එක්සත් ජාතීන්ගේ සංවර්ධන වැඩසටහන (UNDP) ජනමාධ්‍ය අමාත්‍යාංශය හා එක්ව සංවිධානය කරන ‘වාර්තාකරණයේ මුල මැද සහ අග’ (Unlocking the Power of Media) වැඩමුළුව ප්‍රවාහන මහාමාර්ග හා ජනමාධ්‍ය අමාත්‍ය, ආචාර්ය බන්දුල ගුණවර්ධන
මහතාගේ ප්‍රධානත්වයෙන් කොළඹදී ආරම්භ විය. එක්සත් ජාතීන්ගේ සංවර්ධන වැඩසටහනේ ශ්‍රී ලංකාවේ නේවාසික නියෝජිත අසුසා කුබෝටා මහත්මිය, ජනමාධ්‍ය අමාත්‍යාංශ ලේකම් අනුෂ පැල්පිට මහතා එම අවස්ථාවට එක්ව සිටි අයුරු.
ජපාන – ශ්‍රී ලංකා සහයෝගීතාව වර්ධනය කර ගැනීමට දෙපාර්ශ්වයේම කැපවීම අවධාරණය කෙරේ.
ශ්‍රී ලංකාවේ ණය ප්‍රශස්තකරණ ක්‍රියාවලියට ජපානය ලබා දෙන සහාය ජනපතිගේ ඇගයීමට.
සැහැල්ලු දුම්රිය ව්‍යාපෘතිය ඇතුළු සංවර්ධන ව්‍යාපෘති කිහිපයක කටයුතු කඩිනම් කිරීමට අවධානය.
දෙදින නිල සංචාරයක් සඳහා මෙරටට පැමිණ සිටින ජපාන විදේශ අමාත්‍ය හයාෂි යොෂිමාසා (HAYASHI Yoshimasa) මහතා සහ ජනාධිපති රනිල් වික්‍රමසිංහ මහතා අතර සාකච්ඡා (29) කොළඹදී පැවැත්විණ.
ජපානය සහ ශ්‍රී ලංකාව අතර පවතින දීර්ඝකාලීන ද්විපාර්ශ්වික සබඳතාවන් සිහිපත් කරමින් ඇරඹි මෙම සාකච්ඡාවේ දී ක්ෂේත්‍ර රැසක් ඔස්සේ එම සබඳතා තවදුරටත් ශක්තිමත් කර ගැනීම සඳහා දෙපාර්ශ්වයම කැපවීමෙන් යුතුව කටයුතු කිරීමේ අවශ්‍යතාව අවධාරණය කෙරිණි.
ශ්‍රී ලංකාවේ ණය ප්‍රශස්තකරණ ක්‍රියාවලිය සඳහා ජපාන රජය ලබා දෙන සහාය පිළිබඳ මෙහිදී සිය කෘතඥතාව පළ කළ ජනාධිපති රනිල් වික්‍රමසිංහ මහතා ණය ප්‍රශස්තකරණ ක්‍රියාවලියේ පොදු වේදිකාව වැඩිදියුණු කිරීම සහ එම ක්‍රියාවලිය වේගවත් කිරීම වෙනුවෙන් ප්‍රංශ ජනාධිපති එමානුවෙල් මැක්‍රොන් මහතා සමග සිදු කළ සාකච්ඡාව පිළිබඳව ද කරුණු පැහැදිළි කළේය.
එසේම ජපාන – ශ්‍රී ලංකා සහයෝගීතාව තවදුරටත් විදාහ දැක්වෙන සැහැල්ලු දුම්රිය ව්‍යාපෘතිය (LRT), වරාය නැගෙනහිර පර්යන්තය, මහනුවර සංවර්ධන සැලැස්ම, මධ්‍යම අධිවේගී මාර්ගය සහ බණ්ඩාරනායක ජාත්‍යන්තර ගුවන් තොටුපළ පුළුල් කිරීම යන ව්‍යාපෘති කඩිනම් කිරීමේ වැදගත්කම ද මෙම සාකච්ඡාවේ දී අවධානයට ලක් විය.
ශ්‍රම වෙළඳපොළ ඉලක්ක කරගත් ආර්ථිකයක සිට අධි තාක්ෂණික ආර්ථිකයක් දක්වා පරිවර්තනය වීමේ අපේක්ෂාවෙන්පසුවෙන ශ්‍රී ලංකාවේ අධි තාක්ෂණික කර්මාන්ත ආශ්‍රිත ආයෝජන අවස්ථා පිළිබඳව ද ජනාධිපති රනිල් වික්‍රමසිංහ මහතා මෙහිදී ජපාන විදේශ අමාත්‍යවරයා දැනුවත් කළ අතර ඒ සඳහා ජපාන ආයෝජකයින් දිරි ගැන්වීමට කටයුතු කරන බව ජපාන විදේශ අමාත්‍යවරයා සඳහන් කළේය.
ඉන්දියන් සාගර කලාපය සාමකාමී සහ ස්ථාවර කලාපයක් ලෙස පවත්වාගෙන යාම සඳහා එක්ව කැපවීමේ අවශ්‍යතාව අවධාරණය කරමින් කලාපීය සහ ගෝලීය ගැටළු රැසක් පිළිබඳව ද ජනාධිපති රනිල් වික්‍රමසිංහ මහතා සහ ජපාන විදේශ අමාත්‍යවරයා සාකච්ඡා කළහ.
ජපාන විදේශ අමාත්‍ය හයාෂි යොෂිමාසා මහතාගේ ජ්‍යෙෂ්ඨ විදේශ ප්‍රතිපත්ති සම්බන්ධීකාරක මුරකාමි මනබු, අග්නිදිග සහ නිරිතදිග ආසියානු කටයුතු පිළිබඳ අධ්‍යක්ෂ ජනරාල් අරිමා යුටකා, ජාත්‍යන්තර සහයෝගිතා අධ්‍යක්ෂ ජනරාල් එන්ඩෝ කසුයා සහ ජපාන විදේශ අමාත්‍යාංශයේ නියෝජ්‍ය මාධ්‍ය ලේකම් ඔකානෝ යුකිකෝ යන මහත්වරු සහ ශ්‍රී ලංකාවේ ජපාන තානාපති හිදෙකි මිසුකෝෂි අමාත්‍යවරයාගේ විධායක සහකාර ටොමෝසබුරෝ එසාකි, නිරිතදිග ආසියානු කටයුතු අංශයේ අධ්‍යක්ෂ ටාරෝ ෂුට්සුමි යන මහත්වරුඇතුළු පිරිසක් මෙම අවස්ථාවට එක්ව සිටියහ.
විදේශ කටයුතු අමාත්‍ය අලි සබ්‍රි, ජාතික ආරක්ෂාව පිළිබඳ ජනාධිපති ජ්‍යෙෂ්ඨ උපදේශක හා ජනාධිපති කාර්ය මණ්ඩල ප්‍රධානි සාගල රත්නායක, ආර්ථික කටයුතු පිළිබඳ ජනාධිපති ජ්‍යෙෂ්ඨ උපදේශක ආචාර්ය ආර්.එච්.එස්. සමරතුංග, විදේශ කටයුතු අමාත්‍යාංශයේ ලේකම් අරුණි විජේවර්ධන යන මහත්ම මහත්මීහුද ශ්‍රී ලංකා පාර්ශ්වයෙන් මීට එක්ව සිටියහ.
