මේ වන විට දේශීය වෛද්‍ය ක්‍රම භාවිතා කරමින් සිටින බවත්, සැළසුම් සහගත ව එය ඉදිරියට පවත්වාගෙන යාම පිළිබඳවත් මෙහි දී සාකච්ඡා කළ බව ශවේන්ද්‍ර සිල්වා මහතා වැඩිදුරටත් සඳහන් කළේය.

ත්‍රිවිධ හමුදාව විසින් පවත්වාගෙන යනු ලබන නිරෝධායන මධ්‍යස්ථාන වලින් එනම්, කුණ්ඩසාලේ මධ්‍යස්ථානයෙන් තිදෙනෙක්, බූස්ස මධ්‍යස්ථානයෙන් 11 ක්, මුලතිව් මධ්‍යස්ථානයෙන් 203 ක් වශයෙන් 217 දෙනකු දින 14 ක නිරෝධායන කාලය නිම කිරීමෙන් අනතුරුව තවත් දින 14 ක ස්වයං නිරෝධායනයට උපදෙස් දෙමින්  (06) දින ඔවුන්ගේ නිවෙස් කරා මුදා හැරීමට කටයුතු කළ අතර ත්‍රිවිධ හමුදාව විසින් පවත්වාගෙන යනු ලබන නිරෝධායන මධ්‍යස්ථාන වලින් 3,386 දෙනකු මේ වන විට නිවෙස් කරා මුදා හැරීමට කටයුතු කර ඇති බවත් මෙහි දී සදහන් විය.

ත්‍රිවිධ හමුදාව මඟින් පවත්වාගෙන යනු ලබන මෙම නිරෝධායන මධ්‍යස්ථාන 40 අතරින් තුනක් ගුවන් හමුදාව විසින් ද, එක් මධ්‍යස්ථානයක් නාවික හමුදාව සතු වන අතර ඉතිරි 36 යුධ හමුදාව ව ඉසින් පවත්වාගෙන යනු ලබයි.
මෙම නිරෝධායන මධ්‍යස්ථාන 40 හි 1,287 දෙනකු තවදුරටත් නිරෝධායනය වෙමින් සිටි. 07 දිනයේ දී ද කණ්ඩායමක් දින 14 නිම වී තවත් දින 14 ක ස්වයං නිරෝධායනයට වෛද්‍ය උපදෙස් ලබා දෙමින් නිවෙස් කරා මුදා හැරීමට නියමිතයි.

සෞඛ්‍ය සේවා අධ්‍යක්ෂ ජනරාල් විශේෂඥ වෛද්‍ය අනිල් ජාසිංහ මහතා COVID - 19 පැතිරීම වැළැක්වීමේ ජාතික ක්‍රියාන්විත මධ්‍යස්ථනයේ දී ඊයේ (06) විශේෂ ප්‍රකාශයක් නිකුත් කරමින් මේ බව පැවසීය.

වෙනත් රෝගීන් සිටින්නේ ද යන්න සෙවීම සඳහා රසායන පරීක්ෂණ සංඛ්‍යාත්මක ව තවදුරටත් වැඩි කිරීමට කටයුතු කරන බවත්, ඒ සඳහා වැඩපිළිවෙලක් සකස් කර ඇති අතර මෙහි දී සිදු කරනු ලබන්නේ වෛරසය හඳුනාගනු ලබන්නේ PCR පරීක්ෂණය වන අතර Rappid Test පරීක්ෂණය ඉදිරියට (Validate) වලංගු කරන බවත්, ගුණාත්මකභාවයෙන් යුතු Rappid Test Kit ලැබෙන අවස්ථාවක එම පරීක්ෂණයත් සුදුසු පරිදි කිරීමට බලාපොරොත්තු වෙන බවත් මෙහි දී සඳහන් කෙරිණි.

1390 හා 1399 ට අමතා ජනතාවට නිවසේ සිටම දුරකතනයෙන් ඇමතුම් ලබා ගෙන තමන්ට තිබෙන රෝග ලක්ෂණ අනුව නිසි උපදෙස් ලබා දීමක් ද සිදු කෙරේ. ඉදිරියටත් සමාජ දුරස්ථභාවය ඇති කර ගෙන කටයුතු කිරීම සැමගේ වගකීමක් ලෙස සිතා කටයුතු කළ යුතු බව ද මෙහි දී අවධාරණය කර සිටි අතර කරුණු වසං කිරීමෙන් වළකින ලෙසත් මහජනතාවට දැනුම් දී සිටියේය.

