මේ දිනවල මාලදිවයින තුළ අමෙරිකානු ඩොලර් බිලියනයකට වඩා වැඩි වටිනාකමකින් යුත් ඉදිකිරීම් රාශියක් සිදු කරමින් පවතින නිසා එහි වැඩි අවස්ථා ප්රමාණයක් ශ්රී ලංකාවට ලබාදීමට කඩිනමින් දෙරට අතර පුළුල් සාකච්ඡා වටයක් ඇරඹිය යුතු බව මාලදිවයිනේ උපජනාධිපති ෆයිසාල් නසීම් මහතා ප්රවාහන, මහාමාර්ග හා ජනමාධ්ය ඇමැති, ආචාර්ය බන්දුල ගුණවර්ධන මහතා හමුවේ පවසා ඇත.
දැනටමත් එම ඉදිකිරීම් ව්යාපෘති තුළ ශ්රී ලංකාවේ පෞද්ගලික අංශයේ ඉදිකිරීම් ක්ෂේත්රයේ සමාගම් කිහිපයක් එම කටයුතුවල නියැළෙමින් සිටින බවද උපජනාධිපතිවරයා සඳහන් කර තිබේ.
එමෙන්ම උසස් අධ්යාපන හා තාක්ෂණික අධ්යාපනය සඳහා ජාත්යන්තර මට්ටමේ පිළිගැනීමක් ඇති උසස් අධ්යාපන ආයතන තවදුරටත් බිහි වන්නේ නම් එරටින් වැඩි ශිෂ්ය සංඛ්යාවක් මෙරටට පැමිණ අධ්යාපනය ලැබීමට වැඩි කැමැත්තක් දක්වන බවත් උපජනාධිපතිවරයා මෙහිදී අවධාරණය කර ඇත.
මාලදිවයිනේ උප ජනාධිපතිවරයා මේ අදහස් දක්වා ඇත්තේ ප්රවාහන, මහාමාර්ග හා ජනමාධ්ය ඇමැති, ආචාර්ය බන්දුල ගුණවර්ධන මහතා සමඟ පෙරේදා (03) පැවැති හමුවේදීය.
ශ්රී ලංකාවේ සංචාරක ව්යාපාරය ප්රවර්ධනය සඳහා මාලදිවයින හරහා සංචාරකයක් වැඩි පිරිසක් මෙරටට ගෙන්වා ගෙන ඩොලර් අාදායම ඉහළ නංවා ගැනීමට ඉඩකඩ තිබෙන බවද මෙහිදී පෙන්වා දී ඇති උපජනාධිපතිවරයා, කලින් පවත්වාගෙන ගිය දෙරට අතර සෘජු ගුවන්වාර අවම වී තිබීම ඊට බාධවක් බවද සඳහන් කර තිබේ.
එසේම මාලදිවයින හා කොළඹ අතර අනෙකුත් ගුවන් සමාගම් අයකරන වැඩි වීමද ඊට බාධාවක්ව ඇති බවත්, පෞද්ගලික අංශයේ ගුවන් සමාගම් මෙරටට පැමිණීමට අවසර ඉල්ලා තිබුණත් එසේ අවසර නොලැබීමේ තත්ත්වය තුළ ඊට බාධාවන් මතුව තිබෙන බවද පෙන්වා දී තිබේ.
උපජනාධිපතිවරයා මේ බව පවසා ඇත්තේ, වර්තමානයේ ශ්රී ලංකාවේ ඉදිකිරීම්, අධ්යාපන හා සංචාරක ක්ෂේත්රයන්හි පවත්නා ගැටලු පිළිබඳව ඇමැති, ආචාර්ය බන්දුල ගුණවර්ධන මහතා කළ කරුණු පැහැදිලි කිරීමකට පිළිතුරු වශයෙනි.
මාර්ග සංවර්ධන අධිකාරිය හා මඟ නැඟුම වැනි ආයතන යටතේ ඉංජිනේරුවන් 700ක් සහ රජයේ ලියාපදිංචි කොන්ත්රාත්කරුවන් 7000ක් සිටින බවත් ඔවුන්ට ඉදිකිරීම් ක්ෂේත්රය තුළ අධිවේගී මාර්ග, මහාමාර්ග, පාලම්, විදුලි කණු සවිකිරීම්, සිල්පර කොටන් ඇතිරීම, ෆයිලින් වැනි ඕනෑම ක්ෂේත්රයක ඉදිකිරීම් සඳහා දායක විය හැකි බව ඇමැති, අාචාර්ය බන්දුල ගුණවර්ධන මහතා මෙහිදී අවධාරණය කර ඇත.