ජපාන – ශ්‍රී ලංකා සහයෝගීතාව වර්ධනය කර ගැනීමට දෙපාර්ශ්වයේම කැපවීම අවධාරණය කෙරේ.
ශ්‍රී ලංකාවේ ණය ප්‍රශස්තකරණ ක්‍රියාවලියට ජපානය ලබා දෙන සහාය ජනපතිගේ ඇගයීමට.
සැහැල්ලු දුම්රිය ව්‍යාපෘතිය ඇතුළු සංවර්ධන ව්‍යාපෘති කිහිපයක කටයුතු කඩිනම් කිරීමට අවධානය.
දෙදින නිල සංචාරයක් සඳහා මෙරටට පැමිණ සිටින ජපාන විදේශ අමාත්‍ය හයාෂි යොෂිමාසා (HAYASHI Yoshimasa) මහතා සහ ජනාධිපති රනිල් වික්‍රමසිංහ මහතා අතර සාකච්ඡා (29) කොළඹදී පැවැත්විණ.
ජපානය සහ ශ්‍රී ලංකාව අතර පවතින දීර්ඝකාලීන ද්විපාර්ශ්වික සබඳතාවන් සිහිපත් කරමින් ඇරඹි මෙම සාකච්ඡාවේ දී ක්ෂේත්‍ර රැසක් ඔස්සේ එම සබඳතා තවදුරටත් ශක්තිමත් කර ගැනීම සඳහා දෙපාර්ශ්වයම කැපවීමෙන් යුතුව කටයුතු කිරීමේ අවශ්‍යතාව අවධාරණය කෙරිණි.
ශ්‍රී ලංකාවේ ණය ප්‍රශස්තකරණ ක්‍රියාවලිය සඳහා ජපාන රජය ලබා දෙන සහාය පිළිබඳ මෙහිදී සිය කෘතඥතාව පළ කළ ජනාධිපති රනිල් වික්‍රමසිංහ මහතා ණය ප්‍රශස්තකරණ ක්‍රියාවලියේ පොදු වේදිකාව වැඩිදියුණු කිරීම සහ එම ක්‍රියාවලිය වේගවත් කිරීම වෙනුවෙන් ප්‍රංශ ජනාධිපති එමානුවෙල් මැක්‍රොන් මහතා සමග සිදු කළ සාකච්ඡාව පිළිබඳව ද කරුණු පැහැදිළි කළේය.
එසේම ජපාන – ශ්‍රී ලංකා සහයෝගීතාව තවදුරටත් විදාහ දැක්වෙන සැහැල්ලු දුම්රිය ව්‍යාපෘතිය (LRT), වරාය නැගෙනහිර පර්යන්තය, මහනුවර සංවර්ධන සැලැස්ම, මධ්‍යම අධිවේගී මාර්ගය සහ බණ්ඩාරනායක ජාත්‍යන්තර ගුවන් තොටුපළ පුළුල් කිරීම යන ව්‍යාපෘති කඩිනම් කිරීමේ වැදගත්කම ද මෙම සාකච්ඡාවේ දී අවධානයට ලක් විය.
ශ්‍රම වෙළඳපොළ ඉලක්ක කරගත් ආර්ථිකයක සිට අධි තාක්ෂණික ආර්ථිකයක් දක්වා පරිවර්තනය වීමේ අපේක්ෂාවෙන්පසුවෙන ශ්‍රී ලංකාවේ අධි තාක්ෂණික කර්මාන්ත ආශ්‍රිත ආයෝජන අවස්ථා පිළිබඳව ද ජනාධිපති රනිල් වික්‍රමසිංහ මහතා මෙහිදී ජපාන විදේශ අමාත්‍යවරයා දැනුවත් කළ අතර ඒ සඳහා ජපාන ආයෝජකයින් දිරි ගැන්වීමට කටයුතු කරන බව ජපාන විදේශ අමාත්‍යවරයා සඳහන් කළේය.
ඉන්දියන් සාගර කලාපය සාමකාමී සහ ස්ථාවර කලාපයක් ලෙස පවත්වාගෙන යාම සඳහා එක්ව කැපවීමේ අවශ්‍යතාව අවධාරණය කරමින් කලාපීය සහ ගෝලීය ගැටළු රැසක් පිළිබඳව ද ජනාධිපති රනිල් වික්‍රමසිංහ මහතා සහ ජපාන විදේශ අමාත්‍යවරයා සාකච්ඡා කළහ.
ජපාන විදේශ අමාත්‍ය හයාෂි යොෂිමාසා මහතාගේ ජ්‍යෙෂ්ඨ විදේශ ප්‍රතිපත්ති සම්බන්ධීකාරක මුරකාමි මනබු, අග්නිදිග සහ නිරිතදිග ආසියානු කටයුතු පිළිබඳ අධ්‍යක්ෂ ජනරාල් අරිමා යුටකා, ජාත්‍යන්තර සහයෝගිතා අධ්‍යක්ෂ ජනරාල් එන්ඩෝ කසුයා සහ ජපාන විදේශ අමාත්‍යාංශයේ නියෝජ්‍ය මාධ්‍ය ලේකම් ඔකානෝ යුකිකෝ යන මහත්වරු සහ ශ්‍රී ලංකාවේ ජපාන තානාපති හිදෙකි මිසුකෝෂි අමාත්‍යවරයාගේ විධායක සහකාර ටොමෝසබුරෝ එසාකි, නිරිතදිග ආසියානු කටයුතු අංශයේ අධ්‍යක්ෂ ටාරෝ ෂුට්සුමි යන මහත්වරුඇතුළු පිරිසක් මෙම අවස්ථාවට එක්ව සිටියහ.
විදේශ කටයුතු අමාත්‍ය අලි සබ්‍රි, ජාතික ආරක්ෂාව පිළිබඳ ජනාධිපති ජ්‍යෙෂ්ඨ උපදේශක හා ජනාධිපති කාර්ය මණ්ඩල ප්‍රධානි සාගල රත්නායක, ආර්ථික කටයුතු පිළිබඳ ජනාධිපති ජ්‍යෙෂ්ඨ උපදේශක ආචාර්ය ආර්.එච්.එස්. සමරතුංග, විදේශ කටයුතු අමාත්‍යාංශයේ ලේකම් අරුණි විජේවර්ධන යන මහත්ම මහත්මීහුද ශ්‍රී ලංකා පාර්ශ්වයෙන් මීට එක්ව සිටියහ.
ජනවාර්ගික ප්‍රශ්නයෙන් පීඩාවට පත් වූ සෑම ජන කොටසකටම සත්‍ය සෙවීමේ කොමිසම ස්ථාපිත කිරීමෙන් සත්‍ය සොයා යෑමට අවස්ථාව හිමි වන බව විදේශ කටයුතු අමාත්‍ය අලි සබ්‍රි මහතා පැවසීය.