අමාත්‍ය ආචාර්ය බන්දුල ගුණවර්ධන මහතා අද (02) රජයේ ප්‍රවෘත්ති දෙපාර්තමේන්තු ශ්‍රවණාගාරයේ දී පැවති කැබිනට් තීරණ දැනුම් දීමේ මාධ්‍ය හමුවේ දී මේ බව ප්‍රකාශ කර සිටියේය.

මෙරට පවත්නා කොරෝනා වෛරස වසංගත තත්ත්වය ඉදිරි සති දෙකක කාලය තුළ භයානක මට්ටමකට ළඟා විය හැකි බවට මෙරට සෞඛ්‍ය විශේෂඥයින් අනතුරු අඟවා ඇති බව ද අමාත්‍යවරයා පැවසීය.

ලෝක සෞඛ්‍ය සංවිධානයේ ප්‍රධානින් හරහා අප වැනි රටවල් වලට මුහුණ දීමට සිදු ව ඇති තත්ත්වයන් මත ණය වාරික ගෙවීම කල් දැමීමට හෝ ප්‍රතිසැකසුම් කිරීමට ලෝකයේ බලවත් මුල්‍ය ආයතන වලින් ඉල්ලා සිටීමේ යෝජනාව ජනාධිපති ගෝඨාභය රාජපක්ෂ මහතා මේ වන විට ඉදිරිපත් කර ඇති බවත්, දෙවන ලෝක සංග්‍රාමයෙන් පසුව ඇති වූ මෙම තත්ත්වය හමුවේ උද්ගතව ඇති දැවැන්තම ආර්ථික අර්බුදය හමුවේ තනිව විසඳුම් සොයා ගැනීමට නොහැකි හෙයින් ඒ සඳහා ලෝක ආර්ථික විශේෂඥයින්ගෙන් සමන්විත සමුළුවක් කැඳවීමට ද කැබිනට් මණ්ඩලයේ දී ජනාධිපතිතුමා වෙත යෝජනා කළ බව ද මෙහි දී සඳහන් කෙරිණි.

ඒ අනුව, රාජ්‍ය සේවකයින් හැරුණු කොට අනෙකුත් සමස්ත ජනතාව ආවරණය වන පරිදි ව්‍යාපාරික ප්‍රජාවට, විශ්‍රාමිකයින්ට, වැඩිහිටියන්ට, අබාධිත පුද්ගලයින්ට, ළමා ආරක්ෂක අංශ යටතේ පසුවෙන දරුවන්ට, විශේෂ අවශ්‍යතා ඇති අයවලුන්ට, ස්වයං රැකියා වල නියුතු වූවන්ට, සමෘද්ධි ලාභීන්ට, සමෘද්ධි ව්‍යාපාරයට සම්බන්ධ සියලු පාර්ශ්වයන්ට, වැනි ලක්‍ෂ 40 කටත් වැඩි පිරිසකට මෙම අවස්ථාවේ දී මුල්‍යමය වශයෙන් උපරිම සහනය ලබා දීම සඳහා අවම වශයෙන් ජීවත් වීමට අවශ්‍ය වන සේ අවම රුපියල් 5,000 ක දීමනාවක් ලබා දීම සඳහා වන විශේෂ කැබිනට් පත්‍රිකාව පිලිබඳ ජනාධිපතිතුමා සමඟ සාකච්ඡා කර ඇති බවත් මෙහි දී සඳහන් විය.

මෙහිදී විශේෂඥ වෛද්‍යවරුන්ගේ සංගමය මගින් ප්‍රධාන වශයෙන්ම යෝජනා 07 ක් සෞඛ්‍ය අමාත්‍යවරිය වෙත ඉදිරිපත් කරන ලදි.

එම ඉදිරිපත් කරන ලද යෝජනා පහත පරිදි වේ.

01.කැස්ස, සෙම්ප්‍රතිශ්‍යාව තිබෙන සියලු දෙනා COVID -19 රෝගීන් දැයි තහවුරු වන තෙක් ආරක්ෂිත ක්‍රම අනුගමනය කරමින් ප්‍රතිකාර සේවාවන් සිදු කිරීම.

02. කොරෝනා වෛරසය පිළිබද සිදුකරන පර්යේෂණ සහ නිර්ණායක පුළුල් කිරීම.

04.කැස්ස, සෙම්ප්‍රතිශ්‍යාව සදහා ප්‍රතිකාර ගැනීමට රෝහල්වලට පැමිණෙන රෝගීන්  විශේෂිත වාට්ටුවල ප්‍රතිකාර ලබා දීම.