ශ්රී ලංකාව පසුගිය දා මුහුණ දුන් ආර්ථික පසුබෑම හේතු කොට ගෙන ඉදිකිරීම් ක්ෂේත්රයේ කොන්ත්රාත්කරුවන්ගේ වැඩ කටයුතු බොහෝ දුරට ඇණ හිට ඇති බවත් ඔවුන් සතු මානව සම්පත්, උපකරණ, යන්ත්ර සූත්ර ඌණ උපයෝජනයකට ලක්ව ඇති මේ අවස්ථාවේ මාලදිවයිනේ ඉදිකිරීම් ක්ෂේත්රය තුළ ඔවුන්ට අවස්ථාව ලබාදෙන්නේ නම් වගකීම් සහගතව එම කාර්යයන් ඉටුකිරීමට ශ්රී ලංකාවට ශක්තිය තිබෙන බවද ආචාර්ය, බන්දුල ගුණවර්ධන මහතා පෙන්වා දී තිබේ.
එමෙන්ම මෙරට පුහුණු ගුරුවරුන්ගේ හා තාක්ෂණික ශිල්පීන්ගේ හැකියාවන් මාලදිවයිනේ අධ්යාපන කටයුතු වෙනුවෙන් යොදා ගත හැකි ආකාරය ගැන ද මෙහිදී අමාත්යවරයා හා උපජනාධිපතිවරයා අතර සාකච්ඡා සිදු කර ඇත. මේ සාකච්ඡාවෙන් අනතුරුව මේ වසර නිමවීමට පෙරාතුව මාලදිවයිනේ ව්යාපාරික ප්රජාවට මෙරට බලධාරීන් හා ව්යාපාරික ප්රජාව හමුවීමට එක් දින වැඩමුළුවක් තමන් මැදිහත්ව සංවිධාන කරන බව උපජනාධිපතිවරයාට පොරොන්දු වූ බවද ඇමැති, ආචාර්ය බන්දුල ගුණවර්ධන මහතා දිනමිණට ඊයේ (04) පැවසීය.
ඒ අනුව ප්රවාහන හා මහාමාර්ග, වරාය, නාවික හා ගුවන්තොටුපොළ, සංචාරක, නාගරික සංවර්ධන අමාත්යාංශ ඒකාබද්ධව එම වැඩමුළුව සංවිධාන කිරීමට නියමිතය.
ශ්රී ලංකාවෙන් මාලදිවයිනට දිය හැකි ව්යාපාරික අවස්ථා ගැන ද එරට පෞද්ගලික අංශය දැනුවත් කිරීමට, මේ වැඩමුළුව කොළඹදී පැවැත්වීමට කටයුතු කරන බවද ඇමැතිවරයා කීවේය.
ඒ සඳහා ඉහත අමාත්යාංශ ලේකම්වරුන් සමඟ සාකච්ඡා කර වැඩමුළුව පැවැත්වීමට කටයුතු සූදානම් කරන්නැයි ප්රවාහන අමාත්යාංශ ලේකම් රංජිත් ප්රේමසිරි මහතාට පෙරේදා (03) දිනයේම උපදෙස් දුන් බව ද ඇමැතිවරයා පැවසීය.
සීමාසහිත එක්සත් ප්රවෘත්ති පත්ර සමාගම පාඩු පිට පාඩු ලබන බවට චෝදනා එල්ල වුව ද පසුගිය මාස කිහිපයේදී එය ලාභ ලබන තත්ත්වයට පත්ව ඇතැයි ජනමාධ්ය රාජ්ය ඇමැති ශාන්ත බණ්ඩාර මහතා පාර්ලිමේන්තුවේදී ඊයේ (28) ප්රකාශ කළේය.
ඔක්තෝබර් මාසයේ රුපියල් මිලියන 25ක් ද නොවැම්බර් මාසයේ රුපියල් මිලියන 30ක ද ලාභයක් ලබා ඇතැයි ද රාජ්ය ඇමැතිවරයා පැවසුවේය.
අය-වැය තුන්වැනිවර කියවීමේ විවාදයේදී ගාල්ල දිස්ත්රික් මන්ත්රී ශාන් විජයලාල් මහතා මතු කළ කරුණකට පිළිතුරු දෙමින් රාජ්ය ඇමැතිවරයා මේ බව පැවසුවේය.