සත්‍ය සෙවීමේ කොමිසම ස්වාධීන විය යුතු බවත් රජයේ වගකීම වන්නේ ඒ සඳහා පහසුකම් සැපයීම පමණක් බවත් පැවසූ අමාත්‍යවරයා පනත ස්ථාපිත කිරීමෙන් පසු කොමිසමට සම්පූර්ණයෙන් බලය පැවරෙන බවද සඳහන් කළේය.
කොමිසමේ කටයුතු සාර්ථක කර ගැනීම අරමුණු කර ගනිමින් ජාත්‍යන්තර වශයෙන් දේශන මාලාවක් පැවැත්වීමට සැලසුම් කර තිබෙන බවත්, මේ වන විටත් කැබිනට් අනුමැතිය ලැබී තිබෙන අන්තර්කාලීන ලේකම් කාර්යාලය මගින් කොමිසමේ කටයුතු කඩිනමින් ආරම්භ කිරීමේ පදනම සකස් කිරීමට බලාපොරොත්තු වන බවත් අමාත්‍ය අලි සබ්‍රි මහතා පැවසීය.
විදේශ කටයුතු අමාත්‍ය අලි සබ්‍රි මහතා මෙම අදහස් පළ කර සිටියේ සත්‍ය සෙවීමේ කොමිසම පිළිබඳ වෘත්තිය සමිති සහ සිවිල් සංවිධාන දැනුවත් කිරීම සඳහා ඊයේ (26) ජනාධිපති කාර්යාලයේ පැවති සාකච්ඡාවේදීය.
ජාත්‍යන්තරව පිළිගත් වගවීමේ ක්‍රියාවලියක අවශ්‍යතාව සහ එය ස්ථාපිත කිරීමේ රජයේ කැපවීම පැහැදිළි කළ අමාත්‍යවරයා සත්‍ය සෙවීමේ කොමිසම පිළිබඳ විශ්වාසය ගොඩ නැඟීමට අවශ්‍ය සියලු දේ සිදු කරන බව ද අවධාරණය කළේය.
මෙහිදී අදහස් දැක් වූ ජනාධිපති වෘත්තීය සමිති අධ්‍යක්ෂ ජනරාල් සමන් රත්නප්‍රිය මහතා කියා සිටියේ දශක තුනක් පුරා මෙරට පැවති යුද්ධයෙන් ජාති බේදයකින් තොරව සියලු ජනතාවට විශාල පීඩනයකට මුහුණදිමට සිදු වු බවයි. ඒ පිළිබඳ නිසි විමර්ෂනයක අවශ්‍යතාව රට තුළින් මෙන්ම ජාත්‍යන්තරවද මතු වූ බවත්, ඒ වෙනුවෙන් ස්ථාපිත කරන ලද විවිධ කොමිසන් සභා විසින් ඉදිරිපත් කරන ලද යෝජනා ක්‍රියාත්මක නොවූ බවට ද චෝදනා එල්ල වූ බවත් සමන් රත්නප්‍රිය මහතා සඳහන් කළේය.
මේ පිළිබඳ නිසි අවධානය යොමු කෙරෙන, රටට ගැළපෙන යාන්ත්‍රණයක් සකස් කිරීම සඳහා දකුණු අප්‍රිකාව වැනි රටවල ක්‍රියාත්මක යාන්ත්‍රණයන් පිළිබඳ අධ්‍යයනය කරන බවද ඔහු පැවසීය. කෙසේ වෙතත් මෙය සාර්ථක කර ගත නොහැකි වුවහොත් නැවත රට අසීරු තත්ත්වයකට පත් වනු ඇති බැවින් සමාජය දැනුවත් කරමින් එය ක්‍රියාත්මක කිරීමට සහාය ලබා ගත යුතු බවද ඒ මහතා පෙන්වා දුන්නේය.
ජාතීන් තුනක් වෙසෙන සිංගප්පූරුව නිදහස ලබා වසර 20ක් ගත වෙද්දී සංවර්ධිත රටක් බවට පත් වූයේ සංහිඳියාව තුළින් බව සත්‍ය හා සංහිඳියා කොමිසමේ අධ්‍යක්ෂ ජෙනරාල් අසංග ගුනවංස මහතා මෙහිදී අදහස් දක්වමින් පැවසීය.
ශ්‍රී ලංකාවට සංවර්ධන අරමුණු ජය ගැනීමට අවශ්‍ය නම් අනිවාර්යයෙන්ම සංහිඳියාව අත්‍යවශ්‍ය බවත් මෙම කොමිසම ස්ථාපිත කිරීම තුළින් සංහිඳියා අරමුණු ඉටුකර ගත හැකි බවත් ඔහු පෙන්වා දුන්නේය.
දේශීය වශයෙන් සාර්ථක මෙන්ම ජාත්‍යන්තරය පිළිගත් යාන්ත්‍රණයක් සැකසීමට දායකත්වය ලබා දීමට අවශ්‍ය යටිතල පහසුකම් සැපයීම සඳහා අන්තර්කාලීන ලේකම් කාර්යාලය ස්ථාපිත කර ඇති බවත් එය නීති සහ ප්‍රතිපත්ති අංශය, මහජන සම්බන්ධතා අංශය සහ තොරතුරු තාක්ෂණ අංශය යන අංශ තුනකින් සමන්විත වන බවත් අසංග ගුනවංස මහතා සඳහන් කළේය.
පසුගිය මැතිවරණයේදී ආගම්වාදය හා ජාතිවාදය විශාල ලෙස මතු කළ බැවින් ජනතාවට එම අත්දැකීම අමතක වීමට පෙර මෙම ක්‍රියාවලිය ස්ථාපිත කරන ලෙස ඉල්ලා සිටින බව මෙහිදී අදහස් දැක්වූ දඹර අමිල හිමියෝ පැවසූහ.
වෘත්තිය සමිති සහ සිවිල් සංවිධාන නියෝජිතයින් රැසක් මේ අවස්ථාව සඳහා සහභාගි වූහ.
නිදහස් ශ්‍රී ලංකාවේ හොඳම විදේශ ප්‍රතිපත්තිය ක්‍රියාත්මක වන්නේ වත්මන් යුගයේ බව විදේශ කටයුතු රාජ්‍ය අමාත්‍ය තාරක බාලසූරිය මහතා පැවසීය.
ලෝකයේ සියලු රටවල් සමඟ සමීපව කටයුතු කරමින් ජනාධිපති රනිල් වික්‍රමසිංහ මහතා ගෙන යන නොබැඳි විදේශ ප්‍රතිපත්තිය හේතුවෙන් ඉදිරියේ දී ශ්‍රී ලංකාවට සංවර්ධන ප්‍රතිලාභ රැසක් උදාවනු ඇති බවද රාජ්‍ය අමාත්‍යවරයා පෙන්වා දුන්නේය .