05. COVID -19 ප්‍රතිකාර සේවාවන් සිදු කරන සෞඛ්‍ය කාර්ය මණ්ඩල සදහා ලබාදෙන පුද්ගල ආරක්ෂිත උපකරණ ඇගළුම් වැනි දෑ රෝහල්වලට නිසි ක්‍රමවේදයට ලබාදීම.

06. කොරෝනා වෛරසය ආසාදිතයින්ට ප්‍රතිකාර කරන සෞඛ්‍ය කාර්ය මණ්ඩල වලට ජිවිත රක්ෂණ ක්‍රමයක් සකස් කිරීම.

07. සායනික ප්‍රතිකාර සිදු කිරීමේ දී විශේෂඥ උපදෙස් ලබාගැනීම

මෙම යෝජනා අතුරින් කොරෝනා ආසාදිත රෝගීන්ට ප්‍රතිකාර සිදු කරන සෞඛ්‍ය කාර්ය මණ්ඩල ඇගයීමක් ලෙස ජිවිත රක්ෂණ ක්‍රමයක් සකස් කරන යෝජනාව ඉතාම කාලෝචිත යෝජනාවක් බවටත්, එවැනි යෝජනාවක් ඉදිරිපත් කිරීම පිළිබදව එම සංගමයට සෞඛ්‍ය අමාත්‍යතුමිය ස්තූතිය පළ කරන ලදි. අනෙකුත් යෝජනා ද කාලෝචිත යෝජනා බැවින් ඒ පිළිබද විශේෂ අවධානය යොමු කර කටයුතු කරන බවත්, කොළඹ, කළුතර සහ ගම්පහ දිස්ත්‍රික්ක වල වෙනම කොරෝනා වෛරසය ආසාදිත රෝගීන්ට ප්‍රතිකාර කිරීමට රෝහල් ස්ථාපිත කිරීමට කටයුතු කරන බව අමාත්‍යතුමිය පැවැසීය.

මනා කළමණාකාරීත්වයකින්, අනාගත දැක්මකින් තීන්දු තීරණ ගැනීම පිළිබදව විශේෂඥ වෛද්‍ය සංගමයේ වෛද්‍යවරු සෞඛ්‍ය අමාත්‍යවරියට මෙහිදී විශේෂ ස්තූතියක් පළ කිරීම ද විශේෂත්වයක් විය.

මෙම අවස්ථාවට සෞඛ්‍ය ලේකම් භද්‍රානි ජයවර්ධන මහත්මිය, සෞඛ්‍ය සේවා අධ්‍යක්ෂ ජනරාල් විශේෂඥ වෛද්‍ය අනිල් ජාසිංහ මහතා, විශේෂඥ වෛද්‍යවරුන්ගේ සංගමයේ සභාපති විශේෂඥ වෛද්‍ය ලලන්ත රණසිංහ මහතා, ලේකම් විශේෂඥ වෛද්‍ය අශෝක ගුණරත්න මහතා ඇතුලු පිරිසක් සහභාගි වී සිටියේය.

තවදුරටත් අවදානම් යැයි කළුතර, කොළඹ, ගම්පහ සහ පුත්තලම යන දිස්ත්‍රික්ක හඳුනගෙන තිබේ. කොළඹ දිස්ත්‍රික්කයේ වෛරසය අසාදිත රෝගීන් සඳහා හෝමාගම මූලික රෝහල වෙන් කරගෙන ඇති අතර එහි නිරෝධායන මධ්‍යස්ථානයක් ද ඇතුළත් වේ. පුත්තලම දිස්ත්‍රික්කයේ COVID -19 රෝගීන්ට ප්‍රතිකාර කිරීම සඳහා Voice of America නමින් ඇදන් 50 ක් සහිත රෝහලක් පුත්තලම ඉරණවිල ප්‍රදේශයේ ඉදිකරගෙන යමින් සිටින අතර එය ත දින දෙකකින් ඇරඹිය හැකි බව ද මෙහි දී සඳහන් විය.