රාජ්ය ඇමැති ශාන්ත බණ්ඩාර මහතා -
රාජ්ය බලපෑම නිසා රාජ්ය මාධ්ය ආයතන දුර්වලව ඇති බව පැවසුවා. එය වර්තමානයට අදාළ නැහැ. ඒ ආයතනවලට පූර්ණ නිදහස ලබා දී තිබෙනවා. ස්වයං මූල්ය උත්පාදන ආයතන ලෙස කටයුතු කිරීමේදී රජය බලපෑමක් කරන එකත් හොඳ නැහැ. පෞද්ගලික මාධ්ය හා රාජ්ය මාධ්ය ප්රවෘත්ති සමානයි. විපක්ෂයටත් විශාල වේලාවක් වෙන් කර තිබෙනවා ඔවුන්ගේ කරුණු ප්රචාරය සඳහා. මේ ආයතන පාඩු ලැබීමට හේතුවක් වනුයේ සේවකයන්ගේ වැඩි ප්රමාණය සහ පසුගිය කාලයේ කොවිඩ් නිසා සිදු වූ බලපෑම. සීමාසහිත එක්සත් ප්රවෘත්ති සමාගම පාඩු පිට පාඩු ලබන බවට චෝදනා ඉදිරිපත් වුණා. සතුටින් කිව හැකියි එහි සභාපතිවරයා ඇතුළු සේවක පිරිසගේ කැපවීම මත මේ ලාභය ලබා තිබෙනවා. ඔක්තෝබර් මාසයේ මිලියන 25 ක්, නොවැම්බර් මාසයේ මිලියන 30ක් දක්වා ලාභය දැන් වැඩි වෙලා තිබෙනවා. දෙසැම්බර් ටිකක් අඩු වෙයි. රටේ පැවැති තත්ත්වයත් සමඟ තමයි ඒ ඒ ආයතන පාඩු ලැබීම් සිදු වුණේ. මාධ්යවේදීන්ගේ සුබසාධනය සම්බන්ධයෙන් ද කටයුතු කරනවා. මාධ්යවේදීන්ට රක්ෂණාවරණයක් ලබාදීමට ද කටයුතු කරනවා. ප්රාදේශීය මාධ්යවේදීන්ට ද අවශ්ය සුබසාධන කටයුතු ලබාදීමට පියවර ගන්නවා.
ආර්ථිකය ශක්තිමත් කිරීම සඳහා ආර්ථික ප්රතිසංස්කරණ පමණක් නොව මාධ්යයේ දායකත්වය ද අවශ්ය බව ජනමාධ්ය රාජ්ය අමාත්ය ශාන්ත බණ්ඩාර මහතා පැවසීය.
යහපත් මාධ්ය සංස්කෘතියක් නිර්මාණය කිරීම අත්යාවශ්ය බවද ශාන්ත බණ්ඩාර අමාතයවරයා පෙන්වා දුන්නේය. රාජ්ය මාධ්ය ආයතන ස්වයං මූල්ය උත්පාදන ආයතන බවට පත් කිරීමට කටයුතු කළ යුතු බවද හෙතෙම සඳහන් කළේය.
2023 අයවැය කාරකසභා අවස්ථාවේ පස්වන දිනය වන අද ජනමාධ්ය අමාත්යංශයේ වැය ශීර්ෂය පිළිබඳව විවාදයට එක්වෙමින් ජනමාධ්ය රාජ්ය අමාත්යවරයා මේ බව පැවසීය..
ප්රවෘත්ති දෙපාර්තමේන්තුව, ජාතික මාධ්ය මධ්යස්ථානය ශක්තිමත් කර, ආර්ථික අර්බුදයේ දී කොයි ආකාරයට කටයුතු කරන්නේ කෙසේ ද කියලා ගමට යන වැඩපිළිවෙලක් සකස් කළ යුතු වෙනවා. ප්රවෘත්ති දෙපාර්තමේන්තුව, ජතික මාධ්ය මධ්යස්ථානය ශක්තිමත් කළ යුතු යැයි ද රාජ්ය අමාත්යවරයා පැවසීය. ජාතික අර්බුදයක් අවස්ථාවේ දී ,දේශපාලඥයින් රාජ්ය නිලධාරින් සහ ආයතන, ජනතාව කටයුතු කළ යුතු කළ ආකාරය සම්බන්ධයෙන් ජනතාව තවදුරටත් දැනුම්වත් කිරීම සඳහා එම ආයතන තවදුරටත් ශක්තිමත් කළ යුතුයි.
ජනාධිපතිවරයා ගෙන යන වැඩපිළිවෙළ ගමට ගෙන යා යුතුයි. පසුගිය සමයේ ජාත්යනතරයේ ශ්රී ලංකාව සම්බන්ධයෙන් ඇති වූ කලු පැල්ලම් මකා දැමීම සඳහා මාධ්ය හා එක්ව කටයුතු කරන බවත් කීය. ඉදිරියේදී නව විකාශන පනතක් කෙටුම්පත් කරන බවද රාජ්ය අමාත්ය ශාන්ත බණ්ඩාර මහතා පැවසීය.