විදේශ කටයුතු රාජ්‍ය අමාත්‍ය තාරක බාලසූරිය මහතා මෙම අදහස් පළ කර සිටියේ ‘ස්ථාවර රටකට සැවොම එක මඟකට’ මැයෙන් අද (26) ජනාධිපති මාධ්‍ය කේන්ද්‍රයේ පැවති ප්‍රවෘත්ති සාකච්ඡාවට එක් වෙමිනි.
චීනය සහ ඉන්දියාව සමඟ මෙන්ම කලාපීය සහ ගෝලීය වශයෙන් සියලු රටවල් සමඟ ආර්ථික සහ වෙළෙඳ සබඳතා පුළුල් කර ගැනීම ජනාධිපතිතුමාගේ අරමුණ බවත් ඒ වෙනුවෙන් ඉදිරියේ දී නිල සංචාර කිහිපයක යෙදීමට සැලසුම් කර තිබෙන බවත් රාජ්‍ය අමාත්‍යවරයා පැවසීය.
එහිදී වැඩිදුරටත් අදහස් දැක්වූ රාජ්‍ය අමාත්‍ය තාරක බාලසූරිය මහතා මෙසේද පැවසීය,
සමහර ආණ්ඩු චීන රජය සමඟ සමීප සම්බන්ධතා පවත්වාගෙන ගියා වගේම චෝදනාවන්ට ද ලක් වුණා. ඒ වගේම ඇතැම් ආණ්ඩු බටහිර සබඳතාවලට වැඩි ඉඩක් ලබාදී තිබෙන බවට චෝදනා ලැබුවා. වත්මන් රජය ගෙන යන විදේශ ප්‍රතිපත්තිය හා සබඳතා ඉහළ මට්ටමක පවතින නිසා අද එවන් චෝදනා එල්ල වන්නේ නැහැ.
ජනාධිපති රනිල් වික්‍රමසිංහ මහතා අනුගමනය කරන්නේ නොබැඳි විදේශ ප්‍රතිපත්තියක්. එහිදී අපේ අසල්වාසී ඉන්දියාව සමඟ පවත්වන සමීප සම්බන්ධතාව රටක් ලෙස අපට ඉතාමත් වැදගත්. රටේ ඉදිරි සංවර්ධනයටත් එය මනා පිටිවහලක් වෙනවා.
ජනාධිපති රනිල් වික්‍රමසිංහ මහතා පසුගියදා සිදු කළ ඉන්දීය සංචාරයේ දී ඉන්දියාව සමඟ පවතින සබඳතා තවදුරත් වැඩිදියුණු කර ගැනීමට හැකියාව ලැබුණා. ඒ වගේම දෙරට අතර ක්‍රියාත්මක සංවර්ධන වැඩසටහන්වල මෙන්ම ආයෝජන සම්බන්ධවද සාධනීය ලක්ෂණ දක්නට ලැබෙනවා.
අපේ රටට ගෙන්වාගත හැකි කන්ටේනර්වලින් 85%ක්ම යන්නේ ඉන්දියාවට. ඒ නිසා ඉන්දියාව සමග යම්කිසි ගිවිසුමකට පැමිණ අපේ රටේ පවතින වරායන් දියුණු කළහොත් අපට ආර්ථිකමය වශයෙන් විශාල වාසියක් ලබා ගත හැකියි. ඒ වගේම දෙරට අතර සෘජු නෞකා සේවාවක් සහ පලාලි ගුවන් තොටුපළ වැඩිදියුණු කිරීම පිළිබඳවත් මේ වන විට සාකච්ඡා සිදු කරමින් සිටිනවා.
ඒ වගේම ශ්‍රී ලංකාව බලශක්ති කේන්ද්‍රස්ථානයක් ලෙස ගොඩනැඟීම සම්බන්ධව අවධානය යොමුවී තිබෙනවා. මුහුදු සුළං බලශක්තිය, සූර්ය විදුලි බලශක්තිය මෙන්ම හරිත බලශක්තිය ඉදිරියේදී දියුණු කළ හැක්කේ කෙසේද යන්න පිළිබඳව ද අවධානය යොමු කර තිබෙනවා. ත්‍රිකුණාමලය තෙල් ටැංකි සංකීර්ණය නවීකරණය කිරීම වගේම දෙරට අතර වෙළෙඳාම දියුණු කළ හැක්කේ කෙසේද යන්න පිළිබදවත් අවධානය යොමුව ඇති බව කිව යුතුයි.
එසේම ජනාධිපතිතුමා ඉදිරියේ දී චීනයේ සහ තවත් රටවල් කිහිපයක නිල සංචාරවලට එක්වීමට නියමිතව තිබෙනවා.
රටක් ලෙස සංවර්ධන අරමුණු ඉටුකර ගැනීමේ දී ඉන්දියාව, චීනය සමඟ පමණක් නොවෙයි, ලෝකයේ වෙනත් දියුණු රටවල් සමඟ ද පවතින සම්බන්ධතා වැඩිදියුණු කරගත යුතුයි.
විදේශ කටයුතු අමාත්‍යාංශය හරහා මෙතෙක් ක්‍රියාත්මක වූයේ රටවල් සමඟ දේශපාලන සබඳතා දියුණු කර ගැනීමේ ප්‍රතිපත්ති පමණයි. නමුත් ඒ හා සමානව ලෝකයේ සිටලු රටවල් සමඟ ආර්ථික සහ සාමාජයීය වශයෙන් සබඳතා වර්ධනය කර ගන්නේ කෙසේ ද යන්න පිළිබඳවත් මේ වන විට රජයේ අවධානය යොමුව තිබෙනවා.
ජනාධිපති රනිල් වික්‍රමසිංහ මහතා ගෙන යන නොබැඳි විදේශ ප්‍රතිපත්තිය නිසා අද සියලු රටවල සහාය අපේ රටට ලබා ගැනීමට හැකියාව ලැබී තිබෙනවා. වත්මන් විදේශ ප්‍රතිපත්තිය ලංකා ඉතිහාසයේ විදේශ සබඳතාවල හොඳම යුගය ලෙස හැඳින්විය හැකියි.
මේ නිසා ජාත්‍යන්තරයේ සියලු රටවල් සමඟ සමීපව කටයුතු කිරීමට මෙන්ම රටට සංවර්ධන ප්‍රතිලාභ රැසක් අත්කර ගැනීමට ද හැකිවී තිබෙනවා.
රුපවාහිනී විකාශන ක්‍රමය ඩිජිටල්කරණය කිරීමට අදාළ පිරිවිතර ජපන් රජය විසින් ශ්‍රී ලංකා රජයට භාර දීම (12) සිදු විය.
ඒ අනුව, ඩිජිටල් විකාශනය මෙරටට හඳුන්වාදීම සඳහා ඩිජිටල් TV Standard හඳුන්වා දීම එනම්, තාක්ෂණික පිරිවිතර ප්‍රමිතීන් (Technology specification standards) මොනවාද යන්න ඇතුළත් ලේඛනය ජපාන තානාපති මිසුකොෂි හිදෙයිකි මහතා විසින් මෙරට ජනමාධ්‍ය අමාත්‍ය ආචාර්ය බන්දුල ගුණවර්ධන මහතා වෙත පිරිනමන ලදී.