අනෙකුත් අවදානම් යැයි සැලකෙන ගම්පහ, කළුතර සහ දිස්ත්‍රික්කයන්හි මිනුවන්ගොඩ රෝහල සහ බේරුවල රෝහල වෛරස අසාදිත යැයි පුද්ගලයින්ට ප්‍රතිකාර කිරීම සඳහා තෝරා ගෙන ඇති බවත්, ඒ සඳහා තවදින දින දෙකකින් බේරුවල රෝහල වෛරස අසාදිත පුද්ගලයින්ට ප්‍රතිකාර කිරිමට පවරා ගනු ලබන බවත්, මිනුවන්ගොඩ රෝහල ඒ වෙනුවෙන් හෙට දිනයේ දී සුදානම් කරන බවත් මෙහි දී සඳහන් විය.

ඒ අනුව, කැස්ස,ශ්වසන අපහසුතා,උණ,සෙම්ප්‍රතිශ්‍යාව සහිත වෛරසය අසාදිත යැයි සැකකටයුතු රෝගීන් සිටී නම් අනෙකුත් ප්‍රජාවගේ යහපත උදෙසා මෙම දිස්ත්‍රික්ක හතරෙහි සදහන් කරන ලද මෙම රෝහල් වෙතට යොමු කරන ලෙස Isolation Units නොමැති සියලුම රෝහල් වලින් සහ ජනතාවගෙන් ඉල්ලා සිටියේය.

ජනාධිපති ගෝඨාභය රාජපක්ෂ මැතිතුමා විසින් සෞඛ්‍ය හා සමාජ සංරක්ෂණ අරමුදල මාර්තු මස 23 වන දින ස්ථාපනය කෙරිණි. බැංකුව වෙත කෙරුණු රුපියල් මිලියන 9.5 ක ඝෘජු තැන්පත් කිරීම් සහ ජනාධිපති ලේකම් කාර්යාලය පරිත්‍යාග කළ රුපියල් ලක්ෂ 05 ක් සමගින්  (31) පෙ.ව 8.00 වන විට රුපියල් මිලියන 145ක් අරමුදල වෙත බැර වි තිබිණ.

මහජන බැංකුවේ මූල්‍ය කළමනාකරණ ගිණුම් දෙපාර්තමේන්තුව රුපියල් මිලියන 10ක්, මහජන බැංකු විශ්‍රාමිකයන්ගේ සංගමය රුපියල් මිලියන 03ක්, පීපල් ලීසිං, ලීට්‍රෝ ගෑස් ලංකා ලිමිටඩ්, ශ්‍රී ලංකා රක්ෂණ සංස්ථාව සහ ලංකා බැංකුව රුපියල් මිලියන 05 බැගින් ද ජාතික ඉතිරි කිරීමේ බැංකුව රුපියල් මිලියන 08ක් සහ අක්බාර් බ්‍රදසර්ස් ප්‍රයිවට් ලිමිටඩ් ආයතනය පරිත්‍යාග කළ රුපියල් මිලියන 50 සමගින් තැන්පතුවේ ශේෂය රුපියල් මිලියන 242 දක්වා ඉහළ ගොස් තිබිණ.

ලංකා බැංකුවේ ආයතන ශාඛාවේ අංක 85737373 දරණ COVID-19 සෞඛ්‍ය හා සමාජ සංරක්ෂණ අරමුදලට දෙස් විදෙස් ඕනෑම අයෙකුට පරිත්‍යාග හෝ ඝෘජු තැන්පත් කිරීම් හෝ සිදු කල හැක. නීත්‍යානුකූල ගිණුම් මගින් අරමුදලට කෙරෙන පරිත්‍යාග මුදල් බදු සහ විදේශ විනිමය රෙගුලාසිවලින් නිදහස් කෙරේ. චෙක්පත් හෝ ටෙලි ග්‍රාෆ් සම්ප්‍රේෂණ මගින් ද මුදල් තැන්පත් කිරීමට පිළිවන.

ලෝක සෞඛ්‍ය සංවිධානයේ අධ්‍යක්ෂ ජනරාල්වරයා සමග දුරකථනයෙන් කථා කළ ජනාධිපතිතුමා ණය අත්හිටුවීමට හෝ ණය නැවත පෙළගැස්වීමට හෝ ඉඩ දෙන ලෙස අන්තර්ජාතික මූල්‍ය අරමුදලේ කළමනාකරණ අධ්‍යක්ෂ, ලෝක බැංකු සභාපති, ආසියානු සංවර්ධන බැංකුවේ සභාපති සහ ද්විපාර්ශ්වික ණය සපයන මුල්පෙළේ රටවල නායකයන් එකඟ කර ගන්නැයි පැවසීය.

අධ්‍යක්ෂ ජනරාල්වරයා සිය නිල ට්විටර් අඩවියේ සටහනක් තබමින් මේ බව පවසා ඇත.