාර රැසක් එමඟින් සිදු කිරීමේ හැකියාව පවතී.

ඇඹිලිපිටිය, නාවලපිටිය, මාතලේ, මීගමුව, ත්‍රිකුණාමලය, නුවරඑළිය, හලාවත, මොණරාගල, දඹුල්ල, හොරණ, යන දිස්ත්‍රික් මහ රෝහල් දහය සඳහා  ද පොළොන්නරුව, මඩකළපුව, බදුල්ල, අනුරාධපුර යන ශික්ෂණ රෝහල් සඳහා ද පොතුවිල්, කන්තලේ, අක්කරෙයිපත්තුව, දෙහිඅත්තකන්ඩිය, යන  මූලික රෝහල් සඳහා ද අම්පාර මහ රෝහලට සහ සීගිරිය රෝහලට ද මෙම අති නවීන  ගිලන් රථ 20 බෙදා දෙන ලදී.

මෙරට මධ්‍යම රජයේ සහ පළාත් සභාව යටතේ පාලනය වන රෝහල් පද්ධතියට අවශ්‍යවන  ගිලන්රථ අවශ්‍යතාවය පරිදි  ඉදිරි කාලය තුළ දී අදියරෙන් අදියර ලබා දීමට කටයුතු කරන බවත්, ඒ සදහා මධ්‍යම රජයේ, සෞඛ්‍ය සංවර්ධනය සදහා වෙන්වූ විශේෂ ව්‍යපෘතිවල මෙන්ම විදේශ රාජ්‍යන්ගේ සහාය ද ලබා ගැනීමට කටයුතු කරන බව සෞඛ්‍ය හා ජනමාධ්‍ය අමාත්‍ය වෛද්‍ය නලින්ද ජයතිස්ස මහතා මෙහි දී පැවසී ය.

එමෙන්ම රෝහල් පද්ධතියෙහි සිදුකළ යුතු භෞතික සම්පත් සංවර්ධනයට මේවන විට පියවර ගෙන ඇති බව සදහන් කළ අමාත්‍යවරයා  එය ක්‍රමාණුකූලව නිසි සැලසුමකට අනූව සිදුකරන බව ද අවධාරණය කර සිටියේ ය.  මෙරට ජනතාවට ප්‍රශස්ථ සෞඛ්‍ය සේවාවක් ලබා දීමට සෞඛ්‍ය අමාත්‍යාංශය නිරතුරුවම කැපවන බව ද  අමාත්‍යවරයා මෙහි දී වැඩිදුරටත් පැවසී ය.

මෙම අවස්ථාවට සෞඛ්‍ය හා ජනමාධ්‍ය අමාත්‍යාංශයේ ලේකම් විශේෂඥ වෛද්‍ය අනිල් ජාසිංහ,  අතිරේක ලේකම්වරුන්වන චාමික ගමගේ, සුනිල් ගලගම, ජනක කිත්සිරි ගුණවර්ධන,සෞඛ්‍ය සේවා අධ්‍යක්ෂ ජනරාල් වෛද්‍ය අසේල ගුණවර්ධන, නියෝජ්‍ය අධ්‍යක්ෂ ජනරාල් දිනිප්‍රිය හේරත්, අධ්‍යක්ෂ (ප්‍රවාහන) නිලංග දිල්හාන් සෝමපාල, ආසියානු සංවර්ධන බැංකුවේ  මෙරට සෞඛ්‍ය පද්ධති වැඩිදියුණු කිරීමේ ව්‍යාපෘතියේ අධ්‍යක්ෂ වෛද්‍ය අනිල් දිසානායක යන මහත්වරුන් ඇතුළුව සෞඛ්‍ය හා ජනමාධ්‍ය අමාත්‍යාංශයේ නිලධාරීන් හා සේවක පිරිසක් ද එක්ව සිටියහ.