දැනට ලංකාව තුළ රුපවාහිනී විකාශය වන්නේ ඇනලොග් තාක්‍ෂණය යටතේයි. මෙම ව්‍යාපෘතිය ක්‍රියාත්මක වීම තුළින් එම ඇනලොග් තාක්‍ෂණය ඩිජිටල් තාක්‍ෂණය දක්වා පර්වර්තනය වේ. ඊට අදාළ තාක්‍ෂණය පිලිබඳ තාක්ෂණික තොරතුරු, තාක්ෂණික විශ්ලේෂණ සහිත දත්ත මෙසේ අද දින ශ්‍රී ලංකා රජය වෙත භාර දෙනු ලැබිය.
දැනට ශ්‍රී ලංකාවේ දේශීය නාලිකා 25 ක් තිබෙන අතර එම නාලිකා 25 ම විකාශනය වන්නේ ඇනලොග් තාක්‍ෂණය යටතේයි. සියලුම නාලිකා ඩිජිටල් වේදිකාවකට ගෙන ඩිජිටල් තාක්‍ෂණය යටතේ විකාශනය කිරීම මෙම ව්‍යාපෘතිය යටතේ බලාපොරොත්තුවයි.
බොහෝ නාලිකා වල නිෂ්පාදන සිදු වන්නේ ඩිජිටල් තාක්‍ෂණය ඔස්සේ වන හෙයින් මෙම විකාශනය වන රුපවාහිනී සංඥා විකාශනාගාරයේ සිට නිවස දක්වා රැගෙන යන මාර්ගය තවමත් පවතින්නේ ඇනලොග් තාක්‍ෂණය යටතේයි. එමනිසා තවමත් සුපැහැදිලි දසුන් නැරඹීමේ අපහසුතාවයන් මතුවේ. මෙම ව්‍යාපෘතිය ක්‍රියාත්මක වීමත් සමඟ මෙම සංඥා ගමන් මාර්ගය ඇනලොග් සිට ඩිජිටල් දක්වා පරිවර්තනය කිරීම මඟින් කාශනාගාරය තුළ නිෂ්පාදනය කරන ඩිජිටල් රූපරාමු එලෙසම නිවසේ ඩිජිටල් රුපවාහිනිය කරා ගෙන යාමේ හැකියාව ලැබෙනු ඇත.
ඒ තුළින් සියලුම් ප්‍රේක්ෂකයින්ට ඩිජිටල් තාක්‍ෂණය ඔස්සේ සියලු දේශීය නාලිකා නැරඹීමට හැකියාව ලැබෙනු ඇති අතරම විකාශන සංඛ්‍යාත කාර්යක්ෂම ක්‍රමයකට භාවිත කිරීම තුළින් සංඛ්‍යාත පරාසයෙන් විශාල ප්‍රමාණයක් ඉතිරි කරගැනීමේ හැකියාවද ලැබෙනු අතරම එම ඉතිරි වන සංඛ්‍යාත ප්‍රමාණයෙන් විවිධ වූ වෙනත් ක්ෂේත්‍ර වලට එනම් විදුලි සංදේශ (Telecommunication), තොරතුරු තාක්ෂණ ක්ෂේත්‍රය (ICT Infrastructure) දියුණු කිරීමට භාවිත කළ හැකිය.
මෙම සුවිශේෂ අවස්ථාවට මෙරට ජනමාධ්‍ය අමාත්‍යංශයේ ලේකම් අනුෂ පැල්පිට, ජනමාධ්‍ය අමාත්‍යංශයේ අතිරේක ලේකම් ඩි.එම්.එස්. බී. ජයසුන්දර, Management Unit of DTEB Project හි ව්‍යාපෘති අධ්‍යක්ෂ ප්‍රසන්න රාජපක්ෂ, ශ්‍රී ලංකා ජයිකා කාර්යාලයේ ප්‍රධාන නියෝජිත ජමාඩා කෙත්සුයා සහ ජපාන තානාපති කාර්යාලයේ නියෝජිත මහත්ම මහත්මිහු ආදී නිළධාරීන් රැසක් සහභාගී වූහ.
ජනාධිපති රනිල් වික්‍රමසිංහ මහතා ඊයේ (03) පස්වරුවේ ඓතිහාසික කතරගම පුද බිම වෙත ගොස් ආගමික වතාවත්වල නිරත විය.
කිරිවෙහෙර විහාරාධිපති ශාස්ත්‍රවේදී පූජ්‍ය කොබවක ධම්මින්ද නායක හිමිපාණන් වහන්සේ බැහැ දුටු ජනාධිපතිවරයා උන්වහන්සේගේ සුව දුක් විමසමින් කෙටි පිළිසඳරක නිරත විය.
අනතුරුව පැවති ආගමික වතාවත්වලට සහභාගී වූ ජනාධිපතිවරයා ආශිර්වාද ලබා ගත්තේය.
කතරගම වාර්ෂික ඇසළ මහා පෙරහර මංගල්‍යයේ අවසන් දිනය වූ ඊයේ දින පෙරහර ආරම්භ කරමින් කණ්ඩුල හස්ති රාජයා මත සධාතුක කරඬුව තැන්පත් කිරීම ද ජනාධිපති රනිල් වික්‍රමසිංහ මහතා අතින් සිදු විය.
අනතුරුව අවසන් මහා පෙරහර නැරඹීමට එක් වූ ජනාධිපතිවරයා කතරගම සමන් මහා දේවාලය වෙත ද ගොස් ආශිර්වාද ලබා ගත්තේය.
කතරගම වාර්ෂික ඇසළ මහා පෙරහර මංගල්‍ය වෙනුවෙන් පුදබිම වෙත පැමිණ සිටි බැතිමතුන් සමඟ සුහද කතා බහක නිරත වීමට ද ජනාධිපතිවරයා අමතක නොකළේය.
ජාතික ආරක්ෂාව පිළිබඳ ජනාධිපති ජ්‍යෙෂ්ඨ උපදේශක හා ජනාධිපති කාර්ය මණ්ඩල ප්‍රධානි සාගල රත්නායක, කතරගම මහා දේවාලයේ හිටපු බස්නායක නිලමේ රාජ්‍ය අමාත්‍ය ශෂේන්ද්‍ර රාජපක්ෂ, පාර්ලිමේන්තු මන්ත්‍රී මිලාන් ජයතිලක, ශ්‍රී ලංකාවේ තායිලන්ත තානාපති පොජ් හාර්න්පෝල්, (Poj Harnpol) කොළඹ හිටපු නාගරික මන්ත්‍රී කිත්සිරි රාජපක්ෂ යන මහත්වරු ඇතුළු පිරිසක් මෙම අවස්ථාවට එක්ව සිටියහ.