''ජනමාධ්ය අමාත්යංශය යටතේ ආයතන 15ක් තිබෙනවා. මෙම ආයතන 15 මගින්ම සන්නිවේදන ක්ෂේත්රයේ විශාල කාර්ය භාරයක් සිදු කරනවා.
මාධ්ය නිදහස සම්බන්ධයෙන් මෙම සභාවේ මන්ත්රීවරු කිහිප දෙනෙක්ම චෝදනා එල්ල කළා. වර්තමානයේ කොයි මාධ්යවේදියාට මරණ තර්ජනය කළේ, පැනට බාධා කළේ, අඳහස් දැක්වීමට බාධා කළේ. වර්තමානයේ එවැනි දෙයක් සිදු වී නැ. අරගලය මුවාවෙන් අනවශ්ය විදියට දේපළ වලට හානි කරමින් කටයුතු කරන්න එපා කියලයි ජනාධිපතිවරයා කීවේ.ඕන අයකුට නිදහස් අදහස් ප්රකාශ කරන්න පුළුවන්, උදේඝෝෂණ පවත්වන්න පුළුවන් .
රාජ්ය මාධ්ය ආයතන සහ පෞද්ගලික වශයෙන් වෙන් වීමක් අවශ්ය නැහැ. අද කවුරුත් ජාතික රූපවාහිනියට ස්වාධීන රූපවාහිනියට චෝදනා කළේ නැහැ.අද එම ආයතනයන්ට ඉතා ස්වාධීනව කටයුතු කරන්න ඉඩ දීලා තිබෙනවා. දේශපාලන ඇගිලි ගැසීමක් නැහැ. රාජ්ය සහ පෞද්ගලික අංශ දෙකේම එක සමාන වාර්තාකරණයක් තමයි සිදුවෙන්නේ.
එම ආයතන මූල්ය උත්පාදනයත් සමග අනෙක් ආයතන සමග තරඟකාරීව ඉදිරියට යමින් තිබෙනවා.ජාතික රූපවාහිනියත් එහෙමයි. අලාභ ලැබුවත් ගුණාත්මක බව ආරක්ෂා කරගෙන තිබෙනවා. ජාතික රූපවාහිනියේ අලාභ ලබන තත්වය නැති කිරීමට කටයුතු කිරිමට සභාවතිවරයා කටයුතු කරමින් සිටින බවත් ඒ සඳහා පූර්ණ සහාය ලබා දෙන බවත් කීය. කවුරු රජයේ සිටියත් එම ආයතන ආරක්ෂා කිරීමට අප බැඳ සිටිනවා.
මුදුණ දෙපාර්තමෙන්තුවත් යම් අලාභයක් පිට යනවා. ඒ සඳහා මේ වන විට කටයුතු කරමින් සිටිනවා. නව තාක්ෂණයෙන් යුතු සිව් වර්ණ මුද්රණ යන්ත්රයක අවශ්යතාවයක් තිබෙන බවත් එම අවශ්ය මැෂින් ඉදිරියේදී ලබා දීමට කයයුතු කරන බවද කීය. පෙළ පොත් මුද්රණය කිරීමේදී දෙපාර්තමේන්තුව ශක්තිමත් වනවා සේම එමගින් විශාල සේවයක් ලැබෙනවා. තැපැල් දෙපාර්තමේන්තුවෙන්ද විශාල සේවයක් සිදු වෙනවා. මන්ත්රීවරු සඳහා නිදහස් තැපෑල ලැබෙනවා. අමාත්යංශ වලට නිදහස් තැපැල් දෙපාර්තමේන්තුව නොමිලේ සේවය ලබා දෙනවා. තැපැල් කටයුතු ක්රමවත් කිරීම සඳහා වසර 2023 ප්රමුඛ කාර්යයක් ලෙස තැපැල් ආඥා පනත සංශෝධනය කිරීමට කටයුතු කරනවා. නව්යකරණ වැඩපිළිවෙළකට තැපැල් දෙපාර්තමේන්තුව ගෙන යා යුතුයි.ඒ වෙනුවෙන් අමාත්යංශය කටයුතු කරනවා. නව්යකරණ සහ නවෝත්පාදන වැඩපිළිවෙළක් ඉදිරියේදී ක්රියාත්මක කරනවා'' යැයි ද රාජ්ය අමාත්යවරයා පැවසීය