පොලී රහිත ශිෂ්‍ය ණය යෝජනා ක්‍රමයේ 7 වන අදියර සඳහා අයදුම්පත් කැඳවීම හෙට(04) සිට ආරම්භ කරනු සිට ආරම්භ කරනු ලැබේ. මේ සඳහා 2019/2020/2021 වර්ෂයන්හි ශ්‍රී ලංකා විභාග දෙපාර්තමේන්තුව විසින් පවත්වන ලද අ.පො.ස. (උසස් පෙළ) විභාගය සමත් සිසුන් සුදුසුකම් ලබයි.
දේශීය ණය ප්‍රතිව්‍යුහගත කිරීම මඟින් සේවක අර්ථ සාධක අරමුදල ඇතුළු කිසිඳු මහජන අරමුදල්වල සාමාජික ශේෂයට බලපෑමක් එල්ල නොවන බවත්, අතීතයේ ගෙවා ඇති සුපිරි විශ්‍රාම අරමුදල් ප්‍රතිලාභ අනුපාතයට ද කිසිඳු ආකාරයකට බලපෑමක් නැති බවත් ජනාධිපති රනිල් වික්‍රමසිංහ මහතා පැවසීය.
එසේම දේශීය ණය ප්‍රතිව්‍යුහගත කිරීම මඟින් මෙරට බැංකු පද්ධතියේ ස්ථායීතාවයට හෝ කිසිඳු රාජ්‍ය හෝ පෞද්ගලික බැංකුවක ස්ථායීතාවයට බලපෑමක් එල්ල නොවේ. රටේ මිලියන 50කට අධික බැංකු තැන්පත්කරුවන්ගේ කිසිඳු තැන්පතුවකට ද මෙහි බලපෑමක් නැති බවත්, දැනට ගෙවනු ලබන බැංකු තැන්පතු සඳහා වන කිසිඳු පොලියකට බලපෑමක් එල්ල නොවන බවත් ජනාධිපතිවරයා සඳහන් කළේය.
විදේශීය මෙන්ම දේශීය ණය ප්‍රතිව්‍යුහගත කිරීමේ යෝජනා හෙට (27) පැවැත්වෙන විශේෂ කැබිනට් මණ්ඩලයට ඉදිරිපත් කරන බව ද ජනාධිපති රනිල් වික්‍රමසිංහ මහතා පැවසීය.
ජනාධිපතිවරයා මේ බව සඳහන් කළේ ගම්පහ දිස්ත්‍රික් ලේකම් පරිපාලන සංකීර්ණය ‘ලක්සියනෑ මන්දිරය’ අද (27) පස්වරුවේ ජනතා අයිතියට පවරා දෙමිනි.
ගම්පහ දිස්ත්‍රික්කයේ ජනතාවට කාර්යක්ෂම සහ විධිමත් රාජ්‍ය සේවාවක් ලබාදීමේ අරමුණින් දිස්ත්‍රික්කයේ විවිධ ස්ථානවල පිහිටා ඇති රාජ්‍ය ආයතන 37ක් එකම ස්ථානයක ස්ථානගත කරමින් ඉදිකෙරුණු සත්මහල් පරිපාලන සංකීර්ණය සඳහා වැය කර ඇති මුදල රුපියල් මිලියන හාරදහසකට ආසන්නය.
2022 වර්ෂය අවසාන වන විට ශ්‍රී ලංකාවේ සමස්ත රාජ්‍ය ණය (දේශීය හා විදේශීය) ඩොලර් මිලියන 83,700කි. එය දළ දේශීය නිෂ්පාදිතයෙන් 128.3%ක් බව ජනාධිපතිවරයා පෙන්වා දුන්නේය. 2022 අවසන් වන විට සමස්ත විදෙස් ණය ප්‍රමාණය ඇමරිකානු ඩොලර් මිලියන 41,500කි. එය දළ දේශීය නිෂ්පාදිතයෙන් 63.6%කි. ඒ වන විට සමස්ත දේශීය ණය ප්‍රමාණය ඇමරිකානු ඩොලර් මිලියන 42,100ක් බව ජනාධිපති රනිල් වික්‍රමසිංහ මහතා පෙන්වා දුන්නේය. එය දළ දේශීය නිෂ්පාදිතයෙන් 64.6%කි.
මෙරට ණය ප්‍රතිව්‍යුහගත කිරීමකින් තොරව පවත්වාගෙන ගියහොත් 2035 වන විට ද රාජ්‍ය ණය දළ දේශීය නිෂ්පාදිතයෙන් 100%කටත් වඩා ඉහළ මට්ටමක පවතිනු ඇති බව පෙන්වා දුන් ජනාධිපතිවරයා විදේශීය ණය හිමියන් මේ වන විටත් මෙරට ණය ප්‍රතිව්‍යුහගත කිරීමට එකඟත්වය පළ කර ඇති බව පැවසීය.
ශ්‍රී ලංකාවේ ණය තිරසරභාවය ඇති කිරීමට නම් ණය ප්‍රතිව්‍යුහගත කිරීම අත්‍යාවශ්‍ය අතර දේශීය ණය ද ප්‍රතිව්‍යුහගත කළ යුතුව ඇති බව සඳහන් කළේය.
බාහිර ණය හිමියන් වශයෙන් විදෙස් ණය හිමියන් විශාල බරක් දරණ අතර, ඉදිරි වසර 05 තුළදී පමණක් විදේශ ණයකරුවන්ගෙන් ඇමරිකානු ඩොලර් බිලියන 17ක දායකත්වයක් ලබා ගැනීමට නියමිත බව පෙන්වා දුන් ජනාධිපතිවරයා ඒ අනුව අපේ දේශීය ණයකරුවන්ගෙන් ද ඊට දායකත්වයක් ලබා දිය යුතුව ඇති බව පැවසීය.
මහජනතාවගේ බැංකු තැන්පතු ආරක්ෂා කිරීමේ මූලික අරමුණ ඇතිව මෙම යෝජනාව සකස් කර තිබෙන අතර, මහබැංකු නියාමනය යටතේ පවත්වාගෙන යන සියලු බැංකුවල බැංකු තැන්පත්කරුවන් ආරක්ෂා කිරීම ප්‍රධාන වගකීමක් බව ද ජනාධිපතිවරයා පෙන්වා දුන්නේය.
ඒ අනුව දේශීය ණය ප්‍රතිව්‍යුහගත කිරීමේ ක්‍රමවේදය අනුව බැංකු තැන්පත්කරුවන්ට කිසිඳු හානියක් නොවන අතර බැංකු පද්ධතිය කඩා වැටීමකට ලක් නොවන බවත් එමඟින් සිදු වන්නේ ආර්ථිකය යළි නඟා සිටුවිය හැකි ප්‍රතිව්‍යුහගත කිරීමකට මග සෑදීම පමණක් බවද ජනාධිපති රනිල් වික්‍රමසිංහ මහතා සිහිපත් කළේය.
රටේ ආර්ථික ප්‍රකෘතිය ඇතිවීම, පොලී අනුපාතය අඩු වීම, රජයට පහසුවෙන් සහනාධාර මුදල් සැපයීමට හැකි වීම, ඊළග වසර 10 තුළ දේශීය හා විදේශීය වශයෙන් ණය බර අඩු වී එමඟින් ලැබෙන යහපත් ප්‍රතිඵල රටේ මහජනතාවට මෙමගින් හිමිවන බව ද ජනාධිපතිවරයා වැඩිදුරටත් සඳහන් කළේය.
පසුගිය ප්‍රංශ නිල සංචාරයේ දී පොදු රාජ්‍ය මණ්ඩලයේ මහලේකම් පැට්‍රිෂීයා ස්කොට්ලන්ඩ්, ජාත්‍යන්තර මූල්‍ය අරමුදලෙහි කළමනාකරණ අධ්‍යක්ෂ ක්‍රිස්ටලිනා ජෝර්ජිවා, නෙදර්ලන්ත නියෝජ්‍ය අග්රාමාත්ය (පළමු) සහ මුදල් අමාත්‍ය සිග්රිඩ් කාග්, ඇමරිකානු භාණ්ඩාගාර ලේකම් ජෙනට් යෙලන්, ජපාන විදෙස් අමාත්‍ය යොෂිමාසා හයාෂි යන අය සමග විදෙස් ණය ප්‍රතිව්‍යුහගත කිරීම සම්බන්ධයෙන් සහ ශ්‍රී ලංකාවේ මූල්‍ය ක්ෂේත්‍රයේ අත්පත් කරගෙන යනු ලබන ප්‍රගතිය සම්බන්ධයෙන් සාකච්ඡා කළ බවද ජනාධිපති රනිල් වික්‍රමසිංහ මහතා පැවසීය.
මෙහිදී ශ්‍රී ලංකාවේ මතුව තිබු අර්බුදය ආපසු හැරවීමට හැකිවීම ගැන මේ සියලු දෙනා සතුට පළ කළ බවත්, ඉදිරියේ දී ආර්ථිකය ප්‍රකෘතිමත් කිරීම සදහා උපරිම දායකත්වය ලබාදීමට පියවර ගන්නා බව ප්‍රකාශ කළ බවත් ජනාධිපතිවරයා සඳහන් කළේය.
ඉන්දීය මුදල් අමාත්‍ය නිර්මලා සීතාරාමන් මහත්මිය සමඟ මෑතකදී කළ දුරකථන සංවාදයේ දී ද ශ්‍රී ලංකාවේ ණය ප්‍රතිව්‍යුහගත කිරීමට සහ ආර්ථික ස්ථායීතාවයට සුබවාදී දායකත්වය පිරිනමන බව ප්‍රකාශ කළ අතර, ඉදිරි ඉන්දීය සංචාරයේ දී ඒ පිළිබඳව දීර්ඝ සාකච්ඡාවකට එළැඹීමට නියමිත බවත් ජනාධිපතිවරයා පැවසීය.
මේ මොහොතේ දී චීන නිල සංචාරයක නිරත විදේශ අමාත්‍ය අලි සබ්‍රි මහතා එරට විදේශ අමාත්‍ය ක්වින් ගැන්ඩ් මහතා සමඟ අදහස් හුවමාරු කර ගැනීමේ දී දෙරට අතර බහුපාර්ශවීය සහ ආර්ථික සබඳතා සවිමත් කර ගැනීමට එකඟ වී ඇති බවත් ජනාධිපතිවරයා සඳහන් කළේය.
එසේම චීන මුදල් අමාත්‍ය ලී ක්‍යුන් මහතා සමග බීජිං නුවර පැවතී සාකච්ඡාවේ දී මෙරට ආර්ථික ස්ථායීකරණය සහ ස්ථාවර ප්‍රගතිය වෙනුවෙන් වන සැලසුම පිළිබඳව දැනුවත් කර ඇති බවත් පසුගිය අර්බුදකාරී සමයේ චීනය ලබාදුන් විශේෂ දායකත්වය පිළිබඳව ද අලි සබ්‍රි මහතා සිය ස්තූතිය පිරිනැමීමට කටයුතු කළ බවත් ජනාධිපති රනිල් වික්‍රමසිංහ මහතා පැවසීය.
මෙම සංචාරයේ දී ශ්‍රී ලංකාවේ විදෙස් ණය ප්‍රතිව්‍යුහගත කිරීම සම්බන්ධයෙන් චීනය විසින් පත් කර ඇති චීන එක්සීම් බැංකුවේ සභාපති වූ ෆුලින් සහ නිලධාරීන් සමඟ සාකච්ඡා කළ බවත්, ශ්‍රී ලංකාවේ ණය ප්‍රතිව්‍යුහගත කිරීමට හැකි උපරිම ආකාරයෙන් දායකත්වය ලබාදෙන බව ඔවුන් සඳහන් කර තිබෙන බවත් ජනාධිපතිවරයා කියා සිටියේය.
අග්රාමාත්ය දිනේෂ් ගුණවර්ධන, අමාත්‍යවරුන් වන ප්‍රසන්න රණතුංග, නලින් ප්‍රනාන්දු, රාජ්‍ය අමාත්‍යවරුන් වන ෂෙහාන් සේමසිංහ, ප්‍රසන්න රණවීර, සිසිර ජයකොඩි, ලසන්ත අලගියවන්න, ජානක වක්කුඹුර, ගම්පහ දිස්ත්‍රික් සංවර්ධන කමිටුවේ සභාපති පාර්ලිමේන්තු මන්ත්‍රී සහන් ප්‍රදීප්, පාර්ලිමේන්තු මන්ත්‍රීවරුන් වන නිමල් ලන්සා, සුදර්ශනී ප්‍රනාන්දුපුල්ලේ, මිලාන් ජයතිලක, දේශගුණික විපර්යාස පිළිබඳ ජනාධිපති ජ්‍යෙෂ්ඨ උපදේශක රුවන් විජේවර්ධන, බස්නාහිර පළාත් ආණ්ඩුකාර රොෂාන් ගුණතිලක යන මහත්වරු ඇතුළු පිරිසක් මෙම අවස්ථාවට එක්ව සිටියහ.
රාජ්‍ය මාධ්‍ය ආයතනවල ක්‍රියාකාරිත්වය විධිමත් කිරීමට ජනාධිපති සහ මුදල් ඇමැති රනිල් වික්‍රමසිංහ මහතාගේ උපදෙස් පරිදි ස්වෙච්ඡා විශ්‍රාම වන්දි ක්‍රමයක් යටතේ සේවක සංඛ්‍යාව පහත හෙළීමට අදාළ වන්දි කටයුතු වෙනුවෙන් ජාතික රූපවාහිනියට රුපියල් මිලියන 300ක් ද, ශ්‍රී ලංකා ගුවන්විදුලි සංස්ථාවට රුපියල් මිලියන 300ක් ද මහා භාණ්ඩාගාරයේ සෘජු පාලනයට අයත් නොවන එමෙන්ම මහා භාරකාර දෙපාර්තමේන්තුවේ ප්‍රධාන කොටස් හිමියා වන සීමාසහිත එක්සත් ප්‍රවෘත්ති පත්‍ර සමාගමට රුපියල් මිලියන 300ක් ද 2023 අය-වැයෙන් ජනමාධ්‍ය අමාත්‍යාංශ වැය ශීර්ෂය යටතේ දීමට තීරණයවී තිබේ.
ප්‍රවාහන, මහාමාර්ග හා ජනමාධ්‍ය ඇමැති, ආචාර්ය බන්දුල ගුණවර්ධන මහතා කළ විශේෂ ඉල්ලීමක් අනුව ජනාධිපතිවරයා මේ තීරණය ගෙන ඇත.
සෘජුවම ලේක්හවුස් ආයතනයට එම මුදල දීමට මහා භාණ්ඩාගාරයට ප්‍රතිපාදන නොමැති නිසා ලේක්හවුස් ආයතනය ගැසට් කර තිබෙන ජනමාධ්‍ය අමාත්‍යාංශය හරහා ඊට මුදල් දීමට නියෝජ්‍ය භාණ්ඩාගාර ලේකම් ඒ. කේ. සෙනෙවිරත්න, අය-වැය අධ්‍යක්ෂ ජනරාල් ජූඩ් නිලක්ෂන්, භාණ්ඩාගාර මෙහෙයුම් අධ්‍යක්ෂ ජනරාල් දිලිත් සිල්වා මහත්වරුන්ගේ සහභාගිත්වයෙන් පැවති රැස්වීමකදී තීරණයවී තිබේ.
මෙහිදී ජනමාධ්‍ය අමාත්‍යාංශය සහ ලේක්හවුස් ආයතනය අතර අවබෝධතා ගිවිසුමක් අත්සන් තැබිය යුතු බවටත්, එහි ප්‍රගතිය වරින් වර ජනමාධ්‍ය අමාත්‍යාංශය විසින් මුදල් අමාත්‍යාංශය වෙත ලබා දිය යුතු බවටත් එම ගිවිසුමේ කොන්දේසි නිසි පරිදි ඉටු කරන්නේ ද යන්න සම්බන්ධයෙන් ජනමාධ්‍ය අමාත්‍යාංශයෙන් මුදල් අමාත්‍යාංශයට වාර්තා කළ යුතු බවටත් එහිදී තීරණයවී ඇත.
වසර 2022දී 1200ක් පමණ වූ ලේක්හවුස් සේවක සංඛ්‍යාව 972ක් දක්වා අඩු කර තිබූ අතර, මේ වසර අවසන් වන විට සේවක සංඛ්‍යාව 900ක් දක්වා අඩු කිරීමට නියමිතව ඇත. 2024 වසර අවසන් වන විට ආයතනයේ ස්ථීර සහ කොන්ත්‍රාත් පදනම මත සිටින සමස්ත සේවක සංඛ්‍යාව 850ක් දක්වා අඩු කිරීමට මේ ගිවිසුමෙන් එකඟවී ඇත.
මේ අතර නිසි කාර්ය සාධන ක්‍රමවේද ක්‍රියාත්මක කිරීමට පුහුණුව හා සංවර්ධනය සඳහා අවශ්‍ය පියවර ගන්නා අතරම, වාර්ෂික කාර්ය සාධන සමාලෝචනයේදී සේවකයාගේ වත්මන් කාර්ය සාධන මට්ටම ඇඟයීමටත් කටයුතු කරනු ඇත.
පසුගිය සැප්තැම්බර් මාසයේ සිට මේ දක්වාම ලාභ ලබන රාජ්‍ය මාධ්‍ය ආයතනයක් බවට පත්ව ඇති ලේක්හවුස් ආයතනයට ගිවිසුම්ලත් සේවක සංඛ්‍යාව ඉක්මවා යන පරිදි මින් ඉදිරියට බඳවා ගැනීම් සිදු කරන්නේ නම් ඒ සඳහා ඇමැති මණ්ඩල අනුමැතිය ගත යුතු බව ද ගිවිසුමේ දැක්වේ.
එමෙන්ම සෑම අවස්ථාවකදීම ස්ථාවර මූල්‍ය තත්ත්වයක් පවත්වාගෙන යෑමට හැකි සෑම උත්සාහයක්ම දැරිය යුතු බවත්, සීමාසහිත එක්සත් ප්‍රවෘත්ති පත්‍ර සමාගමේ සාංගමික සංස්ථා පත්‍රය යටතේ දක්වා ඇති සමාගම පිහිටුවීමේ අරමුණු 61 පිළිබඳව නැවත සමාලෝචනයක් කිරීමටත් සංශෝධන අවශ්‍ය වන්නේ නම් ඒ සඳහා නියමිත අනුමැතීන් ගෙන සුදුසු පරිදි යාවත්කාලීන කිරීමටත්, මේ අවබෝධතා ගිවිසුමෙන් එකඟතාව පළ කර තිබේ.
ජනමාධ්‍ය අමාත්‍යාංශයේ ලේකම් අනූෂ පැල්පිට සහ ලේක්හවුස් ආයතනයේ නීති හා පරිපාලන අධ්‍යක්ෂ නීතිඥ ජනක රණතුංග මහත්වරුන් විසින් අදාළ ගිවිසුම අත්සන් කරන ලදි.
මේ අවස්ථාවට ජනමාධ්‍ය අමාත්‍යාංශයේ අතිරේක ලේකම් ලෝෂනි පීරිස්, අතිරේක ලේකම් ඊ. එම්. එස්. බී. ජයසුන්දර, නීති නිලධාරිනී නීතිඥ යුරේකා වේලාරත්න, සැලසුම් අධ්‍යක්ෂ ඩබ්ලිව්. පී. සෙව්වන්දි, ලේක්හවුස් කර්තෘ මණ්ඩල අධ්‍යක්ෂ සිසිර පරණතන්ත්‍රී, සාමාන්‍යාධිකාරී සුමිත් කොතලාවල, අතිරේක සාමාන්‍යාධිකාරි විරාජිත් බොයිස් සහ ලේක්හවුස් ආයතනයේ සමාගම් ලේකම් සුදර්ශි හේවාවසම් මහත්ම මහත්මීහු ද මේ අවස්ථාවට එක්ව සිටියහ
ජනාධිපති රනිල් වික්‍රමසිංහ මහතා සහ නෙදර්ලන්ත නියෝජ්‍ය අග්රාමාත්ය (පළමු) සහ මුදල් ඇමැති සිග්රිඩ් කාග් (Sigrid Kaag) මහත්මිය ද්වි-පාර්ශ්වික සාකච්ඡාවල නිරත වූ අතර, එම අවස්ථාවට ජාතික ආරක්ෂාව පිළිබඳ ජනාධිපති ජ්‍යෙෂ්ඨ උපදේශක හා ජනාධිපති කාර්ය මණ්ඩල ප්‍රධානි සාගල රත්නායක, මහ බැංකු අධිපති ආචාර්ය නන්දලාල් වීරසිංහ මහත්වරු ද එක්ව සිටියහ.
ජනපති රනිල් වික්‍රමසිංහ මහතා නිරත වී සිටි සිය යුරෝපා සංචාරය නිමා කර අද (26) උදෑසන යළි කටුනායක ගුවන් තොටුපොළ ඔස්සේ ශ්‍රී ලංකාවට පැමිණියේය.
